” လွှတ်တော်မှာ ‘လဝက’ ဝန်ကြီး ထစ်ထစ်ငေါ့ငေါ့ မဖြစ်စေရန်”

အောက်တိုဘာ ၃ ၊ ၂၀၁၆
M-Media
ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်) ရေးသည်။

အတည်ပြုချက်မရသေးသော နေပြည်တော်လူဝင်မှုကြီးကြပ်ရေး(လ၀က)နှင့် အဆက်အသွယ်ရှိသော ပုဂ္ဂိုလ်တစ်ဦးထံမှ ကြားလိုက်ရသည်မှာ ၂၀၁၄ ခုနှစ် မတ်လတွင် ကောက်ခံခဲ့သော သန်းခေါင်စာရင်းအရ ကောက်ယူခဲ့သော လူမျိုးနွယ်ပေါင်းမှာ ၈၃၀ ကျော်နေခြင်း သည် အံ့ဩဖွယ်ရာ ဖြစ်ခဲ့သည်။

ထိုလူမျိုးနွယ်စုစုပေါင်း ၈၃၀ ကျော်သည် မိုးပေါ်မှ ဥံဖွကျလာသူများမဟုတ်သည်မှာ သေချာသည်။ မြန်မာနိုင်ငံတွင် လက်ရှိနေထိုင်နေကြသူများ ဖြစ်ကြသည်။

“မြန်မာနိုင်ငံတွင် ကမ္ဘာ့အံ့ဖွယ် မြန်မာနိုင်ငံသားဥပဒေတစ်ခုရှိပါသည်။ မြန်မာ့ဆိုရှယ်လစ် လမ်းစဉ်ပါတီ(မဆလ)တစ်ပါတီ အာဏာရှင် ဦးနေဝင်း၏ကြီးကြပ်လမ်းညွှန်မှု့အောက်တွင် ဥပဒေအကြံပေးလူယုံတော်၊ ဒေါက်တာမောင်မောင် ဦးဆောင်ကာ မဆလပါတီမှ ရွေးချယ် ထားသော ပုဂ္ဂိုလ် ၄၅ ဦးခန့်ဖြင့် “ကုလားမုန်း၊ တရုတ်မုန်း” မူကို ဦးတည်ကာ ၁၉၈၂ ခု မြန်မာနိုင်ငံသား ဥပဒေကို ရေးဆွဲခဲ့ကြောင်း” အမေရိကန်ဥပဒေပညာရှင် ဒေါက်တာ လော့ရင့်စ်ဗက်ကာက New York Times သတင်းစာကြီးတွင်  ရေးသားဖော်ပြခဲ့ဖူးကြောင်း စာရေးသူ မှတ်သားဖူးပါသည်။

ထို ၁၉၈၂ ခု မြန်မာနိုင်ငံသားဥပဒေတွင် ဥပဒေပုဒ်မပေါင်း ၇၆ခု ရှိပါသည်။ ထို ၁၉၈၂ ခု မြန်မာနိုင်ငံသား ဥပဒေကို ရေးဆွဲခဲ့သော မဆလအစိုးရသည် ၁၉၈၈ခု ဩဂုတ်လ ၈ရက် ၈-၈-၈၈ ရှစ်လေးလုံး ဒီမိုကရေစီ အရေးတော်ပုံကြီးကြောင့် မြန်မာ့ဆိုရှယ်လစ် လမ်းစဉ်ပါ
တီကို တရားဝင်ဖျက်သိမ်းခဲ့ရသည်။ ၁၉၈၈ခု စက်တင်ဘာ ၁၈ရက်တွင် စတင်အာဏာရလာ သော စစ်အစိုးရများ (န၀တ၊ နအဖ)နှင့် ဦးသိန်းစိန်အစိုးရတို့သည် ၁၉၈၂ခု ထိုမြန်မာနိုင်ငံသားဥပဒေကို ဦးထိပ်ပန်ဆင်ကာ လက်တွေ့အကောင်အထည်ဖော် ဆောင်ရွက် ခဲ့သည်ကို တွေ့ရသည်။ ထိုအပြင် လူဝင်မှု့ကြီးကြပ်ရေးဝန်ကြီးဆိုသူများ၏ အမိန့်ညွန်ကြားချက်များ ပါးစပ်မိန့်များကိုပါ “ဥပဒေ၊ နည်းဥပဒေများသဖွယ်၊ လမ်းညွှန်ခြင်း၊ ကျင့်သုံးစေခြင်းတို့ ကြောင့် ဗုဒ္ဓဘာသာဝင်များသာမက၊ အခြားဘာသာဝင်များသည်လည်း လူဝင်မှု့ကြီးကြပ် ရေး(လ၀က)ရုံးသို့ သွားရောက်ကာ မွေးတိုးသန်းခေါင်စာရင်းများပြုလုပ်ခြင်း၊ မှတ်ပုံတင်ပျောက်ပျက်ပြုလုပ်ခြင်း၊ မှတ်ပုံအသစ်လျှောက်ထားခြင်း ကိစ္စရပ်များကို ဆောင်ရွက်ရာတွင်၊ အခက်အခဲ၊ အကျပ်အတည်းပေါင်းစုံ၊ စိတ်ဒုက္ခပေါင်းစုံ ခံစားကြရုံသာမက၊ ငွေကုန်ကြေးကျ များ တန်ဘိုးရှိအချိန်များ မလိုအပ်ပဲ၊ ကုန်ကျနေသည်မှာ NLD အရပ်သား အစိုးရခေါင်းဆောင် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အစိုးရလက်ထက်တိုင်ပင် ဖြစ်သည်။”

