Facebook
အောက်တိုဘာ ၁၄၊ ၂၀၁၆
M-Media
– ပါလက်စတိုင်းပိုင် ဂျေရုစလင်ရှိ အလ်-အက်ဆွာ ဗလီဝတ်ကျောင်းတော်မှ မြင့်မြတ်ရာ နေရာများမှာ ပါလက်စတိုင်းနှင့်သာ သက်ဆိုင်ပြီး ထိုနေရာအား အစ္စရေးက ကျူးကျော်၊ ချယ်လှယ်နေမှုကို ရှုတ်ချသည့် ဆုံးဖြတ်ချက်ကို ကုလသမဂ္ဂက ထပ်မံ သက်တမ်းတိုးလိုက်သည်ဟု သိရသည်။
အဆိုပါ မြင့်မြတ်ရာနေရာကို ဂျူးများက Temple Mount နှင့် Western Wall ဟု ခေါ်ဆိုကြပြီး မွတ်စလင်များက အလ်-အက်ဆွာ ဗလီဝတ်ကျောင်းတော် သို့မဟုတ် ဟရမ် အလ်-ရရှရစ်ဖ်ဟု ခေါ်ဆိုကြသည်။ ခရစ်ယာန်ဘာသာဝင်များအတွက်လည်း ထိုနေရာမှာ အထွဋ်အမြတ်ထားရာ နေရာဖြစ်သည်။
ဆုံးဖြတ်ချက်၏ ပြင်ဆင်ချက်ကို အောက်တိုဘာ ၁၂ ရက်နေ့က ယူနက်စကို၏ ၀ဘ်ဆိုက်တွင် လွှင့်တင်ထားခြင်းဖြစ်ပြီး အလ်-အက်ဆွာဗလီဝတ်ကျောင်းတော်ရှိ မြင့်မြတ်ရာနေရာကို မွတ်စလင်အသုံးအနှုန်းဖြင့်သာ ဖော်ပြခဲ့သည်။
ထို့ပြင် ဆုံးဖြတ်ချက်၌ အစ္စရေးအနေဖြင့် မွတ်စလင်များအား အဆိုပါ မြင့်မြတ်ရာနေရာသို့ ၀င်ရောက်ခွင့် ကန့်သတ်ခြင်း၊ အစ္စရေး ရဲတပ်ဖွဲ့နှင့် စစ်သားများက ရန်စတိုက်ခိုက်ခြင်းများကိုလည်း ရှုတ်ချထားသည်။
“ဒါက အစ္စရေးအနေနဲ့ ကျူးကျော်သိမ်းပိုက်နေတာကို ရပ်တန့်ပြီး မွတ်စလင်တွေနဲ့ ခရစ်ယာန်တွေရဲ့ အထွဋ်အမြတ်ထားရာ ဂျေရုစလင်ကို မြို့တော်အဖြစ်သတ်မှတ်တဲ့ ပါလက်စတိုင်းနိုင်ငံကို အသိအမှတ်ပြုရမယ်ဆိုတဲ့ အရေးပါတဲ့ သတင်းစကားပါပဲ” ဟု ပါလက်စတိုင်းသမ္မတ မဟ်မူးဒ် အဘတ်စ်၏ ပြောရေးဆိုခွင့်ရှိသူ နဘီလ် အဘူ ရဒ်အိုင်နာက ပြောကြားခဲ့သည်။
အဆိုပါဆုံးဖြတ်ချက်ကို သက်တမ်းတိုးရန်အတွက် ယမန်နေ့က ယူနက်စကိုတွင် မဲခွဲခဲ့ခြင်းဖြစ်ပြီး ထောက်ခံမဲ ၂၄ မဲ၊ ကန့်ကွက်မဲ ၂ မဲဖြင့် အတည်ပြုခဲ့ခြင်းဖြစ်သည်။
အစ္စရေးဝန်ကြီးချုပ် နေတန်ယာဟုကမူ ယူနက်စကို၏ အဆိုပါ ဆုံးဖြတ်ချက်ကို ရှုတ်ချခဲ့ပြီး မြင့်မြတ်ရာနေရာများနှင့် ဂျူးလူမျိုးတို့၏ ဆက်စပ်မှုသမိုင်းကို ငြင်းပယ်ခြင်းဖြစ်သည်ဟု ပြောကြားခဲ့သည်။
“Temple Mount နဲ့ Western Wall ဟာ အစ္စရေးနဲ့ သက်ဆိုင်မှုမရှိဘူးလို့ ကြေငြာလိုက်တာဟာ တရုတ်နိုင်ငံက မဟာတံတိုင်းကြီးနဲ့ ဆက်စပ်မှုမရှိဘူး၊ အီဂျစ်ကလည်း ပိရမစ်တွေနဲ့ ဆက်စက်မှုမရှိဘူးလို့ ကြေငြာလိုက်သလို ဖြစ်နေပါတယ်”
အစ္စရေးမှာ ထိုမြင့်မြတ်ရာနေရာရှိသည့် ဂျေရုစလင်ကို ကျူးကျော်သိမ်းပိုက်ထားပြီး မြင့်မြတ်ရာနေရာအတွင်း ၀တ်ပြုဆုတောင်းကြသည့် ပါလက်စတိုင်းပြည်သူများကိုလည်း အကြမ်းဖက်ဖြိုးခွင်းမှုများ ပြုလုပ်သောကြောင့် ထိုဒေသတွင် တင်းမာမှုများ ရှိနေသည်။
Ref : cbc.ca
M-Media on Twitter
M-Media Tube
Comments