မှတ်တမ်းသစ်ရခဲ့တဲ့ လက်စတာ၊ ရီးယဲလ်တို့ စိတ်ပျက်ခဲ့ရတဲ့ ဗုဒ္ဓဟူးနေ့မနက် ချန်ပီယံလိဂ်ပွဲများ

စက်တင်ဘာ ၂၈၊ ၂၀၁၆
M-Media

– ဒီနေ့မနက်မှာ ချန်ပီယံလိဂ် အုပ်စုလေးခုရဲ့ ဒုတိယပွဲစဉ်တွေကို ကစားခဲ့ပြီး လက်စတာအသင်းက အင်္ဂလန်အသင်းတွေထဲမှာ မှတ်တမ်းသစ်ရရှိခဲ့ကာ ပရီးမီးယားလိဂ် နောက်တစ်သင်းဖြစ်တဲ့ စပါးကလည်း အဝေးကွင်းမှာ အနိုင်ရခဲ့ပါတယ်။ ရီးယဲလ်မက်ဒရစ်ကတာ့ ဦးဆောင်ဂိုးတွေ သွင်းနိုင်ခဲ့ပေမယ့် သရေသာ ရခဲ့ပါတယ်။

အုပ်စု E
———-
စီအက်စ်ကေအေ ၀-၁ စပါး
မိုနာကို ၁-၁ လေဗာကူဆင်

အဖွင့်ပွဲ အိမ်ကွင်းမှာ မိုနာဂိုအသင်းကို ၂ ဂိုး ၁ ဂိုးနဲ့ ရှုံးနိမ့်ခဲ့တဲ့ စပါးတို့ ဒီနေ့မနက်မှာတော့ ဘောလုံးပိုင်ဆိုင်မှုအသာနဲ့ ကစားနိုင်ခဲ့ပြီး လိုအပ်တဲ့ အနိုင်ကို ရရှိခဲ့ပါတယ်။ အိမ်ရှင်ကို ဖိအားပေးနိုင်ခဲ့တဲ့ စပါး ဂိုးရဖို့တော့ ရုန်းကန်ခဲ့ရပြီး ၇၁ မိနစ်ကျမှ လမယ်လာရဲ့ ဖန်တီးပေးပို့မှုကနေတစ်ဆင့် ဟွန်မင်ဆွန်က အကောင်းဆုံး အဆုံးသတ်နိုင်ခဲ့တာဖြစ်ပါတယ်။ ဒီဂိုးဟာ ဟွန်မင်ဆွန်အတွက် နောက်ဆုံး ၄ ပွဲမှာ ၅ ဂိုးမြာက်လည်းဖြစ်ပါတယ်။

လေဗာကူဆင်တို့ အသည်းကွဲခဲ့ရတဲ့ပွဲပါ။ ဂိုးသွင်းခွင့်အသာ ရခဲ့ပြီး ဦးဆောင်ဂိုးကိုလည်း ဟာနန်ဒက်ဇ်က ၇၃ မိနစ်မှာ သွင်းယူနိုင်ခဲ့ပေမယ့် နာကျင်အချိန်ပို နောက်ဆုံးမိနစ်မှာမှ ချေပဂိုး ပြန်ပေးလိုက်ရတာကြောင့် အဖိုးတန် ၂ မှတ် ဆုံးရှုံးခဲ့ရပါတယ်။ အိမ်ရှင်အတွက် သူရဲ့ကောင်းဖြစ်ခဲ့သူကတော့ ချေပဂိုးသွင်းပေးခဲ့တဲ့ နောက်ခံလူ ကမီလ် ဂျီလစ်ဖြစ်ပြီး နောက်ဆုံး ၂ ပွဲမှာ အသင်းအတွက် ၃ ဂုိုးအထိ သွင်းပေးထားနိုင်ခဲ့ပါတယ်။

အုပ်စု F
———-
ဒေါ့မွန် ၂-၂ ရီးယဲလ်
စပို့တင်း ၂-၀ လီဂီယာ ၀ါဇာဝါ

ရီးယဲလ်ကတော့ သရေသံသရာထဲက မထွက်နိုင်သေးပါဘူး။ စနေနေ့က လက်စ်ပါးလ်မက်စ်နဲ့ ကစားခဲ့တဲ့ပွဲမှာ ဦဆောင်ဂိုးတွေ အရင်သွင်းခဲ့ပြီးမှ ချေပဂိုးတွေ ပြန်ပေးခဲ့ရတဲ့ ကံကြမ္မာအတိုင်း ဒီနေ့မနက်မှာ ကြုံတွေ့ခဲ့ရပါတယ်။ တစ်ခု ကျေနပ်ရမှာက ရော်နယ်ဒို ခြေစွမ်းပြပြီး ၁ ဂုိုးသွင်းနိုင်ခဲ့တာပါပဲ။ နှစ်သင်းစလုံး ဂိုးသွင်းခွင့်တွေရခဲ့ပြီး သရေက နှစ်ဖက်စလုံးအတွက် မျှတတယ်လို့ ပြောလို့ရပါတယ်။

