အစွန်းရောက်ဝါဒအတွက် ဘုရားနာမတော်ကို အသုံးမပြုသင့်ဟု ပုပ်ရဟန်းမင်းကြီးက အဇာဘိုင်ဂျန် ဗလီဝတ်ကျောင်းတော်တွင် ပြော

အောက်တိုဘာ ၄၊ ၂၀၁၆
M-Media

– အစွန်းရောက်ဝါဒကို တန်းညှိဖို့အတွက် ဘုရားသခင်ရဲ့ အမည်နာမကို အလွဲသုံးစား မလုပ်သင့်ဘူးလို့ ပုပ်ရဟန်းမင်းကြီး ဖရန်စစ်က မွတ်စလင်အများစုရှိရာ အဇာဘိုင်ဂျန်မှာ ဘာသာပေါင်းစုံက ဘာသာရေးခေါင်းဆောင်တွေကို ပြောကြားလိုက်ပါတယ်။

တနင်္ဂနွေနေ့မှာ မြို့တော်ဘာကူက ဟေဒါ ဗလီဝတ်ကျောင်းတော် (Heydar Mosque) က မိန့်ခွန်းမှာ ဒီလို ထည့်သွင်းပြောဆိုလိုက်တာဖြစ်ပြီး အမုန်းတရား၊ လူသားဝါဒနဲ့ ဆန့်ကျင်ဖက် ပုံစံမျိုးနဲ့ ဘုရားသခင်ရဲ့ နာမတော်ကို မထိလေးစားပြုတာ၊ အသုံးပြုတာမျိုး မဖြစ်ရဘူးလို့လည်း ဆိုပါတယ်။

“ကြီးကျယ်တဲ့ အထိမ်းအမှတ်နေရာတစ်ခုဖြစ်တဲ့ ဒီဗလီဝတ်ကျောင်းတော်ကနေ စိတ်ခံစားမှုအပြည့်နဲ့ ပြောချင်တာက – ဘုရားသခင်ရဲ့ နာမတော်ကိုသုံးပြီး အကြမ်းဖက်မှုတွေ ထပ်မဖြစ်ဖို့ပါပဲ။ ဘုရားသခင်ရဲ့ နာမတော်မြတ်ကို အမုန်းတရား ပုံစံ၊ လူသားဝါဒနဲ့ ဆန့်ကျင်တဲ့ ပုံစံမျိုးတွေကနေတစ်ဆင့် အသုံးချခံပစ္စည်းမျိုးအဖြစ် မရိုမသေ မလေးမစား လုပ်တာမျိုး ဒါမှမဟုတ် ခိုင်းနှိုင်းပြောဆိုတာမျိုးမှာ အသုံးပြုရမှာ မဟုတ်ပါဘူး”

“ဘုရားသခင်ကို ကိုယ့်အကျိုးစီးပွားနဲ့ တစ်ကိုယ်ကောင်းဆန်တဲ့ ရည်ရွယ်ချက်တွေအတွက် အသုံးပြုလို့မရသလို အစွန်းရောက်ဝါဒ၊ အရင်းရှင်ဝါဒ၊ ကိုလိုနီဝါဒ ဘယ်လိုပုံစံမျိုးနဲ့မဆို တန်းညှိတာမျိုးမှာ အသုံးပြုလို့မရပါဘူး” လို့ ပုပ်ရဟန်းမင်းကြီးက ပြောကြားခဲ့ပါတယ်။

ဟေဒါ ဗလီဝတ်ကျောင်းတော်မှာ ပြုလုပ်ခဲ့တဲ့ ပုပ်ရဟန်းမင်းကြီးရဲ့ အဲဒီ မိန့်ခွန်းပြောကြားမှု အခမ်းအနားမှာ မွတ်စလင်၊ ခရစ်ယာန်၊ ဂျူးနဲ့ အခြားသော ဘာသာတရားများမှ အဖွဲ့ဝင်တွေက တက်ရောက်ခဲ့ကြပါတယ်။

ပုပ်ရဟန်းမင်းကြီး ဖရန်စစ်ဟာ အရင်ကလည်း ဒီလိုစကားမျိုးတွေ ပြောခဲ့ဖူးပြီး ကမ္ဘာတစ်ဝှမ်းက ဗလီဝတ်ကျောင်းတော်တွေကိုလည်း သွားရောက် လည်ပတ်ခဲ့ဖူးပါတယ်။

ဒါပေမယ့် လူဦးရေ ၉ သန်းရှိပြီး အများစုဟာ ရှီယိုက်မွတ်စလင်တွေဖြစ်ကြတဲ့ အဇာဘိုင်ဂျန်နိုင်ငံက ဒီမိန့်ခွန်းကတော့ ဗလီဝတ်ကျောင်းတော်ထဲက အဓိက၀တ်ပြုဆောင်မှာ အခြားဘာသာဝင်တွေရဲ့ ကိုယ်စားလှယ်တွေအရှေ့ ပုပ်ရဟန်းမင်းကြီးရဲ့ ပထမဆုံး ဒီလိုပြောကြားမှု ဖြစ်ပါတယ်။

