မလေးရှားနိုင်ငံသူတစ်ဦး ကမ္ဘာတစ်ပတ် ဆိုင်ကယ်ဖြင့်ပတ်သည့် ပထမဆုံး မွတ်စလင်အမျိုးသမီး ဖြစ်လာ

အောက်တိုဘာ ၄၊ ၂၀၁၅
M-Media

– မလေးရှားနိုင်ငံသူ အမျိုးသမီး အန်နီတာ ယူစွဖ်မှာ ကမ္ဘာတစ်ပတ် ဆိုင်ကယ်ဖြင့်ပတ်နိုင်ခဲ့သည့် ပထမဆုံး မွတ်စလင်အမျိုးသမီး ဖြစ်လာခဲ့ပြီး အိမ်အပြန်တွင် မလေးရှားပြည်သူများက ၎င်းအား သောင်းသောင်းဖျဖျ ကြိုဆိုခဲ့ကြသည်ဟု သိရသည်။

အသက် ၄၉ နှစ်အရွယ်ရှိပြီဖြစ်ပြီး တက္ကသိုလ်မှ နည်းပြဆရာမဖြစ်သူ အန်နီတာမှာ တစ်နှစ်ကြာ ကမ္ဘာတစ်ပတ် ဆိုင်ကယ်ဖြင့် ပတ်ခဲ့ပြီးနောက် စက်တင်ဘာ ၁၆ ရက်နေ့က မလေးရှားနိုင်ငံသို့ ပြန်ရောက်ခဲ့ခြင်းဖြစ်သည်။

“ကျွန်မ စာပြန်သင်ဖို့၊ တစ်နှစ်လောက် ခွဲခွာရတဲ့ ကျောင်းသားတွေကို ပြန်တွေ့ဖို့ စိတ်အားထက်သန်နေပါတယ်” ဟု အန်နီတာက ပြောကြားခဲ့သည်။

ထို့ပြင် Yamaha FZ150 ဆိုင်ကယ်ဖြင့် စွန့်စွန့်စားစား ခရီးသွားလာခဲ့မှုအကြောင်းကို ‘If this is the destiny that I choose’ (ကျွန်မရွေးချယ်ခဲ့သော ကံတရားလား) ဆိုသည့် ခေါင်းစဉ်ဖြင့် စာအုပ်တစ်အုပ် ရေးသွားမည်ဟုလည်း သူမက ပြောကြားခဲ့သည်။

“ကျွန်မရဲ့ ရည်မှန်းချက်က မွတ်စလင်အမျိုးသမီးတွေဟာ ဖိနှိပ်ချုပ်ချယ်ခံရသူတွေ၊ ခွဲခြားခံရသူတွေ မဟုတ်ဘူးဆိုတာကို ကမ္ဘာ့ပြည်သူလူထု – အထူးသဖြင့် အစ္စလာမ်ကြောက်ရောဂါ ရှိနေသူတွေကို သက်သေပြချင်တာပါ”

သူမ၏ အဆိုပါ ကမ္ဘာတစ်ပတ်ခရီးစဉ်ကို Global Dream Ride ဟု အမည်ပေးထားပြီး ထို ခရီးစဉ်က မွတ်စလင်အမျိုးသမီးတစ်ဦးမှာ ရက်ပေါင်း ၃၇၀ အတွင်း နိုင်ငံပေါင်း ၄၀ ကို ဆိုင်ကယ်ဖြင့် သွားရောက်နိုင်နိုင်သည်ကို သက်သေပြနိုင်ခဲ့သည်ဟုလည်း အန်နီတာက ထပ်လောင်း ပြောကြားခဲ့သည်။

သူမမှာ ထိုခရီးစဉ်အတွက် Givi နှင့် Yamaha တို့၏ စပွန်ဆာအပြင် သူမ၏ စုဆောင်းငွေ မလေးရှားရင်းဂစ် ၁၂၀၀၀၀ ကိုလည်း အသုံးပြုခဲ့သည်။

“ဒါပေမယ့် ကျွန်မရဲ့ အိပ်မက်တွေ အမှန်တကယ်ဖြစ်လာဖို့ ကျွန်မရောက်ရှိတဲ့ နိုင်ငံက ပြည်သူတွေကလည်း ကူညီခဲ့ကြပါတယ်။ နိုင်ငံအများစုက ကြင်နာတတ်သူတွေဟာ ကျွန်မကို အခမဲ့တည်းခိုဖို့၊ စားသောက်ဖို့ စီစဉ်ပေးတယ်။ သူတို့ရဲ့ အစ္စလာမ်နဲ့ပတ်သက်တဲ့ အမြင်တွေကိုလည်း ကျွန်မ ပြောင်းလဲပေးခဲ့ပါတယ်” ဟု အန်နီတာက သူမ၏ အတွေ့အကြုံကို ပြောကြားခဲ့သည်။

အန်နီတာ၏ နောက်ထပ် ဆိုင်ကယ်ဖြင့် ခရီးသွားရန် ရည်မှန်းထားသည့် နေရာမှာ ဟိမ၀န္တာတောင်တန်း ဖြစ်လေသည်။

“ဆိုင်ကယ်စီးတာက စွဲပါတယ်။ ကျွန်မ ကျောင်းက ကလေးတွေကိုလည်း စိတ်ဓာတ်မြှင့်ရေးစကားတွေ ပြောခဲ့ပါတယ်”

အန်နီတာကမူ သူမ၏ ခရီးစဉ်တစ်လျှောက်တွင် ဘုရားသခင်နှင့် နီးကပ်မှုကို ခံစားခဲ့ရပြီး၊ လမ်းများက ဘ၀တက္ကသိုလ်များ ဖြစ်သည်ဟုလည်း သူမက ထည့်သွင်းပြောကြားခဲ့သည်။

ထို့ပြင် လူငယ်များအနေဖြင့် အခြားသောနိုင်ငံများထက် ပိုမိုကောင်းမွန်သည့် မိမိတို့နိုင်ငံတွင် စံစားရမှုများကို ကျေနပ်ကာ
၎င်းတို့၏ အိပ်မက်ကို မမှိတ်မသုန် အကောင်အထည်ဖော်ရန်လည်း တိုက်တွန်းခဲ့သည်။

Ref nst.com