အစ္စလာမ်နှင့် ခရစ်ယာန်အကြား တူညီမှုကို မီးမောင်းထိုးပြသည့် ကုရ်အာန်ဘာသာပြန်တစ်ခု ထွက်ရှိ

အောက်တိုဘာ ၈၊ ၂၀၁၆
M-Media

– ခရစ်ယာန်သာသနာနှင့် အစ္စလာမ်သာသာနာတို့အကြား တူညီမှုများကို အဓိကထား ဖော်ပြထားသည့် ကုရ်အာန်ကျမ်းတော်မြတ် ဘာသာပြန်တစ်ခုကို အမေရိကန်က မွတ်စလင်နှင့် ခရစ်ယာန်မိတ်ဆွေနှစ်ဦးက ထုတ်ဝေလိုက်သည်ဟု သိရသည်။

ဆာဖီ ကက်စ်က်စ်နှင့် ဒေါက်တာ ဒေးဗစ် ဟန်ဂါဖို့ဒ်တို့ ဖြစ်ကြပြီး မိမိတို့၏ ထိုအားထုတ်မှုက ခရစ်ယာန်နှင့် မွတ်စလင်တို့အကြား ပြန်လည်ရင်ကြားစေ့ရေး ကိရိယာတစ်ခု ဖြစ်လာမည်ဟု မျှော်လင့်နေသည်။

အဆိုပါစာအုပ်တွင် ကုရ်အာန်နှင့် သမ္မာကျမ်းစာတို့အကြား အလိုသဘောတူညီသည့် ကျမ်းချက်ပေါင်း ၃၀၀၀ ခန့်ကို ဖော်ပြထားသည်။

“၉/၁၁ ခေတ်နောက်ပိုင်းမှာ ခရစ်ယာန်တွေက မွတ်စလင်တွေနဲ့ သူတို့ရဲ့ကျမ်းစာ ကုရ်အာန်ကို ကြောက်ရွံ့လာကြတာကြောင့် တင်းမာမှုတွေလည်း မြင့်တက်လာပါတယ်။ ဒီ ဘာသာပြန်အသစ်က မွတ်စလင်တွေနဲ့ အခြားသော အီဗရာဟီမစ် ဘာသာတရားတွေ (ခရစ်ယာန်နှင့် ဂျူး) အကြား ပြန်လည်သင့်မြတ်ရေး ကိရိယာတစ်ခုအဖြစ် ဖော်ဆောင်ထားတာပါ။ တင်းမာမှုဖြစ်ပွားနေတဲ့ အခြေအနေမှာ ပြန်လည်သင့်မြတ်ရေးနဲ့ ငြိမ်းချမ်းရေးက နောက်တောင်ကျနေပါပြီ။ တယ်လို့ ကျွန်တေ်ာတို့ဟာ ပြဿနာတွေ ထပ်မဖြစ်အောင် တားဆီးချင်တယ်ဆိုရင်တော့ ပိုမိုကောင်းမွန်တဲ့နားလည်မှုရအောင် မဖြစ်မနေ လုပ်ရမှာပါ” ဟု ဆာဖီက ပြောကြားခဲ့သည်။

ထို့ပြင် ကုရ်အာန်ကျမ်းတော်မြတ်အား လိုရာဆွဲဘာသာပြန်မှုအချို့ကြောင့် အစ္စလာမ်မှာ အခြားသော ဘာသာတရားများအပေါ် သည်းခံနိုင်မှုမရှိဆိုသည့် အမြင်များ ဖြစ်ပေါ်လာခြင်းဖြစ်ကြောင်း၊ ထိုအမြင်များမှာ လုံးဝ မှားယွင်းကြောင်း ၎င်းက ထပ်လောင်း ပြောကြားခဲ့သည်။

ဆာဖီနှင့် ဒေါက်တာ ဒေးဗစ် ဟန်ဂါဖို့ဒ်တို့မှာ လွန်ခဲ့သည့် ၁၀ နှစ်ကတည်းက ခင်မင်လာခဲ့ခြင်းဖြစ်ပြီး ယခုစာအုပ်က ခရစ်ယာန်များအကြား အစ္စလာမ်ကြောက်ရောဂါ အပြုအမူများကို လျှော့ချရေး ရည်ရွယ်သော Bridges to Common Ground အဖွဲ့၏ စီမံကိန်းမှ အစိတ်အပိုင်းတစ်ခုလည်း ဖြစ်သည်။

“အစ္စလာမ်နဲ့ ခရစ်ယာန်အကြားမှာ မတူညီမှုတွေ ရှိနေသလို့ သိပ်အံ့သြစရာကောင်းတဲ့ ပေါင်းကူးတံတားတစ်ခု ရှိနေတယ်ဆိုတာကို ဒီဘာသာပြန်ကြောင့် လူတွေ နားလည်နိုင်မယ်လို့ ကျွန်တော်တို့ မျှော်လင့်ပါတယ်” ဟု ဒေါက်တာက ပြောကြားခဲ့သည်။

ကုရ်အာန်ကျမ်းတော်မြတ်တွင် ယေရှုခရစ် (မွတ်စလင်များက တမန်တော် အီစာဟု သိကြသည်) ၏ အမည်ကို အကြိမ် ၁၀၀ ကျော် ဖော်ပြထားသည်။ ထို့ပြင် ယောရှုခရစ်၏ မယ်တော် မာရီသခင်မ (မရ်ယမ်သခင်မ) ၏ အမည်ဖြင့်လည်း ကဏ္ဍတစ်ခု ပါရှိနေသည်။

“ဒီနေ့ခေတ် လူ့အဖွဲ့အစည်းမှာ အီဗရာဟီမစ် ဘာသာတရားတွေအကြား တူညီမှုတွေကို ဘယ်သူမှ မပြောကြပါဘူး” ဟု ဒေါက်တာ ဟန်ဂါဖို့ဒ်က ထပ်လောင်း ပြောကြားခဲ့သည်။

Ref : Independent