စပို့တင်းရဲ့ လီဂီယာအသင်းအပေါ်အနိုင်ကတော့ သက်တောင့်သက်သာ ရခဲ့တာပါ။ ပထမပိုင်းမှာ မိနစ် ၄၀ မပြည့်ခင်မှာတင်ပဲ ၂ ဂိုးပြတ်ခဲ့ပြီး ဧည့်သည်အသင်းကတော့ ဂိုးပေါက်ကို ထိထိရောက်ရောက်ခြိမ်းခြောက်ခွင့် တစ်ကြိမ်တောင် မရခဲ့ပါဘူး။

အုပ်စု G
———-
ကိုပင်ဟေဂင် ၄-၀ ကလပ် ဘရုဂျက်
လက်စတာ ၁-၀ ပေါ်တို

ဂိုးပေါက်ခြိမ်းခြောက်မှု ၁၁ ကြိမ်ရှိခဲ့တဲ့ ကိုပင်ဟေဂင်တို့ ၄ ဂိုးရခဲ့တာက သိပ်အံ့သြစရာမရှိပါဘူး။ ဒါတောင် ပင်နယ်တီတစ်လုံး လွဲချော်ခဲ့ပါသေးတယ်။ အဖွင့်ပွဲမှာ လက်စတာကို ၃ ဂိုးပြတ်နဲ့ ရှုံးခဲ့တဲ့ ဘရုဂျက်ကတော့ အိမ်ရှင်ကို လုံးဝ မယှဉ်နိုင်ခဲ့ပါဘူး။

တိုက်စစ်မှူသစ် အစ္စလာမ် စလီမာနီရဲ့ ပထမပိုင်း ၂၅ မိနစ် ခေါင်းတိုက်ဂိုးနဲ့ အနိုင်ရခဲ့တဲ့ လက်စတာတို့ ပရီးမီးယားလိဂ်ကလပ်အသင်းတွေထဲ ချန်ပီယံလိဂ် ပထမဆုံးရာသီမှာ ပထမဆုံး ၂ ပွဲဆက်အနိုင်ရတဲ့အသင်းအဖြစ် မှတ်တမ်းဝင်ခဲ့ပါတယ်။ ဒါပေမယ့် ကွင်းထဲမှာတော့ ပေါ်တိုက အသာရခဲ့တာဖြစ်ပြီး အပိုင်ကန်သွင်းချက်တွေ တိုင်ထိထွက်တာ လက်စတာဂိုးသမား ရှမိုက်ကယ် လက်စွမ်းပြ ကာကွယ်သွားနိုင်တာကြောင့် အိမ်ရှင်တို့ ကံကောင်းခဲ့ရတာ ဖြစ်ပါတယ်။

အုပ်စု H
———
ဒိုင်နမို ဇာဂရဘ် ၀-၄ ဂျူဗင်တပ်စ်
ဆီးဗီးလား ၁-၀ လိုင်ယွန်

အဝေးကွင်းဖြစ်ပေမယ့် စီးရီးအေချန်ပီယံတို့အတွက် အခက်အခဲ မရှိခဲ့ပါဘူး။ ဘောလုံးပိုင်ဆိုင်မှုအသာ၊ ဂိုးသွင်းခွင့်အသာနဲ့ ထမပိုင်း ၂ ဂိုး ဒုတိယပိုင်း ၂ ဂိုးရခဲ့ကာ အုပ်စု H ကို ရာနှုန်းပြည့်အနိုင်နဲ့ ဦးဆောင်ခဲ့ပါတယ်။

ဆီးဗီးလားနဲ့ လိုင်ယွန်တို့ရဲ့ပွဲကတော့ အပြန်အလှန်ရှိခဲ့ပြီး အဆုံးသတ်သေချာတဲ့ အိမ်ရှင်တို့ အနိုင်ရခဲ့တာဖြစ်ပါတယ်။ အနိုင်ဂိုးကိုတော့ ၀ီဆမ် ဘင် ယဒ်ဒါက ဒုတိယပိုင်း ၅၂ မိနစ်မှာ သွင်းပေးခဲ့တာဖြစ်ပြီး ၆၉ မိနစ်မှာရတဲ့ ပင်နယ်တီကို ဗီယက်တိုက ၀င်အောင် မကန်သွင်းနိုင်ခဲ့တာကြောင့် ၁ ဂိုးတည်းနဲ့သာ ကျေနပ်ခဲ့ရတာ ဖြစ်ပါတယ်။