ကလင်တန်နဲ့ ထရမ့်တို့ရဲ့ စကားစစ်ထိုးပွဲမှာ ဘာတွေပြောခဲ့သလဲ

စက်တင်ဘာ ၂၈၊ ၂၀၁၆
M-Media

– လာမယ့် နိုဝင်ဘာရွေးကောက်ပွဲမှာ ၀င်ရောက်အရွေးခံရမယ့် အမေရိကန်သမ္မတလောင်းတွေဖြစ်တဲ့ ဒီမိုကရက်တစ်ပါတီက ဟီလာရီကလင်တန်နဲ့ ရီပက်ဘလစ်ကန်ပါတီက ဒေါ်နယ်ထရမ့်တို့ဟာ ယမန်နေ့မှာ ပထမဆုံးအကြိမ် စကားစစ်ထိုးပွဲ ပြုလုပ်ခဲ့ပြီး လူမျိုးရေးခွဲခြားမှု၊ စီးပွားရေးနဲ့ နိုင်ငံခြားရေးရာ ပေါ်လစီတွေအကြောင်းကို အချေအတင် ပြောဆို ဆွေးနွေးခဲ့ကြပါတယ်။

ကလင်တန်ကတော့ ထရမ့်ဟာ လူမျိုးရေးခွဲခြားသူ၊ တဏှာကျူးသူ၊ အခွန်ရှောင်သူလို့ စွပ်စွဲပြောဆိုခဲ့ပြီး သူဌေးကြီး ထရမ့်က ကလင်တန်ရဲ့ နိုင်ငံရေးသားမားဘ၀ကို ထိုးနှက်ခဲ့သလို အစိုးရအဖွဲ့မှာ တာဝန်ထမ်းဆောင်ချိန် သူ့ရဲ့ ဆောင်ရွက်မှုတွေအတွက် တာဝန်ယူဖို့လည်း တောင်းဆိုခဲ့ပါတယ်။

နယူးယောက်က Hofstra တက္ကသိုလ်မှာ ပြုလုပ်ခဲ့တဲ့ အဲဒီ မျက်နှာချင်းဆိုင် စကားစစ်ထိုးပွဲဟာ ရွေးကောက်ပွဲအတွက် မဲဆွယ်မှုအတွင်းမှာ ကြိုတင်လက်ဦးမှု အရနိုင်ဆုံး အချိန်ဖြစ်ပြီး နှစ်ဖက်စလုံးက တက်ရောက်လာတဲ့ ပရိသတ်တွေကလည်း စံချိန်တင် များပြားခဲ့ပါတယ်။

သူတို့နှစ်ယောက် အခြေအတင် အပြောဆုံး ကိစ္စတွေထဲမှာ ထရမ့်က နှစ်တော်တော်ကြာ စောကဒကတက်ခဲ့တဲ့ သမ္မတ အိုဘားမားဟာ အမေရိကန်မှာမွေးတာ ဟုတ်လား၊ မဟုတ်ဘူးလားဆိုတဲ့ ကိစ္စလည်း ပါဝင်ခဲ့ပြီး တစ်ယောက်နဲ့တစ်ယောက် အပြန်အလှန် တိုက်ခိုက်ပြောဆိုခဲ့ကြပါတယ်။

အိုဘားမားဟာ ဟာဝိုင်ယီမှာ မွေးခဲ့တယ်ဆိုတာ ၂၀၁၁ ခုနှစ်မှာ မွေးစာရင်း ထုတ်ပြန်ခဲ့ပြီးတဲ့နောက် ဒီပြဿနာ အဆုံးသတ်သွားပေမယ့် ဒီလအစောပိုင်းမှာ ထရမ့်က သူ့အနေနဲ့ အိုဘားမား အမေရိကန်မှာ မွေးခဲ့တယ်ဆိုတာ ယုံကြည်တယ်လို့ ထေ့ငေါ့ပြောကြားခဲ့ပါတယ်။

