ဟာရီကိန်း မက်သယူးနဲ့ ချွတ်ချုံကျသွားတဲ့ ဟေတီ

အောက်တိုဘာ ၈၊ ၂၀၁၆
M-Media

– ကာရစ်ဘီယံဒေသမှာ ၁၀ စုနှစ်တစ်ခုအတွင်း အပြင်းထန်ဆုံးဖြစ်တဲ့ ဟာရီကိန်း မက်သယူးကြောင့် ဟေတီနိုင်ငံမှာ သေဆုံးမှု၊ ပျက်ဆီးဆုံးရှုံးမှု အခြေအနေဟာ တော်တော်လေးကို ဆိုးရွားခဲ့ပါတယ်။

စောစောပိုင်းက သေဆုံးသူ ၅၇၂ ဦး ရှိတယ်လို့ ဟေတီအာဏာပိုင်တွေက ကြေငြာထားပေမယ့် ယမန်နေ့မှာတော့ ၈၄၂ ဦးအထိ ရှိလာခဲ့ပြီး၊ အဆက်အသွယ်မရသေးတဲ့ မုန်တိုင်းဒဏ်ခံဒေသတွေလည်း ရှိနေတာကြောင့် သေဆုံးမှုနှုန်းကလည်း ထပ်မံ မြင့်တက်လာနိုင်ပါသေးတယ်။

အင်္ဂါနေ့က မုန်တိုင်းဝင်ရောက်ပြီးတဲ့နောက် ကျေးလက်ဆေးခန်းတွေဟာ လူနာတွေနဲ့ ပြည့်လျှံနေပြီး၊ စားနပ်ရိက္ခာ ရှားပါးမှုတွေလည်း ရှိနေကာ ရေမသန့်တာကြောင့် အနည်းဆုံး လူ ၇ ဦးလောက် ၀မ်းလျှောပြီး သေဆုံးခဲ့ကြပါတယ်။

တစ်နာရီ ၂၃၅ ကီလိုမီတာနဲ့ တိုက်ခတ်တဲ့ မုန်တိုင်းကြောင့် အထိအနာဆုံးဒေသတွေက ဟေတီအနောက်ပိုင်းနဲ့ အနောက်တောင်ပိုင်းတွေဖြစ်ပြီး အိမ်တွေပြိုတာ၊ အုန်းပင်တွေလဲတာတွေအထိ ဆိုးရွားခဲ့ပါတယ်။ နောက်ပိုင်းမှာတော့ မုန်တိုင်းဟာ အမေရိကန်ပြည်ထောင်စု ဖလော်ရီဒါပြည်နယ်ကို ၀င်ရောက်ကာ အရှေ့ဘက်ကို ဦးတည်သွားခဲ့ပါတယ်။

သေဆုံးသူအများစုဟာလည်း သစ်ပစ်တွေပိမိတာ၊ လွင့်စင်လာတဲ့ အကျိုးအပဲတွေ ထိမှန်တာ၊ ရေကြီးရေလျှံတာတွေကြောင့် ဖြစ်ပါတယ်။ မုန်တိုင်းကြောင့် ကျွဲနွားတွေ ကောက်ပဲသီးနှံတွေလည်း ဆုံးရှုံးခဲ့ပါတယ်။

ဆင်းရဲမွဲတေမှု၊ အစိုးရယန္တရားအားနည်းမှုနဲ့ လူနေမှုအဆင့်အတန်း နိမ့်ပါးမှုကြောင့် ဟေတီရဲ့ မုန်တိုင်းအလွန် ပြန်လည်ထူထောင်ရေး လုပ်ငန်းဟာ ရုန်းကန်ရဖွယ် ရှိနေပါတယ်။

၂၀၁၀ ခုနှစ်ကလည်း ပြင်းအား ၇ မဂ္ဂနီကျုရှိတဲ့ ငလျင်တစ်ခု မြို့တော် ပေါ့တ်အူပရင့်မှာ လှုပ်ခတ်သွားတာကြောင့် လူပေါင်း ၂ သိန်းကျော် သေဆုံးခဲ့ပါသေးတယ်။ ဒါတင်မကသေးဘဲ ငလျင်အပြီး ၀မ်းရောဂါကြောင့် အနည်းဆုံး လူပေါင်း ၉၀၀၀ လောက် သေဆုံးခဲ့ကာ လူသိန်းနဲ့ချီပြီး ကူးစက်ခဲ့တယ်လို့ ကုလရဲ့ မှတ်တမ်းတွေအရ သိပါတယ်။

ပန်အမေရိကန်ကျန်းမာရေးအဖွဲ့ကလည်း မုန်တိုင်းကြောင့် ရေကြီးရေလျှံမှုဟာ သောက်သုံးရေ သန့်ရှင်းမှု မရှိတော့တာကြောင့် ၀မ်းရောဂါဖြစ်ပွားမှု မြင့်တက်လာနိုင်တယ်လို့ သတိပေးထားပါတယ်။

Ref: Aljazeera