နှစ်ငါးဆယ်ကျော်အတွင်း အမေရိကန်က ကျူးဘားဆိုင်ရာ သံအမတ်ကို ပထမဆုံး ခန့်အပ်

စက်တင်ဘာ ၂၉၊ ၂၀၁၆
M-Media

– အမေရိကန်က နှစ်ငါးဆယ်ကျော်အတွင်း ကျူးဘားဆိုင်ရာ ပထမဆုံး တရားဝင်သံအမတ်အဖြစ် ဂျက်ဖရီ ဒီလော်ရန်တစ်ကို ခန့်အပ်လိုက်သည်ဟု သိရသည်။

“သံအမတ်တစ်ဦးခန့်အပ်လိုက်ခြင်းဟာ ကျွန်တော်တို့နှစ်နိုင်ငံကြား ပုံမှန်ထက်ပိုတဲ့ ကောင်းမွန်တဲ့ ဆက်ဆံရေးတစ်ခုဆီ ခြေလှမ်း လှမ်းလိုက်တာလည်း ဖြစ်ပါတယ်။ သံအမတ်ထားရှိခြင်းက ကျွန်တော်တို့ရဲ့ အကျိုးစီးပွားတွေအတွက် အရေးဆိုဖို့ ပိုလွယ်ကူစေမှာဖြစ်ပြီး ကျွန်တော်တို့အနေနဲ့ ကျူးဘားအစိုးရနဲ့ မတူညီမှုတွေ ရှိနေရင်တောင် တစ်ယောက်နဲ့တစ်ယောက် ပိုမိုနက်ရှိုင်းစွာ နားလည်စေမှာပါ” ဟု သမ္မတ ဘာရက်အိုဘားမားက အင်္ဂါနေ့တွင် ထုတ်ပြန်ခဲ့သည့် ကြေညာချက်၌ ပြောကြားခဲ့သည်။

အိုဘားမားနှင့် ကျူးဘားသမ္မတ ရာအူးလ် ကက်စထရိုတို့မှာ ၂၀၁၄ ခုနှစ် ဒီဇင်ဘာလက တွေ့ဆုံစဉ် မိမိတို့ နှစ်နိုင်ငံမှာ တင်းမာမှုများ ပြေလည်သွားပြီဟု ပြောကြားခဲ့ပြီး ၂၀၁၅ ခုနှစ် ဇူလိုင်လတွင် သံတမန်ဆက်ဆံရေးကို အပြည့်အ၀ပြန်လည်ရရှိခဲ့သည်။

အမေရိကန်နှင့် ကျူးဘားတို့မှာ ရာစုနှစ်တစ်ဝက်ကျော်ကြာ ဆက်ဆံရေး မပြေမလည် ဖြစ်ခဲ့ရပြီးနောက် မထင်မှတ်ထားသည့် ပြေလည်မှုကို ရယူခဲ့ကြခြင်းဖြစ်သည်။ ယခုနှစ်အစောပိုင်းတွင် သမ္မတ အိုဘားမားမှာ ကျူးဘားသို့ သွားရောက်လည်ပတ်ခဲ့ပြီး ၁၉၆၂ ခုနှစ်ကတည်းက ပြုလုပ်ထားသည့် ပိတ်ဆို့မှုများထဲမှ အချို့ကိုလည်း ဖယ်ရှားပေးခဲ့သည်။

ထို့ပြင် နှစ်နိုင်ငံ ရေကြောင်း၊ လေကြောင်း ခရီးစဉ်များကိုလည်း ပြန်လည်စတင်ခဲ့ကြသည်။

Ref : Aljazeera