ဟီလာရီက ဒီအချက်ကို ပြန်လည်ချေပခဲ့ပါတယ်။

“သူ (ထရမ့်) က ကျွန်မတို့ရဲ့ ပထမဆုံး လူမည်းသမ္မတဟာ အမေရိကန်နိုင်ငံသား မဟုတ်ဘူးဆိုတဲ့ လူမျိုးရေးခွဲခြားတဲ့ မုသားကို အခြေခံပြီး နိုင်ငံရေးစင်မြင့်ကို တက်လာခဲ့တာပါ။ ဒီအတွက် အထောက်အထား လုံးဝ မရှိပါဘူး။ ဒါပေမယ့် သူကခံငြင်းလာတာ နှစ်ပေါင်းမနည်းတော့ဘူး” လို့ ကလင်တက ဆိုပါတယ်။

ထရမ့်ကတော့ မရှော့ဘဲ အဲဒီသူရဲ့ မှားယွင်းတဲ့ စွပ်စွဲချက်ကို ဆက်လက်စွဲကိုင်ထားခဲ့ပြီး ၂၀၀၈ မဲဆွယ်ပွဲမှာ အိုဘားမားကို ကလင်တန် ရှုံးနိမ့်မှုက ဒီ မွေးစားရင်းပြဿနာကို ဖြစ်စေခဲ့တယ်ဆိုပြီး ကလင်တန်ကို အပြစ်ဖို့ခဲ့ပြန်ပါတယ်။

နောက်ပြီး ထရမ့်က ရာဇ၀တ်မှုတွေကို လျှော့ချဖို့အတွက် ရဲတပ်ဖွဲ့အနေနဲ့ သံသယရှိသူကို ချက်ခြင်း ရပ်တန့် ရှာဖွေနိုင်တဲ့ နည်းစနစ် (stop-and-frisk policing) ကို အသုံးပြုဖို့ ထောက်ခံခဲ့ပြီး ကလင်တန်ကတော့ ဒါဟာ အခြေခံဥပဒေနဲ့ မညီညွတ်သလို ထိရောက်မှုရှိမှာ မဟုတ်ဘူးလို့ ဆိုပါတယ်။

နိုင်ငံခြားရေး ပေါ်လစီ

ထရမ့်ကတော့ ကလင်တန်အနေနဲ့ သမ္မတဖြစ်လာရင် ပြည်တွင်းနဲ့ နိုင်ငံတကာ ပြဿနာတွေကို ဖြေရှင်းပေးမယ်လို့ ကတိပေးထားပေမယ့် သူ့ရဲ့ နိုင်ငံရေးသမားဘ၀မှာ ဒါတွေကို ဖြေရှင်းနိုင်တဲ့ အခွင့်အရေးကို ဖြုန်းတီးပစ်ခဲ့သူ ဖြစ်တယ်လို့ ထိုးနှက်ခဲ့ပါတယ်။

“သူမမှာ အတွေ့အကြံရှိပါတယ်။ ဒါပေမယ့် ကောင်းတဲ့ အတွေ့အကြံတော့မဟုတ်ပါဘူး” လို ထရမ့်က ဆိုပါတယ်။

နောက်ပြီး နိုင်ငံခြားရေးဝန်ကြီးအဖြစ် တာဝန်ထမ်းဆောင်နေချိန် ကလင်တန်ဟာ အရှေ့အလယ်ပိုင်းမှာ မတည်ငြိမ်မှု မျိုးစေ့ကို ချပေးခဲ့တယ်လို့လည်း စွပ်စွဲပြောဆိုခဲ့ပါတယ်။

“ဒီအရှုပ်ထုပ်ကို ခင်ဗျားက ပိုကြီးအောင်လုပ်ခဲ့တယ်” လို့ ကလင်တန်ကို ထရမ့်က ပြောခဲ့ပါတယ်။

IS အကြမ်းဖက်အဖွဲ့ကို ချေမှုန်းရေးအစီအစဉ်ကို ထုတ်ဖော်ပြောဆိုဖို့ ငြင်းဆိုခဲ့မှုကိုလည်း ထရမ့်က ကာကွယ်ခဲ့ပါတယ်။

“ခင်ဗျားဘာလုပ်ချင်တယ်ဆိုတာ ခင်ဗျားရဲ့ရန်သူကို ပြောပြမှာလား။ ခင်ဗျား လူလားမြောက်တဲ့အချိန် တစ်လျှောက်လုံး IS ကို တိုက်နေရမယ်ဆိုတာ သိပ် အံ့သြစရာတော့ မရှိပါဘူး” လို့ ထရမ့်က ပြာကြားခဲ့ပြီး ကလင်တန်ကတော့ အနည်းဆုံး ဒီအဖွဲ့ကို တိုက်ထုတ်ဖို့ စီမံကိန်း တစ်ခုတော့ ရှိရမယ်လို့ တုန့်ပြန်ခဲ့ပါတယ်။