ဖရန်စစ်ဟာ အဇာဘိုင်ဂျန်ရဲ့ မြို့တော်ဘာကူကို ရောက်ပြီးနောက်မှာ ပထမဆုံး ကက်သလစ်ဘုရားကျောင်းကို သွားရောက်ခဲ့ပြီး ကက်သလစ်လူ့အဖွဲ့အစည်းကို မိန့်ခွန်းပြောကြားခဲ့ပါတယ်။

ရေနံနဲ့ သဘာဝဓာတ်ငွေ့ကြွယ်ဝပြီး ရုရှား၊ အီရန်၊ တူရကီတို့နဲ့ ထိစပ်နေတဲ့ အဇာဘိုင်ဂျန်မှာ ကက်သလစ်ဘာသာဝင် ၇၀၀ လောက်သာရှိပြီး အများစုက နိုင်ငံအတွင်း သံရုံးတွေက ၀န်ထမ်းတွေ၊ နိုင်ငံခြားသားအလုပ်သမားတွေနဲ့ ရေနံ၊ သဘာဝဓာတ်ငွေ့ ကုမ္ပဏီမှာ အလုပ်လုပ်နေတဲ့ နိုင်ငံခြားသား ၀န်ထမ်းတွေ ဖြစ်ပါတယ်။

Virgin Mary’s Immaculate Conception လို့ အမည်ရတဲ့ ကက်သလစ်ဘုရားကျောင်းမှာ ပြောကြားခဲ့တဲ့ မိန့်ခွန်းအများစုကို ပုပ်ရဟန်းမင်းကြီးက အင်္ဂလိပ်လို ပြောကြားခဲ့တာဖြစ်ပြီး ညီညွတ်ရေးကို ရှေ့ရှုတဲ့မိန့်ခွန်း ဖြစ်ပါတယ်။

အဲဒီဘုရားကျောင်းဟာ ဆိုဗီယက်အုပ်ချုပ်မှုလက်ထက် ၁၉၃၁ ခုနှစ်မှာ ဖြိုချဖျက်စီးခံလိုက်ရတဲ့ ဘုရားကျောင်းအမည်ကို ပြန်ပေးထားတာဖြစ်ပြီး ၂၀၀၇ ခုနှစ်မှာ ဖွင့်လှစ်ခဲ့တာပါ။

မတူကွဲပြားမှုအင်အားကို ယုံကြည်ပါ

“သတ္တိရှိပါ။ ကြောက်ရွံ့မှုမရှိဘဲ ရှေ့ဆက်လျှောက်ပါ။ နှစ်ပေါင်းများစွာ ဖိနှိပ်ချုပ်ချယ်ခံမှု ခံရပြီးနောက်ပိုင်းမှာ ယုံကြည်မှုဟာ အံ့သြစရာမျိုးတွေ ဖြစ်ပေါ်ခဲ့ပါတယ်။ ဘုရားသခင်ကို ယုံကြည်အပ်နှံထားတဲ့၊ အခက်အခဲ အကြပ်အတည်းတွေကို ရင်ဆိုင်နေရပေမယ့် ယုံကြည်မှုကို မစွန့်လွှတ်ခဲ့တဲ့ ခရစ်ယာန်တွေရဲ့ သူရသတ္တိကို ကျွန်တော် ပြန်ပြောင်း အမှတ်ရစေချင်ပါတယ်” လို့ ပုပ်ရဟန်းမင်းကြီးက ပြောကြားခဲ့ပါတယ်။

ဖရန်စစ်ဟာ ဂျော်ဂျီယာကနေ အဇာဘိုင်ဂျန်ကို ရောက်ရှိလာတာဖြစ်ပြီး၊ တနင်္ဂနွေနေ့ညက ရောမကို ပြန်သွားခဲ့ပါတယ်။

ဟေဒါ ဗလီဝတ်ကျောင်းတော်က ဘာသာပေါင်းစုံတွေ့ဆုံပွဲကို မတက်ရောက်မီမှာ ပုပ်ရဟန်းမင်းကြီးဟာ သမ္မတ အစ်လ်ဟမ် အလီယဗ်နဲ့ တွေ့ဆုံခဲ့ပါတယ်။

ကမ္ဘာတစ်ဝှမ်းက ပဋိပက္ခတွေကြောင့် အိုးအိမ်စွန့်ခွာ ထွက်ပြေးရသူတွေအတွက် အလွန်အမင်း စိတ်မေကာင်းဖြစ်မတယ်လို့လည်း ပုပ်ရဟန်းမင်းကြီးက ထည့်သွင်း ပြောကြားခဲ့ပါတယ်။

Ref : Huffingtonpost