IS အဖွဲ့ နိုင်ငံထူထောင်မည့်အခြေအနေကို မိမိတို့ တားဆီးနိုင်ခဲ့ဟု အီရန်ပြော

အောက်တိုဘာ ၉၊ ၂၀၁၆
M-Media

– အီရန်သမ္မတ ဟာဆန်ရူဟာနီက IS အကြမ်းဖက်အုပ်စုများမှာ အီရတ်နှင့် ဆီးရီးယားတို့တွင် နိုင်ငံတစ်ခုအသွင် ဖန်တီးမှုကို မိမိတို့အီရန်နိုင်ငံက တားဆီးနိုင်ခဲ့သည်ဟု ပြောကြားလိုက်သည်။

“(အကြမ်းဖက်တိုက်ဖျက်ရေးမှာ ပါဝင်တဲ့) အီရန်ရဲ့ အခန်းကဏ္ဍနဲ့ အကူအညီကြောင့်သာမဟုတ်ရင် ခင်ဗျားတို့အနေနဲ့ဆီးရီးယားနဲ့ အီရတ်မှာ IS အကြမ်းဖက်သမားတွေကို အဖွဲ့တစ်ခုအနေနဲ့သာ မဟုတ်ဘဲ နိုင်ငံတစ်ခုအဖြစ် တွေ့မြင်ရမှာဖြစ်ပြီး အဲဒီမှာလည်း မဆုံးနိုင်တဲ့ စစ်ပွဲတွေနဲ့ ရင်ဆိုင်နေရမှာ ဖြစ်ပါတယ်” ဟု သမ္မတ ရူဟာနီက ယမန်နေ့က မလေးရှားနိုင်ငံ ကွာလာလမ်ပူ၌ မလေးရှားပညာရှင် အဖွဲ့တစ်ခုနှင့် မီဒီယာသမားများကို ပြောကြားခဲ့သည်။

အီရန် အစ္စလာမ့်သမ္မတနိုင်ငံမှာ အီရတ်နှင့် ဆီးရီးယားအစိုးရတို့၏ အကူအညီတောင်းခံမှုကြောင့် IS အကြမ်းဖက်အဖွဲ့ကို တိုက်ခိုက်ရန်အတွက် အစိုးရစစ်တပ်များကို အကူအညီပေးလျက်ရှိနေသည်။

ရူဟာနီကမူ ဒေသတွင်း IS အကြမ်းဖက်အဖွဲ့ တိုက်ဖျက်ရေးအတွက် မိမိတို့က နည်းလမ်း ၄ သွယ် ချမှတ်ထားပြီး IS အဖွဲ့ကို မြေပြင်မှ တိုက်ခိုက်ရေး၊ ငြိမ်းချမ်းရေး၊ အပစ်ရပ်ရေးနှင့် လူသားချင်းစာနာ ထောက်ထားမှုဆိုင်ရာ ထိရောက်သည့် အကူအညီ ပေးအပ်ရေး၊ နိုင်ငံများ အစိတ်စိတ်အမွှာမွှာ မဖြစ်ရေးနှင့် ပထ၀ီနယ်ခြားများကို ထိန်းသိမ်းရေး၊ ရွေးကောက်ပွဲများ ပြန်လည်ကျင်းပရေးနှင့် ပြည်သူ့အုပ်ချုပ်မှု ပြန်လည်ထူထောင်ရေးတို့ ဖြစ်သည်ဟု ဆိုသည်။

Ref : Presstv