ထူးဆန်းသည်မှာ ၁၉၈၂ခု မြန်မာနိုင်ငံသားဥပဒေတွင် မြန်မာနိုင်ငံ၌ တိုင်းရင်းသား ၁၃၅ မျိုး သာရှိခြင်း၊ ဗုဒ္ဓဘာသာဝင် မဟုတ်သူများနှင့် ထိုတိုင်းရင်းသား ၁၃၅ မျိုးတွင် မပါဝင်သော လူမျိုးများကို “သွေးနှော” ဟုခေါ်သော အသုံးအနှုန်းမျိုးကို ထို “၈၂” နိုင်ငံသားဥပဒေ၏  မည်သည့်နေရာတွင်မျှ မတွေ့ရခြင်း ပင်ဖြစ်သည်။

သို့သော် အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန(လ၀က)  သည် တိုင်းရင်းသား ၁၃၅မျိုးနှင့် “သွေးနှော” ဟူသော အသုံးအနှုန်း တို့ကို လက်နက်သဖွယ် အသုံးချကာ ထိုတိုင်းရင်းသား ၁၃၅ မျိုးထဲတွင် မပါဝင်သောလူမျိုးများက “သွေးနှော”
ဟူ၍ ခွဲခြားဆက်ဆံခြင်း၊ တိုင်းရင်းသား ၁၃၅မျိုးနွယ်ဝင်ဖြစ်သော်လည်း  ဗုဒ္ဓဘာသာဝင် မဟုတ်သူများကိုလည်း ဗမာ-ကချင်၊ ဗမာ-ရှမ်း၊ ဗမာ-မွန်၊ ဗမာ-ကရင်စသည်ဖြင့် လူမျိုးအမည်ပေါင်းထည့်ပေးခြင်း၊ စသည်တို့ကြောင့် စက်တင်ဘာ၂၁ ရက် နေပြည်တော်၊ ပြည်သူ့
လွှတ်တော်တွင် ဒဂုံမြို့သစ်မြောက်ပိုင်းမြို့နယ်မှ ပြည်သူ့လွှတ်တော်အမတ် ဒေါက်တာခင်မောင်မောင်က “လူဝင်မှုကြီးကြပ်ရေးရုံး တွင် နိုင်ငံသားစိစစ်ရေးကတ်ပြား လျှောက်ထား ရာတွင်၊ အချိန်ကြန့်ကြာမှု့များရှိနေခြင်းနှင့် ၀န်ထမ်းအချို့၏လာဘ်စားမှုများ ရှိနေခြင်းအပေါ့် ပြည်သူတွေက “လ၀က” ရုံးကို ရွံကြောက်ဖြစ်နေကြပြီ။ မသွားရင်လည်း၊ မဖြစ်ဘူး သွားရင် လည်း၊ ပိုက်ဆံပေးရတယ်။ မှတ်ပုံတင်ရှိပြီးသား၊ နိုင်ငံသား မိဘနှစ်ဦးက မွေးဖွားလာသည့် သား၊ သမီးများသည် ဥပဒေ အရ၊ အလိုအလျောက် နိုင်ငံသားဖြစ် ရမည် ဖြစ်သော်လည်း မှတ်ပုံတင် သွားလျှောက်သည့်အခါ “လ၀က”ရုံးက “သွေးနှော” ပြန်လည်စိစစ်သည်ဆိုသည့်အကြောင်းပြချက်ဖြင့် ကြန့်ကြာနေခြင်းကြောင့် ၀န်ကြီးဌာနက သွေးနှောပြန်လည် စိစစ်ရန် ညွှန်ကြားထားခြင်း ရှိ၊ မရှိ ” လွှတ်တော်တွင် မေးမြန်းခဲ့ပါသည်။ ထိုသို့မေးမြန်းရာတွင်  အထောက်အထားတစ်ခုအနေဖြင့် ၁၄/၀ခမ(နိုင်)————ကိုင်ဆောင်ထားသည့် မိဘနှစ်ဦး၏သားသမီး သုံးဦးအနက်၊ အငယ်ဆုံး သမီးဖြစ်သူက မှတ်ပုံတင်လျှောက်ထားရာတွင် လ၀ကရုံးက “သွေးနှော” ပြန်လည်စိစစ်ရမည်ဟူသည့် အကြောင်းပြချက်ဖြင့် အချိန်ခြောက်လကြာချိန်အထိ မှတ်ပုံတင်ထုတ်မပေးကြောင်း၊ သမီးအလတ်ဖြစ်သူမှာ မှတ်ပုံတင်တွင်လက်မှတ် ထိုးပေးသည့် ဦးစီးမှူးကို ငွေတစ်သိန်းပေးပြီး မှတ်ပုံတင် လုပ်ခဲ့ရကြောင်း၊ ၎င်း၏ မဲဆန္ဒနယ်အတွင်းရှိ မိသားစုတစ်စု၏ အခြေအနေကို ဥပမာပေးပြီး လွှတ်တော်တွင် မေးမြန်း ခဲ့ပေသည်။ ထို့အပြင် ပြည်သူ့လွှတ်တော်ကိုယ်စားလှယ်ကြီးက “ရှေ့က၊ လူတွေလည်း၊ ထုတ် ပေးပြီးပြီ။ အငယ်ကျမှ အခုလို၊ ထပ်လုပ်တယ်။ ဒါဟာ၊ ပုဂ္ဂိုလ်တစ်ယောက်ထဲကို၊ ကျွန်တော် ဦးတည်ပြီး ပြောတာမဟုတ်ပါဘူး။ ဒီလိုကိစ္စမျိုးတွေ၊ ကျွန်တော်တို့ကိုတိုင်ထားတာ၊ တိုင်စာ (၃၀)လောက်ရှိပြီ” ဟုလည်း၊ ထပ်ဆင့်မေးမြန်းစဉ်ပြောဆိုခဲ့ပါသည်။

ဒေါက်တာခင်မောင်မောင်၏ မေးမြန်းချက်အပေါ် အလုပ်သမားလူဝင်မှု့ကြီးကြပ်ရေးနှင့် ပြည်သူ့အင်အားဝန်ကြီးဌာန၀န်ကြီး ဦးသိန်းဆွေက “မှတ်ပုံတင်ပြုလုပ်ရာတွင် “သွေးနှော” ဖြစ်သဖြင့် ပြန်လည်စိစစ်ရန်၊ ညွှန်ကြားထားကြောင်း၊ မိဘနှစ်ပါးအား ထုတ်ပေးထားတဲ့ နိုင်ငံသားစိစစ်ရေးကတ်ပြားများဟာ၊ ဥပဒေနှင့်အညီ ထုတ်ပေးထားခြင်းရှိ၊ မရှိ အထောက်အထားများနှင့် စိစစ်ပြီးမှသာထုတ်ပေးနိုင်မှာ ဖြစ်ပါကြောင်း” ဦးသိန်းဆွေက ဖြေကြားခဲ့ပါသည်။