၂၀၀၃ ခုနှစ် အီရတ်ကို မကျူးကျော်ခင်က အဲဒီစစ်ပွဲကို မိမိအနနဲ့ ဆန့်ကျင်ခဲ့တယ်လို့ ထရမ့်က ပြောထားပေမယ့် လက်တွေ့ အထောက်အထားတွေကတော့ ဒါနဲ့ ဆန့်ကျင်ဘက်ပါပဲ။

၂၀၁၁ ခုနှစ်မှာ အီရတ်နိုင်ငံကနေ အမရိကန်တပ်တွေ အများစုကို ဆုတ်ခွာခဲ့တဲ့အချိန်တုန်းက ကလင်တန်နဲ့ အိုဘားမားဟာ လုံခြုံရေးကို လစ်ဟာအောင် လုပ်လိုက်ပြီလို့ ထရမ့်ကိုယ်တိုင်က ပြောခဲ့ဖူးပြီး၊ တပ်တွေ တော်တော်များများ ဆက်ရှိမယ်ဆိုရင် IS အကြမ်းဖက်အဖွဲ့ လှုပ်ရှားလို့ရမှာမဟုတ်ဘူးလို့ ဝေဖန်ခဲ့ပါတယ်။

ကလင်တန်ကတော့ ထရမ့်ဟာ အီရတ်ကျူးကျော်မှုကို ထေက်ခံခဲ့သူဖြစ်ပြီး အမေရိတပ်တွေ အီရတ်ကထွက်ခွာဖို့ သဘောတူညီချက်ဟာ ရီပက်ဘလစ်ကန်ပါတီက သမ္မတဖြစ်ခဲ့သူ ဂျော့ ဘုရှ် ပြုလုပ်ခဲ့တာဖြစ်ပြီး အိုဘားမား မဟုတ်ဘူးလို့ ပြန်လည်တုန့်ပြန်ခဲ့ပါတယ်။

နျူလက်နက် အသုံးပြုမှုနဲ့ပတ်သက်လို့လည်း ထရမ့်က စကားနှစ်ခွ ပြောခဲ့ပြီး ပထမပိုင်းမှာ သူ့အနေနဲ့ နျူလက်နက်နဲ့ ‘အရင်ဆုံး တိုက်ခိုက်မှာမဟုတ်ဘူး’ လို့ ပြောပေမယ့်။ နောက်ပိုင်းမှာတော့ ‘လုံးဝတိုက်ခိုက်မှာမဟုတ်ဘူး’ လို့ ဆိုပြန်ပါတယ်။

ကလင်တန်ကတော့ ထရမ့်ဟာ ကာကွယ်ရေးဦးစီးချုပ်အဖြစ် ဆောင်ရွက်ဖို့ သိပ်ကို နုလွန်းသေးပြီး နိုင်ငံကို နျူးကလီးယားပါဝင်တဲ့ စစ်ပွဲတွေအထိ ဆွဲခေါ်သွားနိုင်တယ်လို့ ထောက်ပြခဲ့ပါတယ်။

“Twitter လိုနေရာမျိုးကနေ လျှောက်အော်တတ်သူတစ်ယောက်ရဲ့လက်ကို နျူလက်နက်ရဲ့ ကုတ်နံပါတ်နားမှာ သွားထားလို့ မရပါဘူး” လို့ ကလင်တန်ကဆိုပါတယ်။

ထရမ့်ကတော့ “ဒါနည်းက နည်နည်းဟောင်းသွားပြီဗျ” လို့ တုန့်ပြန်ခဲ့ပါတယ်။

အခွန်နဲ့ အီးမေးလ်ကိစ္စ

စီးပွားရေးမှာလည်း သူတို့နှစ်ယောက်ဟာ အခြေအအတင် ဆွေးနွေးခဲ့ကြပြီး ကလင်တန်က လူလတ်တန်းစားတွေအတွက် အတိုးနှုန်းကို လျှော့ချမယ်လို့ဆိုကာ ထရမ့်ကတော့ ကုမ္ပဏီတွေကို အမေရိကန်ပြင်ပ ထွက်ခွာသွားစေတဲ့ ကုန်သွယ်ရေး သဘောတူညီချက်တွေကို ညှိနှိုင်းမယ်လို့ ပြောကြားခဲ့ပါတယ်။

