ဟောင်ကောင် ဒီမိုကရေစီအရေး တက်ကြွလှုပ်ရှားသူကို ထိုင်း ထိန်းသိမ်း

အောက်တိုဘာ ၅၊ ၂၀၁၆
M-Media

– ဟောင်ကောင်ဒီမိုကရေစီအရေးအတွက် တိုက်ပွဲဝင်မှုကြောင့် ထင်ရှားလာခဲ့သည့် အသက် ၁၉ နှစ်အရွယ် ဟောင်ကောင်ကျောင်းသား ဂျိုရှူဝါ ၀ွန်ကို ထိုင်းရဲတပ်ဖွဲ့က ဖမ်းဆီးလိုက်ပြီး တရုတ်နိုင်ငံ၏ တောင်းဆိုမှုကြောင့် ထိုကဲ့သို့ ဖမ်းဆီးခဲ့ခြင်းဖြစ်သည်ဟု သိရသည်။

ဝွန်မှာ ၎င်း၏ ဒီမိုကရေစီအရေး လှုပ်ရှားမှုနှင့်ပတ်သက်၍ ချူလာလောင်ကွန်တက္ကသိုလ်တွင် မိန့်ခွန်းပြောကြားရန် ဖိတ်ကြားခံရပြီးနောက် ယမန်နေ့က ဘန်ကောက်သို့ သွားရောက်ခဲ့သည်ဟု၏ ၎င်း ပါတီဖြစ်သော Demosistō ၏ Facebook စာမျက်နှာတွင် ဖော်ပြခဲ့သည်။

သို့သော်လည်း ၀ွန်နှင့်တွေ့ဆုံရန်ရှိနေသည့် ထိုင်း ကျောင်းသားအရေး တက်ကြွလှုပ်ရှားသူ Netiwit Chotipatpaisal ကမူ ၀ွန်မှာ သုဝဏ္ဏဘူမိ လေဆိပ်တွင် ထိန်းသိမ်းခံလိုက်ရသည်ဟု ပါတီအား အကြောင်းကြားခဲ့သည်။

“Chotipatpaisal ရဲ့ ပြောကြားမှုအရ ထိုင်းအာဏာပိုင်တွေဟာ ၀ွန်ရဲ့ လာရောက်လည်ပတ်မှုနဲ့ပတ်သက်ပြီး တရုတ်အစိုးရဆီက စာတစ်စောင်ကို စောစာပိုင်းက ရရှိခဲ့တယ်လို့ ဆိုပါတယ်။ လက်ရှိ ထိန်းသိမ်းခံထားရတဲ့ ၀ွန်ကို သူသွားတွေ့ဖို့ တောင်းဆိုမှုကိုလည်း ငြင်းပယ်ခံလိုက်ရတယ်လို့ သိရပါတယ်” ဟု Demosistō က Facebook ပို့စ်တွင် ထည့်သွင်းဖော်ပြခဲ့သည်။

ထို့ပြင် မိမိတို့အနေဖြင့် ထိုင်းအာဏာပိုင်များက ၀ွန်၏ နိုင်ငံအတွင်းသို့ ၀င်ရောက်ခွင့်ကို ကျိုကြောင်းမဆီလျော်ဘဲ ဖမ်းဆီးမှုအတွက် မိမိတို့အနေဖြင့် ရှုတ်ချသည်ဟုဆိုပြီး ချက်ချင်းလွှတ်ပေးရန်လည်း ပါတီက တောင်းဆိုခဲ့သည်။

“လက်ရှိအချိန်မှာ ဟောင်ကောင် လူဝင်မှုကြီးကြပ်ရေးအနေနဲ့ ၀ွန်ရဲ့ ဘေးအန္တရာယ်ကင်းရှင်းရေးအတွက် ကူညီဖို့ ကျွန်တော်တို့ တိုက်တွန်းပါတယ်”

ဝွန်၏ ယခင်အစီအစဉ်အရ ယနေ့တွင် ဟောင်ကောင်သို့ ပြန်ရန်ဖြစ်ပြီး လက်ရှိတွင် လေဆိပ်၌ ထိန်းသိမ်းထားသည်ဟု သိရသည်။ သုဝဏ္ဏဘူမိ လေဆိပ်မှ လူဝင်မှုကြီးကြပ်ရေး တာဝန်ရှိသူများကမူ ၀ွန်အား ထိုင်းနိုင်ငံအတွင်းသို့ ၀င်ရောက်ခွင့် ပိတ်ပင်ခဲ့ပြီး ဟောင်ကောင်သို့ ပြန်ပို့မည်ဖြစ်ကြောင်း အတည်ပြု ပြောကြားခဲ့သည်။

Ref: guardian