ထို့ကြောင့်လည်း ပြည်သူ့လွှတ်တော်ဥက္ကဌကြီး ဦးဝင်းမြင့်က လ၀က၀န်ကြီးအား ထောက်ပြ ပြောဆိုခဲ့သည်မှာ “မှတ်ပုံတင်ရှိပြီးသား၊ မိဘနှစ်ဦး၏သား၊ သမီးများကို သွေးနှောစိစစ်ရန်ညွှန်ကြားထားခြင်းသည် လ၀က ၀န်ထမ်းများအတွက် အဂတိလိုက်စားရန် အခွင့်အလမ်း တစ်ခုဖြစ်နေကြောင်း”၊ “အောက်ခြေမှာ စိတ်နေစိတ်ထား၊ မပြောင်းချင်တဲ့သူအချို့က အဲဒါကို အခွင့်အရေးတစ်ရပ်လိုယူပြီး အသုံးချနေတော့ ပြည်သူလူထုက ဒုက္ခရောက်တယ်။ ပြဿနာဖြစ်တယ်။ ဒါကြောင့် သေသေချာချာ ပြန်လည်စိစစ်ပေးပါ။ ညွှန်ကြားချက်ကို အသုံးချပြီး လုပ်နေတာတွေရှိတယ်လို့၊ ၀န်ကြီးဌာနကို အသိပေးပါတယ်” ဟု ပြည်သူ့လွှတ်တော် ဥက္ကဌကြီးက လ၀က၀န်ကြီးအား မှတ်ချက်ပြု ပြောကြားခဲ့သည်မှာ ပညာရှိပီသလှပေသည်။

၁၉၈၂ ခုနှစ် မြန်မာနိုင်ငံသား ဥပဒေအပေါ် အခြေခံ၍ လူဝင်မှုကြီးကြပ်ရေး(လ၀က)မှ ထုတ် ပေးနေသော မှတ်ပုံတင်ကဒ် အမျိုးအစား ၃ မျိုးရှိပါသည်။ (၁) တိုင်းရင်းသား၊ နိုင်ငံသားများကိုထုတ်ပေးသော ပန်းရောင်နိုင်ငံသားစိစစ်ရေးကဒ် (၂) နိုင်ငံသား(ပြု) အစိမ်းရောင်ကဒ် (၃) ဧည့်နိုင်ငံသား(အပြာရောင်)ကဒ် တို့ပင်ဖြစ်ပါသည်။