ထရမ့်ရဲ့ အခွန်ပြေစာ မထုတ်ပြန်တာကို ကလင်တန်က ထောက်ပြပြီး သူလေလုံးထွားသလောက် ချမ်းသာလား၊ ပရဟိတ်လုပ်ငန်းတွေ လုပ်ရဲ့လားဆိုတာကိုလည်း မေးခွန်းထုတ်ခဲ့ပါတယ်။

“သူ ဖုံးကွယ်ထားတာ တစ်ခုခု ရှိနေတယ်ရှင့်” လို့ ကလင်တန်ကဆိုပြီး လက်ရှိအချိန်မှာ စာရင်းစစ်နေတာမို့ ဒီပြစာကို ထုတ်ပြန်မှာမဟုတ်ဘူးလို့လည်း အရွှန်းဖောက်ခဲ့ပါတယ်။ အခွန်ကျွမ်းကျင်သူတွေကတော့ စာရင်းစစ်မှုကြောင့် ထရမ့်ရဲ့ အခွန်ပြေစာ ထုတ်ပြန်မှုကို အဟန့်အတားဖြစ်စရာ မလိုဘူးလို့ ပြောကြာထားပါတယ်။

ကလင်တန်က ဒါနဲ့တင် မကျေနပ်သေးပါဘူး။ ထရမ့်အနေနဲ့ အခွန်ပြေစာကို မပြတာဟာ သူကိုယ်တိုင် အခွန်မဆောင်လို့ဖြစ်မယ်ဆိုပြီး ထပ်လောင်း ဝေဖန်ခဲ့ပါတယ်။ ထရမ့်ကတော့ အဲဒီအချိန်မှာ ကြားဖြတ်ပြီး “ဒါက ကျွန်တော့်ကို စမတ်ဖြစ်အောင်လုပ်လိုက်ပြီ” လို့ ပြောဆိုခဲ့ပါတယ်။

ထရမ့်ကလည်း ပွင့်လင်းမြင်သာရှိမှုနဲ့ပတ်သက်ပြီး ကလင်တန်ကို မေးခွန်းပြန်ထုတ်ခဲ့ကာ ဒီတစ်ခါမှာတော့ ကလင်တန် ဖျက်ပစ်ခဲ့တဲ့ အီးမေးလ် ၃၃၀၀၀ ကို ချပြရင် သူ့ရဲ့ အခွန်ပြေစာကိုလည်း ထုတ်ပြမယ်လို့ ဆိုပါတယ်။ နောက်ပြီး နိုင်ငံခြားရေးဝန်ကြီး တာဝန်ထမ်းဆောင်နေစဉ်မှာ ပုဂ္ဂလိက အီးမေလ်းဆာဗာကို အသုံးပြုတဲ့အတွက် ချီးကျူးတယ်လို့ အရွဲ့တိုက်ခဲ့ပါသေးတယ်။

စကားစစ်ထိုးပွဲရဲ့ အဆုံးပိုင်ှးာတော့ ထရမ့်က ကလင်တန်ဟာ သမ္မတတစ်ယောက်အဖြစ် ကြံ့ကြံ့ခိုင်နိုင်မှု မရှိဘူးလို့ ပြောခဲ့ပါတယ်။

“သူ့မှာ ရုပ်ရည်မရှိသလို သက်လုံလည်း မရှိပါဘူး”

အရင်ကလည်း ထရမ့်ဟာ ကလင်တန်နဲ့ပတ်သက်လို့ ဒီလိုပြောကြားခဲ့ဖူးပြီး ကလင်တန်ကို ထောက်ခံသူတွေကတော့ ထရမ့်ဟာ အမေရိကန်ရဲ့ ပထမဆုံး အမျိုးသမီး သမ္မတလောင်းကို လိင်ပိုင်းဆိုင်ရာ သဘောတရားနဲ့ တိုက်ခိုက်တယ်လို့ဆိုကာ ဒေါသူပုန် ထားခဲ့ပါတယ်။

