ပြည်ထောင်စု ၀န်ကြီးများ၊ ပြည်နယ်ဝန်ကြီးချုပ်နှင့် အဖွဲ့ နိုင်ငံရေး ပါတီများမှ ကိုယ်စားလှယ်များ၊ အစ္စလာမ် ဘာသာရေး အဖွဲ့များ သီးခြားစီတွေ့ဆုံ

စစ်တွေ အောက်တိုဘာ ၁၁

ပြည်ထောင်စုဝန်ကြီးများ၊ ပြည်နယ်ဝန်ကြီးချုပ်နှင့် အဖွဲ့သည် စစ်တွေမြို့ရှိ နိုင်ငံရေး ပါတီများမှ ကိုယ်စားလှယ်များနှင့် ယနေ့ ညနေ ၄ နာရီတွင် ရခိုင်ပြည်နယ် အစိုးရအဖွဲ့ရုံး၌ တွေ့ဆုံသည်။

တွေ့ဆုံပွဲတွင် ပြည်နယ်ဝန်ကြီးချုပ် ဦးညီပုက အောက်တိုဘာ ၉ ရက် ကဖြစ်ပွားခဲ့ သည့် ဖြစ်ရပ်နှင့် ပတ်သက်၍ ဥပဒေနှင့် အညီ ဆောင်ရွက်နေကြောင်း၊ တည်ငြိမ်အေး ချမ်းရေးအတွက် အလေးထား ဆောင်ရွက်နေကြောင်း၊ အမြန်ပြီး ပြတ်အောင် ဆောင်ရွက်သွား မည်ဖြစ်ကြောင်း ပြောကြားသည်။

ပြည်ထောင်စုဝန်ကြီးဒေါက်တာဖေမြင့်က ရခိုင်ပြည်နယ် အရေးသည် ပြည်ထောင်စု အရေးသာဖြစ်ကြောင်း၊ သေချာဖြေရှင်းနိုင်ခြင်းက နိုင်ငံပုံရိပ်ကောင်း အဖြစ်ခံယူကြောင်း ပြောကြားသည်။

ထို့နောက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ပြည်နယ်ဥက္ကဋ္ဌ ဒေါက်တာ စန်းရွှေ က ယခုလုပ်ရပ်ကို အကြမ်းဖက် လုပ်ရပ်အဖြစ် ရှုမြင်မှု၊ မိမိတို့ လုံခြုံရေးကို အဓိက ထား တိုက်ခိုက်ခြင်းဖြစ်သဖြင့် ပြည်သူများ စိုးရိမ်သောကဖြစ်နေမှု၊ ပါတီများအနေဖြင့် လက်တွဲဆောင်ရွက်လိုမှု၊ ယခုထက် ပိုမိုဆိုးရွားစွာ မဖြစ်စေရန် ရေရှည်စီမံဆောင်ရွက် ပေးစေလိုမှု တို့ကို ပြောကြားသည်။

ရခိုင်အမျိုးသားပါတီ ဗဟိုအလုပ်အမှုဆောင်အဖွဲ့ဝင် ဦးသာထွန်းလှက နယ်မြေ အတွင်း ခိုးဝင်သူများအား ခေတ်အဆက်ဆက်တွေ့ရမှု၊ ထို့ပြင် ခေတ်အဆက်ဆက် ပြဿနာ ဖန်တီးနေ မှုများ၊ အနောက်ဖက် နယ်စပ် လုံခြုံရေးကို ခြိမ်းခြောက်နေမှု၊ စီးပွားရေး၊ လူမှုရေးအဖက်ဖက်က လွှမ်းမိုးဆောင်ရွက်နေမှု၊ တိုင်းရင်းသား ကျေးရွာ များတွင် လုံခြုံရေးအပြည့်ထားပေးရန် လိုအပ်မှု၊ မိမိတို့ပါတီက ပူးပေါင်း ဆောင်ရွက်လိုမှု တို့ကို ပြောကြားသည်။

အမျိုးသားဒီမိုကရေစီအဖွဲ့ချုပ် ပြည်နယ် အလုပ်အမှုဆောင် ဦးအောင်ပန်းသာက ယခုကဲ့သို့ စခန်းသုံးခုကို တစ်ပြိုင်တည်း ၀င်ရောက်တိုက်ခိုက်မှုနှင့် ပတ်သက်၍ သေချာစဉ်းစားရန်လိုပါကြောင်း၊ နိုင်ငံသားစိစစ်ရေး ကိုသေချာ စိစစ်ဆောင်ရွက်ရန် လိုအပ်ပါ ကြောင်း ပြောကြားသည်။
ရခိုင်မျိုးချစ်ပါတီ ပြည်နယ်အထွေထွေ အတွင်းရေးမှူး ဦးမောင်သန်းက ပညာရေး၊ ကျန်းမာရေးဝန် ထမ်းများအတွက် မည်သို့ဆောင်ရွက်မည်နှင့် ဤဒေသရှိ ပြည်သူများကို စောင့်ရှောက်ပေးရန် လိုအပ်မှုတို့ကို ပြောကြားသည်။

