၂၀၃၀ တွင် ဆင်းရဲမွဲတေမှုမှ ဘင်္ဂလားဒေ့ရှ် လွတ်မြောက်နိုင်

အောက်တိုဘာ ၅၊ ၂၀၁၆
M-Media

– ပြီးခဲ့သည့် ၁၀ စုနှစ်အတွင်း ဆင်းရဲမွဲတေမှုကို ဘင်္ဂလားဒေ့ရ်ှနိုင်ငံက ထူးထူးခြားခြား လျှော့ချနိုင်ခဲ့ပြီး တိုးတက်မှုကို နိုင်ငံသားများအားလုံး ခံစားနိုင်စေရန် ခိုင်မာသည့် ခြေလှမ်းများ ဆက်လှမ်းသွားမည်ဆိုပါက ၂၀၃၀ ခုနှစ်တွင် အလွန်အမင်း ဆင်းရဲမွဲတေမှုမှ လွတ်မြောက်နိုင်မည့် အလားအလာ ရှိနေသည်ဟု ကမ္ဘာဘဏ်က ပြောကြားလိုက်သည်။

အောက်တိုဘာ ၃ ရက်နေ့က ‘Bangladesh Development Update’ နှင့် ‘Poverty and Shared Prosperity 2016: Taking on Inequality’ ခေါင်းစဉ်များဖြင့် ထုတ်ပြန်ခဲ့သည့် အစီရင်ခံစာများအရ ဘင်္ဂလားဒေ့ရ်ှမှာ ဆင်းရဲမွဲတေမှု လျှော့ချရေးတွင် တည်တံ့သော တိုးတက်မှုများရရှိအောင် ဆောင်ရွက်နိုင်ပြီး အခွင့်အလမ်းများကိုလည်း တိုးမြှင့် ဖန်တီးနိုင်ကြောင်း ဖော်ပြခဲ့သည်။

၂၀၁၁ ခုနှစ် ငွေကြေးတန်ဖိုး (purchasing power) ကို အခြေပြု၍ တွက်ချက်ထားသည့် ဆင်းရဲမွေတေမှု အခြေခံသတ်မှတ်မျဉ်း ၁.၉၀ ဒေါ်လာအရ ၂၀၁၀ ခုနှစ်တွင် ဘင်္ဂလာဒေ့ရ်ှနိုင်ငံ လူဦးရေ၏ ၁၈.၅ ရာခိုင်နှုန်းဖြစ်သော ၂၈ သန်းမှာ အလွန်အမင်းဆင်းရဲမွဲတေသည့် အခြေနေအနေမျိုးတွင် ရှိနေပြီး၊ ၂၀၀၀ ခုနှစ်မှ ၂၀၁၀ ခုနှစ်အတွင်း ဘင်္ဂလားဒေ့ရ်ှပြည်သူ ၁၆ သန်းမှာ ထိုအခြေအနေမှ ရုန်းထွက်နိုင်ခဲ့သည်ဟု အစီရင်ခံစာများက ဆိုသည်။

၂၀၃၀ ခုနှစ်တွင် ဘင်္ဂလားဒေ့ရှ်၌ အလွန်အမင်း ဆင်းရဲမွဲတေသူ ၃ ရာခိုင်နှုန်းအောက်ရောက်ရေး ရည်မှန်းချက် အောင်မြင်ရန်အတွက်မူ ပိုမိုပြည့်ဝသည့် စီးပွားရေးတိုးတက်မှုနှင့် ထိဖွံဖြိုးတိုးတက်မှု၏ အကျိုးကျေးဇူးများကို လူ့အဖွဲ့အစည်းအတွင်းမှ ၄၀ ရာခိုင်နှုန်းသော ဆင်းရဲမွဲတေမှုသူများ ပိုမိုခံစားနိုင်ရေး ဆောင်ရွက်ရန် လိုအပ်နေသည်။

ကမ္ဘာ့ အဆင်းရဲဆုံး ၁၅၄ နိုင်ငံတွင် အဆင့် ၅၆ နေရာ၌ ရှိနေသည့် ဘင်္ဂလားဒေ့ရ်ှနိုင်ငံအနေဖြင့် လုံခြုံရေး၊ ဘဏ္ဍာရေးနှင့် ကုန်သွယ်ရေးကဏ္ဍများတွင် ဆောင်ရွက်စရာ အများအပြား ကျန်ရှိနေသေးသည်ဟုလည်း အစီအရင်ခံစာများက ထောက်ပြခဲ့သည်။

၂၀၂၁ ခုနှစ်တွင် ၀င်ငွေအလယ်အလတ် ရရှိသည့် နိုင်ငံဖြစ်ရေးနှင့် ၂၀၃၀ ခုနှစ်တွင် အလွန်အမင်း ဆင်းရဲမွဲတေမှုမှ လွတ်မြောက်နိုင်ရေးအတွက် ဘင်္ဂလားဒေ့ရ်ှအနေဖြင့် လက်ရှိ စီးပွားရေးနှင့် လုပ်ခလစာများ တိုးတက်ရေး၊ ပိုမိုကောင်းမွန်သော အလုပ်အကိုင်များကို များများစားစား ဖန်တီးရေး၊ စွမ်းအင်နှင့် သယ်ယူပို့ဆောင်ရး အခြေခံအဆောက်အဦးများကို အဓိက အာရုံစိုက်ရး၊ ကျန်းမာရေးနှင့် ပညာရေးအရည်အသွေး တိုးတက်စေရေးတို့ကို ရေရှည်တည်တံ့အောင် ဆောင်ရွက်ရန် လိုအပ်သည်ဟုလည်း ထောက်ပြခဲ့သည်။

Ref: Thedailystar