မြန်မာ့ငါးဖမ်းလုပ်ငန်းတွင် ကျွန်ပြုခံရမှု နိုင်ငံရပ်ခြားထက် ပိုမိုဆိုးဝါးနေ

အောက်တိုဘာ ၁၁၊ ၂၀၁၆
M-Media

– ထိုင်းငါးဖမ်းလုပ်ငန်းများက အင်ဒိုနီးရှားနိုင်ငံတွင် ကျွန်ပြုခိုင်းစေမှုမှ လွတ်မြောက်လာသည့် မြန်မာ ရေလုပ်သား ၄ ဦးမှာ မြန်မာ့ငါးဖမ်းလုပ်ငန်းတွင် ထပ်မံ၍ ကျွန်ပြုခိုင်းစေခံခဲ့ရသည်ဟု သိရသည်။

ကရင်ပြည်နယ်ရှိ မြ၀တီမြို့မှ ရေလုပ်သား ၄ ဦးဖြစ်ပြီး မွန်ပြည်နယ် အစင်ကျေးရွာတွင် သူငယ်ချင်းတစ်ဦးက အလုပ်ရှာပေးရာမှ ရွာသားတစ်ဦးပိုင်ဆိုင်သည့် ‘ခေတ်လူငယ်’ အမည်ရသော ငါးဖမ်းသင်္ဘောတစ်စီးတွင် အလုပ်ရခဲ့ကာ တစ်လလျှင် ကျပ်တစ်သိန်းရမည်ဟု သဘောတူခဲ့သည်။

သို့သော်လည်း ဘင်္ဂလားပယ်လယ်အော်တွင် တစ်လခန့် လုပ်ကိုင်ခဲ့ပြီးနောက် မိမိတို့မှာ ပိတ်မိနေကာ နောက်ထပ်တစ်ကြိမ် လူကုန်ကူးခံရသည်ကို သိရှိခဲ့ရကြောင်း ၎င်းတို့က ပြောကြားခဲ့သည်။

“အင်ဒိုနီးရှားမှာထက် မြန်မာငါးဖမ်းလုပ်ငန်းမှာ ကျွန်တော်တို့ဟာ ပိုဆိုးရွားတဲ့အခြေအနေကို ကြုံတွေ့ခဲ့ရပါတယ်။ ရေလုပ်သားတွေကို လှေမောင်းသူတွေက အမြဲလိုလိုရိုက်နှက်တယ်။ တစ်နေ့ကို ၁၉ နာရီလောက် အတင်းအဓမ္မ အလုပ်ခိုင်းတယ်။ တစ်လလုံး တစ်ကြိမ်တောင် ရေမချိုးရပါဘူး။ ကျွန်တော်တို့တိုင်းပြည်က ငါးဖမ်းလုပ်သားတွေရဲ့ အခြေအနေဟာ နိုင်ငံခြားကထက် ပိုပြီး ဆိုးရွားနေတယ်ဆိုတာ အစိုးရကို သိစေချင်ပါတယ်” ဟု အင်ဒိုနီးရှားတွင် ၅ နှစ်ကြာ ကျွန်ပြုခံခဲ့ရသူ ကိုလှိုင်မင်းက ပြောကြားခဲ့သည်။

အင်ဒိုနီးရှားတွင် ၈ နှစ်ကြာ ကျွန်ပြုခံခဲ့ရသည့် အခြား ငါးဖမ်းလုပ်သားတစ်ဦးဖြစ်သူ ကိုသန့်ဇင်ကလည်း ၎င်းမှာ စက်လှေမောင်းသူ၏လက်တွင် သေလုမြောပါး ရိုက်နှက်ခံရသည်ဟု ဆိုသည်။

“ခြေထောက်ဖက်ပြီး တောင်းပန်တာတောင်မှ တုတ်ကြိုးအောင်ရိုက်ပြီးမှ ရပ်ပါတယ်” ဟု ကိုသန့်ဇင်ကဆိုပြီး ၎င်း၏ ကင်းတာဝန်ကိုယူမည့် အခြားသူတစ်ဦး အချိန်မီ မနိုးသည့်အတွက်ကြောင့် ရိုက်နှက်ခံရခြင်းဖြစ်သည်ဟု ပြောကြားခဲ့သည်။

ကိုလှိုင်မင်းက ‘လူကုန်ကူးမှုတိုက်ဖျက်ရေး သြစတေးလျ-အာရှ အစီအစဉ်’ မှ မြန်မာနိုင်ငံဆိုင်ရာ ညှိနှိုင်းရေးမှူး ဒေါ်ဥမ္မာအိအိချောထံ သတင်းပေးပို့ခဲ့ပြီးနောက် အဆိုပါ ပြည်တွင်းကျွန်ပြုခံ ရေလုပ်သား ၄ ဦးကို လူကုန်ကူးမှုတိုက်ဖျက်ရေး တပ်ဖွဲ့ဝင်များက ကယ်တင်နိုင်ခဲ့ခြင်းဖြစ်သည်။

အဆိုပါ ရေလုပ်သားများကမူ မွန်ပြည်နယ်နှင့် တနင်္သာရီတိုင်းဒေသကြီးမှ ကမ်းလွန်ပင်လယ်ပြင်များတွင် ၎င်းတို့ကဲ့သို့ ကျွန်ပြုခံရေလုပ်သား ရာနှင့်ချီ ရှိနေပြီး၊ အများစုမှာ ပွဲစားများ၏ ရောင်းစားမှုကို ခံခဲ့ရကြောင်း၊ ၎င်းတို့မှာ လုပ်ခလစာမရဘဲ ရုပ်ပိုင်းဆိုင်ရာ ညှင်းပမ်းနှိပ်စက်မှုများကိုလည်း ခံနေရကြောင်း ပြောကြားခဲ့သည်။

Ref: bangkokpost