မြန်မာနိုင်ငံတွင် “လ၀က”ဌာနသည် ၁၉၈၂ ခု မြန်မာနိုင်ငံသားဥပဒေအရ မှတ်ပုံတင်ထုတ် ပေးနေခြင်းဖြစ်သည်ဟု စာရေးသူ လုံးဝမထင်ပါ။ ကိုယ်တွေ့ဖြစ်ရပ်တစ်ခုအနေဖြင့် လ၀က၀န်ကြီးအား သိစေလိုသည်မှာ စာရေးသူ၏ မိဘနှစ်ပါးစလုံးသည် နိုင်ငံသားစိစစ်ရေးပန်းရောင်ကဒ်ကို ၁၉၉၀ ခုတွင် သင်္ဃန်းကျွန်းမြို့နယ်၊ ရန်ကုန်တိုင်းတွင် ရရှိခဲ့သောအခါ စာရေးသူပါ၊ တပါတည်းရရှိခဲ့ပါသည်။ စာရေးသူ၏ဇနီးသည်လည်း မိုးကုတ်မြို့နယ်မှ နိုင်ကဒ်ပန်းရောင်ကို ရရှိထားသူဖြစ်ပါသည်။ သားသမီး ၂ ဦးအတွက် အသက် ၁၀ ပြည့်၊ ၁၂ ပြည့် နိုင်ငံသားစိစစ်ရေးကဒ်လျှောက်ရန် သင်္ဃန်းကျွန်းမြို့နယ် လ၀ကဌာနမှ ဖောင်တစ်စုံလျှင် ၁၅၀၀ ကျပ်ပေးဝယ်ကာ ဖြည့်စွက်ခဲ့ပါသည်။ လ၀ကမှတောင်းဆိုသော စာရေးသူနှင့်ဇနီးတို့၏ အထောက်အထားများ၊ စာရေးသူ၏မိဘနှစ်ပါးနှင့် ဇနီးသည်၏မိဘနှစ်ပါးတို့နှင့်ပတ်သက် ဆက်နွယ်သောအထောက်အထားစာရွက် စာတမ်းအစုံအလျှင်ကို လ၀ကရုံးသို့ပေးပို့ လျှောက်ထားခဲ့သည်မှာတစ်နှစ်ခွဲကြာခဲ့ပါပြီ။ ယခုအချိန်ထိ စိစစ်နေဆဲဖြစ်မည်ဟု နားလည်ပေးလိုက်ပါသည်။ လာဘ်ပေး၊ လာဘ်ယူ တစ်ပြားမှ မပေးခြင်း၏ ဆိုးကျိုးဖြစ်နိုင်ပါသည်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည်ပင်လျှင် နိုင်ငံသားစိစစ်ရေးကဒ် (ပန်းရောင်)ကို ၂၃-၄-၂၀၁၅ မှရရှိခဲ့သည်ကို တိုင်းသိ၊ ပြည်သိ၊ ကမ္ဘာသိ ဖြစ်ပါသည်။ “လူကို ခင်လျှင်မူကို ပြင်ပါသည်။ လူကိုမုန်းလျှင် မူကိုသုံးသည့်စနစ်” ဌာနဆိုင်ရာများတွင် ယနေ့တိုင် အမှန်တကယ်ကျင့်သုံးနေပါသည်။ အစိုးရသာပြောင်းခဲ့ပါသည်။ မူမပြောင်းပါ။ မြန်မာနိုင် ငံကြီး ခေတ်မှီဖွံ့ဖြိုး တိုးတက်ရန်၊ မြေပေါ်မြေအောက်၊ ရေပေါ်၊ ရေအောက် သယံဇာတများကိုပဲ အားကိုး၊ အားထားမပြုသင့်ပေ။ ထိုတွင်းထွက် သယံဇာတများသည် အချိန်အတိုင်းအတာတစ်ခုတွင် ကုန်ခမ်း၊ ပျောက်ပျက်သွားမည်ဖြစ်သည်။ ထို့ကြောင့် နယ်ပယ်အသီးသီးမှ ကျွမ်းကျင်ပညာရှင်များ ဒုနဲ့ဒေးလိုအပ်လျက်ရှိနေသည်။ ၁၉၆၂ ခု မတ်လ ၂ ရက်နေ့ အာဏာသိမ်းစစ်အစိုးရများ၊ အုပ်ချုပ်မှု့သက်တမ်း တစ်လျောက်၊ ဖိနှပ်မှု့အမျိုးမျိုးကြောင့် ပြည်ပတွင်နိုင်ငံစွန့်ကာ၊ ထာဝရအခြေချခဲ့သည့် မြန်မာနိုင်ငံသား အဖိုးတန် လူသားအရင်းအမြစ် ရတနာများရှိနေပါသည်။ ထိုအသိပညာရှင်၊ အတက်ပညာရှင်၊ Resourced persons အဖိုးတန်ရတနာများကို အမိမြန်မာနိုင်ငံတော်ကြီး အတွက်၊ အလှဆင်မြန်းရန် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဥရောပခရီးစဉ်၊ အမေရိကန်ခရီး တစ်လျှောက် ပြည်တော်ပြန်လာရန် ဖိတ်ခေါ်နေပါသည်။ သို့သော် ၁၉၈၂ ခု မြန်မာနိုင်ငံသားဥပဒေက လက်တွေ့တွင်
မဟာတံတိုင်းတစ်ခုအနေနဲ့ အဟန့်အတားကြီးတစ်ခု ဖြစ်နေပါသည်။

