Facebook
အောက်တိုဘာ ၁၆၊ ၂၀၁၆
M-Media
– အ၀လွန်သည့် မိခင်များက မွေးဖွားလာသည့် ကလေးငယ်များမှာ ကြီးပြင်းလာသည့်အခါ ဦးနှောက်ပျက်စီးခြင်း သို့မဟုတ် လေဖြတ်ရောဂါ၊ နှလုံးသွေးကြောကျဉ်းရောဂါနှင့် ပန်းနာရင်ကြပ်ရောဂါများ ဖြစ်ပေါ်နိုင်သည်ဟု လန်ဒန်တွင်ပြုလုပ်ခဲ့သည့် လေ့လာမှုတစ်ခုအရ သိရသည်။
တွေ့ရှိချက်ကို ဂါးဒီးယန်းသတင်းစာတွင် ဖော်ပြခဲ့ခြင်းဖြစ်ပြီး လေ့လာသူများကမူ အလွန်အမင်း အ၀လွန်ခြင်းက မိဘများ၊ ၎င်းတို့ ကလေးငယ်များ၏ ကျန်းမာရေးကိုပါ ဆိုးဆိုးဝါးဝါး ထိခိုက်စေနိုင်သည်ဟု သတိပေးခဲ့သည်။
Lancet Diabetes and Endocrinology တွင် ဖော်ပြခဲ့သည့် လေ့လာချက် လေးခုအရ မိခင်အ၀လွန်ခြင်းကြောင့် ကလေးအသေမွေးဖွားခြင်း၊ ကိုယ်ဝန်ဆောင်ချိန်တွင် သွေးဖိအားမြင့်တက်ခြင်း၊ ကလေးနှင့် မိခင်တွင် ဆီးချိုဖြစ်ခြင်း၊ မွေးဖွားရခက်ခြင်းတို့ ဖြစ်စေနိုင်သည်ဟုလည်း ဆိုသည်။
ကိုယ်ဝန်ဆောင်နိုင်သည့်အရွယ်၌ အမျိုးသမီးများ အ၀လွန်ခြင်းနှင့် ကျန်းမာရေးဆိုင်ရာ နောက်ဆက်တွဲအန္တရာယ်များသည် အလွန်ကြီးမားပြီး ကိုယ်ဝန်မဆောင်ခင်အချိန်၌ ပုံမှန်ကိုယ်အလေးချိန်ရှိရန် ချက်ခြင်းလုပ်ဆောင်သင့်ကြောင်း လေ့လာသူများက အကြံပြုခဲ့သည်။
ထို့ပြင် မိခင် အ၀လွန်ခြင်း၏ ရလဒ်ကြောင့် ၎င်းတို့၏ ရင်သွေးငယ်များမှာ လူမှုရေးဆိုင်ရာ စွမ်းရည်များ ယုတ်လျော့ခြင်း၊ စိတ်ရောဂါ သို့မဟုတ် အာရုံစူးစိုက်မှု ချို့ယွင်းသည့် စိတ်ကစဥ့်ကလျားဖြစ်မှု (ADHD) ရောဂါလည်း ဖြစ်စေနိုင်ပြီး အရွယ်ရောက်ချိန်တွင် ကင်ဆာဖြစ်နိုင်ချေကိုလည်း မြင့်မားစေသည်ဟု ဆိုသည်။
Ref : IINA
M-Media on Twitter
M-Media Tube
Comments