တရုတ်တွင် အဆောက်အဦးများပြို၍ အနည်ဆုံး လူ ၈ ဦးသေဆုံး

အောက်တိုဘာ ၁၀၊ ၂၀၁၆
M-Media

– တရုတ်နိုင်ငံအရှေ့ပုိုင်းတွင် ယနေ့မနက်အစောပိုင်းက အဆောက်အဦး ပြိုကျမှုများ ဖြစ်ပွားခဲ့သောကြောင့် လူ ၈ ဦး သေဆုံးခဲ့ပြီး အပျက်အဆီးများကို ရှင်းလင်းနေဆဲဖြစ်ကာ သေဆုံးသူများ ထပ်တိုးလာနိုင်သည်ဟု သိရသည်။

ကျိကျန်းပြည်နယ် ၀မ်ကျိုးမြို့ရှိ အဆောက်အဦး ၄ ခု ပြိုကျခဲ့ခြင်းဖြစ်ပြီး ဒေသစံတော်ချိန် ယနေ့နေ့လည်အထိ ပျောက်ဆုံးနေသည့် စာရင်းအတိအကျကို မသိရှိရသေးပေ။

Xinhua သတင်းဌာနကမူ ကယ်ဆယ်ရေးသမားများက အပျက်အဆီးများအောက်တွင် ပိတ်မိနေသူ အရေအတွက်ကို စီစစ်နေဆဲဟု ဖော်ပြခဲ့သည်။ ကနဦးသတင်းများအရ အပျက်အဆီးများအောက် ပိတ်မိသူ ၂၀ ကျော်ရှိပြီး အဆောက်အဦးပြိုကျမှု အကြောင်းအရင်းကို စုံစမ်းစစ်ဆေးဆဲဟု ဆိုသည်။

လက်ရှိတွင် ရာနှင့်ချီသော စစ်သားများနှင့် ရဲတပ်ဖွဲ့ဝင်တို့က ကယ်ဆယ်ရေးလုပ်ငန်းများကို လုပ်ဆောင်နေသည်။ တရုတ်နိုင်ငံတွင် ဆောက်လုပ်ရေး အရည်အသွေး ညံ့ဖျင်းမှုကြောင့် အဆောက်အဦးများ ပြိုကျမှုမှာ ပြီးခဲ့သည့်နှစ်များအတွင်း အဖြစ်များခဲ့သည်။

မေလကအတွင်းကလည်း ကွေကျိုးပြည်နယ်တွင် မြေပြိုမှု၏ နောက်ဆက်တွဲအဖြစ် လူနေအဆောက်အဦးတစ်ခု ပြိုကျမှုကြောင့် လူ ၁၆ ဦး သေဆုံးခဲ့သည်။

Ref: Aljazeera