IS ကို အမြစ်ဖြုတ်မည့် နောက်ဆုံးစစ်ပွဲ အီရတ်က မကြာမီ စမည်

အောက်တိုဘာ ၁၅၊ ၂၀၁၆
M-Media

– အီရတ်နိုင်ငံ မြောက်ပိုင်းတွင် တူရကီတပ်များ ရှိနေသည့်အတွက် အီရတ်နှင့် တူရကီတို့အကြား တင်းမာမှုများ ရှိနေသော်လည်း IS အကြမ်းဖက်အုပ်စုလက်ထဲမှ မူဆိုးလ်မြို့ လွတ်မြောက်ရန်အတွက် နောက်ဆုံးထိုးစစ်ကို စတင်ရန် အသင့်ဖြစ်နေပြီ ဟု အီရတ်စစ်တပ်က ပြောကြားလိုက်သည်။

ယမန်နေ့က စစ်ဦးစီးအရာရှိချုပ် ဒုတိယဗိုလ်ချုပ်ကြီး အွသ်မန် အလ်-ဂါနီမီက မိမိတို့တပ်ဖွဲ့များမှာ နောက်ဆုံးထိုးစစ်အတွက် အသင့် နေရာယူပြင်ဆင်ထားပြီး ရှေ့ဆက် ဆောင်ရွက်ရန် စောင့်ဆိုင်းနေသည်ဟု ဆိုသည်။ သောကြာနေ့ အစောပိုင်းကလည်း ဗိုလ်ချုပ်ကြီးက ပြင်ဆင်ထားသည်မှာ ကြာပြီဖြစ်သည့် အဆိုပါ ထိုးစစ်အတွက် ညှိနှိုင်းဆောင်ရွက်ရန် လက်နက်ကိုင်တပ်ဖွဲ့များမှ တပ်မှူးများနှင့် တွေ့ဆုံခဲ့သည်။

လက်ရှိတွင် နိုင်ငံမြောက်ပိုင်းရှိ ကာ့ဒ်ဒေသမှ တပ်ဖွဲ့ဖြစ်တဲ့ Peshmerga အဖွဲ့ကိုလည်း အီရတ်စစ်တပ်၏ ပထမဆုံး အဖွဲ့ဝင်အဖြစ် လက်ခံထားပြီဖြစ်သည်။

IS အဖွဲ့မှာ မူဆိုးလ်မြို့ကို ၂၀၁၄ ခုနှစ်က သိမ်းပိုက်ထားခြင်ဖြစ်ပြီး ထောက်လှမ်းရေးသတင်းများအရ မြို့အတွင်း အတပ်ဖွဲ့ပေါင်း ၄၀၀၀ မှ ၅၀၀၀ ကြားရှိနေကျာအခြေအနေမှာ ပိုမို ရှုပ်ထွေးမည်ဟု ခန့်မှန်းထားသည်။

မူဆိုးလ်မြို့အရှေ့မြောက်ပိုင်းသို့ တူရကီမှာ ၎င်း၏ တပ်ဖွဲ့များကို ပြီးခဲ့သည့်နှစ်ကတည်းက ပို့ဆောင်ထားပြီး ထိုလုပ်ရပ်အား အီရတ်က ၎င်းတို့၏ အချုပ်အခြာကို ချိုးဖောက်မှုအဖြစ် ရှုမြင်နေသည်။ တူရကီနိုင်ငံပိုင်သတင်းဌာန Anadolu အေဂျင်စီကမူ မူဆိုးလ်မြို့သိမ်းတိုက်ပွဲတွင် တူရကီစစ်တပ်မှ လေ့ကျင့်ပေးထားသော တပ်ဖွဲ့ဝင်များ ပါဝင်မည်ဟု ဖော်ပြခဲ့ပြီး အီရတ်ကမူ ပါဝင်ခြင်းမပြုရန် သတိပေးထားသည်။

Ref : Presstv