မြန်မာနိုင်ငံသားဖြစ်ခြင်း၊ မဖြစ်ခြင်း၊ တိုင်းရင်းသားဖြစ်ခြင်း၊ မဖြစ်ခြင်းတို့ကို စိစစ်ဆုံးဖြတ်ရာတွင် (၁) ရုပ်ရည်ရူပါသွင်ပြင်ကို ကြည့်၍လည်းကောင်း (၂) ဘာသာတရားယုံကြည်မှု့ကိုကြည့်၍လည်းကောင်း (၃) အာဏာပါဝါကိုကြည့်၍ လည်းကောင်း (၄) ကာယံကံရှင်၏ မျိုးရိုးအမည်၊ မိခင်၊ ဖခင်၊ အဖိုး၊ အဖွားတို့၏ မျိုးရိုးအမည်တစ်ခုခုကို ကြည့်၍လည်းကောင်း၊ မဆုံးဖြတ်နိုင်ပါ။ မသတ်မှတ်နိုင်ပါ။ ပြည်သူလူထု၏အာဏာကို မတရားသိမ်းယူထားသော၊ အစိုးရတစ်ရပ်ကလည်းကောင်း၊ ထိုအစိုးရတစ်ရပ်၏ လက်ညှိုးထောင်၊ ခေါင်းညိတ် ပုတ်သင်ညိုလိုလူစားများ၊ မလှုပ်မရှုတ်၊ မပြုတ်လူစားများ၊ လူ့မလိုင်အခွင့်ထူးခံ လူတန်းစားများ၊ ကင်းရှင်းသည့် ပြည်သူ့ဘက်တော်သား၊ ပြည်သူ့ကိုယ်စားလှယ်များ၊ မြန်မာနိုင်ငံသားဥပဒေကို ပါဝင်ရေးဆွဲပြဌာန်းရန် အချိန်တန်ပြီဖြစ်ပါကြောင်း၊ သမိုင်းပေးတာဝန်ကျေဖို့လိုနေပြီ ဖြစ်ပါကြောင်း ကမ္ဘာ့ကုလသမဂ္ဂအဖွဲ့ကြီး၏ ပဋိဉာဉ်စာတန်းပါ အချက်များနှင့်ကိုက်ညီသော နိုင်ငံတကာစံနှုန်းများကို အခြေခံသော လူတစ်စု၊ တစ်ဖွဲ့၊ ဘာသာတစ်ခုအပေါ် အခြေမခံသော”မြန်မာနိုင်ငံသား ဥပဒေတစ်စု”၊ လူသစ်၊ မူသစ်အစိုးရလက်ထက်တွင် လူမျိုးပေါင်းစုံ၊ ဘာသာပေါင်းစုံ၊ ယဉ်ကျေးမှု့ပေါင်းစုံ၊ ရိုးရာအစဉ်အလာပေါင်းစုံ၊ အရောင်စုံသည့် ဖယ်ဒရယ်ပြည်ထောင်စု မြန်မာနိုင်ငံတော်သစ်ကြီးတည်ဆောက်ရာတွင် မရှိမဖြစ် အထူးလိုအပ်နေပေသည်။

သို့မဟုတ်ပါက၊ “နွားကျောင်းသား အမေး၊ ဘုရားလောင်း မဖြေနိုင်” သကဲ့သို့ ပြည်နယ်၊ တိုင်း အသီးသီးရှိ ပြည်သူ့ကိုယ်စားလှယ်များက အလုပ်သမားလူဝင်မှုကြီးကြပ်ရေးနှင့် ပြည်သူ့အင်အားဝန်ကြီး၊ ပြည်ထောင်စုဝန်ကြီး ဦးသိန်းဆွေအား ပြည်သူ့ လွှတ်တော်တွင် မေးမြန်း တော့မည့် LIVE မေးခွန်းများသည် ပို၍တိကျသော၊ ပို၍ပွင်းလင်းမြင်သာသောတာဝန်ယူမှု့၊တာဝန်သိမှု့တို့ကို အဆုံးအဖြတ်ပေးမည့် အထောက်အထားပြည့်စုံသော အရှိုက်ထိစေမည့်မေးခွန်းများ ဖြစ်လာစေရန် မြန်ပြည် တ၀ှမ်း ခံစားနေရသော ပြည်သူလူထုကြီးက မိမိတို့၏ရင်တွင်းဖြစ်၊ ခံစားချက်များကို အချိန်နှင့်တပြေးညီ မိမိတို့ကိုယ်စားလှယ်များထံပေး ပို့တော့မည်ဖြစ်ပါကြောင်း၊ ထို့ကြောင့် ၀န်ကြီးမင်းများ အစမ်း (Rehearsal) လေ့ကျင့်ရန် လိုအပ်လိမ့်မည် ဖြစ်ပါကြောင်း တင်ပြအပ်ပါသည်။

ဂျက်ဖရီတင်အုန်း (R.I.T ရန်ကုန်စက်မှုတက္ကသိုလ်)