ကလင်တန်ကလည်း အခွင့်အရေးကို အကောင်းဆုံး အသုံးချခဲ့ပြီး အရင်က ထရမ့်အနေနဲ့ အမျိုးသမီးတွေနဲ့ပတ်သက်ပြီး စော်ကားပြောဆိုခဲ့မှုကို ထောက်ပြခဲ့ပါတယ်။

“ဒီလူဟာ အမျိုးသမီးတွေကို ၀က်တွေ၊ ဘုတ်ထိုင်းတွေ၊ ခွေးတွေလို့ ချိုးချိုးနှိမ်နှိမ် ခေါ်ဝေါ်ခဲ့သူပါ” လို့ သူမက ဆိုပါတယ်။

နောက်ပြီး နိုင်ငံခြားရေးဝန်ကြီးအဖြစ် တာဝန်ထမ်းဆောင်စဉ်မှာ သူ့ရဲ့ ကြိုးပမ်းအားထုတ်မှုတွေနဲ့ပတ်သက်ပြီးတော့လည်း ထရမ့်ကို စိန်ခေါ်ခဲ့ပါတယ်။

“နိုင်ငံပေါင်း ၁၁၂ နိုင်ငံကိုသွားပြီး ငြိမ်းချမ်းရေး၊ အပစ်ရပ်ရေး၊ သဘောထားကွဲလွဲသူတွေ လွှတ်ပေးရး သေဘောတူညီချက်ရအောင် လုပ်ပြီးမှ၊ ဒါမှမဟုတ် အောက်လွှတ်တော် ကော်မတီအရှေ့မှာ ၁၁ နာရီလောက် အစီရင်ခံပြီးမှ သူ့အနေနဲ့ သက်လုံအကြောင်းပြောတာ ကောင်းပါလိမ့်မယ်”

Quinnipiac တက္ကသိုလ်က တနင်္လာနေ့မှာ ထုတ်ပြန်ခဲ့တဲ့ စစ်တမ်းကောက်ယူမှုမှာ ကလင်တန်ကို ထောက်ခံသူအရေအတွက်ဟာ ၄၇ ရာခိုင်နှုန်းရှိပြီး ထရမ့်ကို ထောက်ခံသူကတော့ ၄၆ ရာခိုင်နှုန်း ရှိနေတယ်ဆိုတာကို တွေ့ရပါတယ်။

“သိပ်ကောင်းတယ်လို့ ခံစားရပါတယ်” လို့ ဒီစစ်တမ်းနဲ့ပတ်သက်ပြီး ထရမ့်းက ယမန်နေ့ စကားစစ်ထိုးပွဲမှာ ပြောကြားခဲ့ပါတယ်။

ဒါပေမယ့် နိုင်ငံရေးလေ့လာသူ ယာဆန် ဂျွန်ဆန်ကတော့ ဒီသီတင်းပတ်အဆုံးပိုင်း စစ်တမ်းကောက်ယူမှုရလဒ်မှာ ကလင်တန်ကို ထောက်ခံမှု ပိုများလာရင် သိပ်အံ့သြစရာ ရှိမှာမဟုတ်ဘူးလို့ ပြောကြားခဲ့ပါတယ်။

“ဟီလာရီဟာ သူလုပ်ဖို့လိုအပ်တဲ့အရာကို ထရမ့်ထက် ပိုကောင်းအောင် လုပ်ခဲ့ပါတယ်။ သူမက အဖြေတွေ ချပြခဲ့တယ်။ အမေရိကနဲ့ ကမ္ဘာ့အရေးကို ဘယ်လိုရှုမြင်လဲဆိုတာကို ပြောပြခဲ့တယ်။ သူ့ကို ထောက်ခံသူတွေအနေနဲ့ အင်မတန် ကျေနပ်နေကြပါတယ်” လို့ ဂျွန်ဆန်က မှတ်ချက်ပြုခဲ့ပါတယ်။

သမ္မတလောင်း နှစ်ယောက်အနေနဲ့ စကားစစ်ထိုးပွဲကို ၃ ကြိမ်တိုင်တိုင် ပြုလုပ်ရမှာဖြစ်ပြီး အခုဟာ ပထမဆုံးအကြိမ်ဖြစ်ကာ အောက်တိုဘာ ၉ ရက်နဲ့ အောက်တိုဘာ ၁၉ ရက်တွေမှာ နောက်ထပ်နှစ်ကြိမ် ပြုလုပ်ရမှာ ဖြစ်ပါတယ်။

Ref: Aljazeera