တိုင်းရင်းသားစည်းလုံးညီညွတ်ရေးပါတီ ပြည်နယ်ကော်မတီဝင် ဦးစိန်လှမောင် က မောင်တော ကမ်းနားတလျှောက် လုံခြုံရေး ဆောင်ရွက်ရန်လိုအပ်မှု၊ ရပ်ကွက် ကျေးရွာ အုပ်ချုပ်ရေးအဖွဲ့က စီမံချက်ဖြင့် ဆောင်ရွက်ပေးစေလို ပါကြောင်း ပြောကြား သည်။

ပြည်ထောင်စုဝန်ကြီး ဦးသိန်းဆွေက အမျိုးသားရင်ကြားစေ့ရေးကို ဦးစားပေး ဆောင်ရွက်နေမှု၊ ဖြစ်စဉ်နှင့် ပတ်သက်၍ ပြည်သူကို အချိန်နှင့်တပြေးညီ ချပြ ဆောင်ရွက်ခဲ့ကြောင်း၊ မိမိတို့ အစိုးရအနေဖြင့် တာဝန်ယူမှု၊ တာဝန်ခံမှု အပြည့်ရှိ ကြောင်း ပြောကြားခဲ့သည်။

ထို့နောက် ပြည်ထောင်စုဝန်ကြီး ဒေါက်တာ ဖေမြင့်က အားလုံးပူးပေါင်း ဆောင်ရွက်မည်ကိုသိရ၍ ၀မ်းမြောက် မှု၊ နိုင်ငံရေးကိစ္စ၊ အမျိုးသားရေးကိစ္စအဖြစ် ခံယူမှု၊ ပြည်သူ၊ အစိုးရ ညီညွတ်စွာ ပူးပေါင်းရန် လိုအပ်မှု၊ လုံခြုံရေးကိစ္စများကို အားလုံး ပူးပေါင်းဆောင်ရွက်ရန်လိုအပ်မှုတို့ကို ပြောကြားခဲ့သည်။

ညပိုင်းတွင် ပြည်ထောင်စုဝန်ကြီးများ၊ ပြည်နယ်ဝန်ကြီးချုပ် နှင့် အဖွဲ့သည် စစ်တွေမြို့ပေါ်ရှိ ဒုက္ခသည်စခန်း များမှ တာဝန်ခံများ၊ ရပ်ကွက်ကျေးရွာများမှ အုပ်ချုပ် ရေးမှူးများ၊ အစ္စလာမ် ဘာသာရေးခေါင်းဆောင်များနှင့် ဒေသကွပ်ကဲမှု စစ်ဌာနချုပ် (စစ်တွေ) အစည်းအဝေးခန်းမ၌ တွေ့ဆုံသည်။
တွေ့ဆုံပွဲတွင် ပြည်နယ်ဝန်ကြီးချုပ်၊ ပြည်ထောင်စုဝန်ကြီးများ က အောက်တိုဘာ ၉ ရက် အကြမ်းဖက်မှု ဖြစ်စဉ်နှင့် ပတ်သက်၍ ရှင်းလင်းပြောကြား သည်။

ထို့နောက် တက်ရောက်လာသည့် အဖွဲ့များက မိမိတို့အနေဖြင့် ထုတ်ပြန်ထား သည့် ဥပဒေများကို လိုက်နာ ရန် အသင့်ရှိကြောင်း၊ ယခုဖြစ်ပွားခဲ့ သည့်ဖြစ်စဉ်များအပေါ် ကန့်ကွက်ရှုတ်ချကြောင်း၊ အားပေးမှုလည်း မရှိကြောင်း၊ အစိုးရကို ပုန်ကန်သည့် မည်သည့်အဖွဲ့အစည်းကို မဆို လက်မခံကြောင်း၊ အကြမ်းဖက် မှုတွင်ပါဝင်သူများ ကိုလည်း ဥပဒေအရ ထိထိရောက်ရောက် အရေးယူပေးစေလိုကြောင်း၊ ယခု အကြမ်းဖက် မှုများ မောင်တောတွင်ဖြစ်ပွားခဲ့သည်ကို သိရကြောင်း၊ ၂၀၁၂ ခုနှစ်က လည်း မောင်တောတွင် အကြမ်းဖက်မှု ဖြစ်ပွားခဲ့ ပြီး အဆိုပါဖြစ်စဉ်ကြောင့် စစ်တွေ၊ ကျောက်တော် ၊ မြောက်ဦး ရှိ ပြည်သူများ မြေစာပင် ဖြစ်ခဲ့ရကြောင်း ပြောကြားသည်။

MOI မှာ တဆင့် ကူးယူဖော်ပြပါသည်။