အစ္စလာမ်က ဘ၀အတွက် အဓိကဖြစ်သည်ဟု မူစတာဖီ ပြော

အောက်တိုဘာ ၅၊ ၂၀၁၆
M-Media

– အစ္စလာမ်သာသာနာ၏ အဆုံးအမတိုင်း ရှင်သန်နေုထိုင်ခြင်းက မိမိအတွက် အရေးပါပြီး၊ ယခုကဲ့သို့ အနေအထားမျိုး ရောက်ရှိစေရန်အတွက်လည်း အထောက်အကူ ဖြစ်စေခဲ့သည်ဟု အာဆင်နယ်အသင်း၏ ဂျာမနီနောက်ခံလူ ရှာကိုဒရန် မူစတာဖီက ပြောကြားလိုက်သည်။

အသက် ၂၄ နှစ်အရွယ်ရှိ မူစတာဖီမှာ ဗလင်စီယာအသင်းမှ ယခုနှစ် နွေရာသီတွင် ပေါင် ၃၅ သန်းဖြင့် အာဆင်နယ်သို့ ရောက်ရှိလာခြင်းဖြစ်ပြီး အသင်းနောက်တန်းတွင် အဓိက ကစားသမားတစ်ဦး ဖြစ်လာခဲ့သည်။

မူစတာဖီကမူ ၎င်း၏ ဘာသာတရားက ၎င်းအတွက် သာမညမဟုတ်ဟု ဆိုသည်။

“မွတ်စလင်တစ်ယောက်ဖြစ်ဖို့ဆိုတာ ကျွန်တော့်အတွက် အရမ်းအရေးကြီးပါတယ်။ အရာအားလုံးထက်ကို ပိုပြီးကို အရေးကြီးတာပါ။ ခရီးသွားရတဲ့အခါ ကျွန်တော်ဟာ တစ်ခါတစ်ရံမှာ ဘုရားဝတ်ပြုချင်ပေမယ့် အခက်အခဲတွေ ရှိပါတယ်။ ယူရိုပြိုင်ပွဲကလည်း ကျွန်တော့်အတွက် ပြဿနာပါ။ ဘာ့ကြောင့်လည်းဆိုတော့ ရမ်ဇာန်ဥပုသ်လအလယ်မှာ ကစားရတာဖြစ်ပြီး ကျွန်တော့်ရဲ့ အစားအသောက်ကို ကန့်သတ်ဖို့ မဖြစ်နိုင်တဲ့ အချိန်မျိုးပါ။ အားကစားသမားတစ်ယောက်အနေနဲ့ ဒီလိုအခြေအနေမျိုးမှာ ဥပုသ်စောင့်စရာမလိုတဲ့ ခြွင်းချက်ရှိတယ်ဆိုတာလည်း ကျွန်တော်သိပါတယ်” ဟု မူစတာဖီက ပြောကြားခဲ့သည်။

ထို့ပြင် မိမိအနေဖြင့် အစ္စလာမ်ကိုသာမက အခြားသော ဘာသာတရားများကိုလည်း လေ့လာသည်ဟု ဆိုသည်။

“ကျွန်တော် ကုရ်အာန်ကျမ်းတော်မြတ်ကို ခရစေ့တွင်းကျ လေ့လာသလို အခြား ဘာသာတရားတွေကိုလည်း လေ့လာပါတယ်။ ကျွန်တော့်ရဲ့ ဘာသာတရားဟာ ကျွန်တော့်အတွက်၊ ကျွန်တော့်ရဲ့ ကစားသမားဘ၀အတွက် တော်တော်လေး အဓိပ္ပါယ်ရှိပါတယ်။ ကျွန်တော့်ကိုလည်း အများကြီး အကူအညီဖြစ်စေခဲ့ပါတယ်။ တိုတိုတုတ်တုတ်ပြောရရင် ကျွန်တော်ဟာ နိဗ္ဗာန်ဘုံကို ရှာဖွေတဲ့ အခြားသော လူသားတွေလိုပါပဲ။ ဒါက ကျွန်တော့ရဲ့ အဓိကလုပ်ငန်းဖြစ်ပါတယ်”

ပြီးခဲ့သည့် ဗလင်စီယာတွင် ကစားစဉ် သတင်းစာရှင်းလင်ပွဲတစ်ခု၌ ဘီယာဗူးကိုင်ရန် အသင်းက ညွှန်ကြားမှုကို ငြင်းဆိုခဲ့ပြီး မိမိအနေဖြင့် ပြဿနာရှာလို၍မဟုတ်ဘဲ ဘီယာကြော်ငြာနေသည်ဟု လူအများ မြင်သွားမည်ကို စိုးရိမ်သောကြောင့် ဖြစ်သည်ဟု မူစတာဖီက ပြောကြားခဲ့သည်။

“နောက်ဆုံးမှာတော့ ကလပ်အသင်းရော၊ ဘီယာချက်စက်ရုံကပါ ကျွန်တော့်ကို တောင်းပန်ပါတယ်။ ဘာ့ကြောင့်လည်းဆိုတော့ အစ္စလာမ်ဘာသာဝင်တစ်ယောက်ဟာ ဘယ်လိုပုံစံမျိုးနဲ့မဆို အရက်ကို မသောက်ရဘူးဆိုတာ သူတို့ နားလည်သွားတာကြောင့် ဖြစ်ပါတယ်။ ဒီလို ကိုယ်ကျင့်တရားမျိုးကို အခုအချိန်မှာ ဗလင်စီယာက လေးစားတတ်လာပါပြီ”

Ref: mirror