ဒီမိုကရေစီ တိုင်းပြည်တစ်ခု၏ ဘာသာရေး လွတ်လပ်ခွင့် သရုပ်သကန် သို့မဟုတ် ဗိုလ်လောင်း ဆာနာ ဟမ်ဇီ

အောက်တိုဘာ ၁၈၊ ၂၀၁၆
M-Media

– အမေရိကန်ပြည်ထောင်စုရှိ သက်တမ်းအရင့်ဆုံး ကာကွယ်ရေးတက္ကသိုလ်တွင် စစ်ယူနီဖောင်းနှင့်အတူ ဟီဂျဘ်ဝတ်ဆင် တက်ရောက်ခွင့်ရသည့် ပထမဆုံး အမျိုးသမီးဗိုလ်လောင်းဖြစ်သော်လည်း ဆာနာ ဟမ်ဇီက မိမိအနေဖြင့် ရှေ့ဆောင်ပုဂ္ဂိုလ်အဖြစ် မခံစားရဟု ဆိုသည်။

နော်ဝစ်ခ်ျကတ္ကသိုလ်၏ ဗားမောင့်စစ်ဖက်ဆိုင်ရာ ကောလိပ်မှ ဗိုလ်လောင်းရွေးချယ်ရေးတပ်ဖွဲ့တွင် ဗိုလ်လောင်းများ လိုက်နာရန်အတွက် ချမှတ်ထားသော စည်းမျဉ်းစည်းကမ်းများကို တစ်သွေမတိမ်းလိုက်နာရင်း သင်ကြားမှုများကို အသေးစိတ်မှတ်သားနိုင်ရန်သာ အာရုံစိုက်သည်ဟု သူမက ဖွင့်ဟခဲ့သည်။

အခြားသော ဗိုလ်လောင်းများနည်းသူ စစ်ချီမှု၊ ထမင်းမစားခင် တန်းစီမှု၊ အိမ်စက်ရန် အမိန်ပေးမှသာ အိပ်စက်မှု စသည့် စည်းကမ်းများကိုလည်း သူမက သင်ယူရသည်။ ရွေချယ်မှုအပြီး ဗိုလ်လောင်းတပ်ဖွဲ့၏ တရားဝင် ဗိုလ်လောင်းဖြစ်လာကာ တင်းကျပ်မှုများမှ လွတ်မြောက်လာသည့်အချိန်ကိုလည်း ဟမ်ဇီက လွမ်းဆွတ်နေသည်။

သို့သော်လည်း ဖလော်ရီဒါပြည်နယ် ဖို့ဒ် လောက်ဒါဒါလီ ဇာတိဖြစ်ဖြစ်သော အသက် ၁၈ နှစ်အရွယ် ဟမ်ဇီ၏ ဗိုလ်လောင်းဝတ်စုံမှာ အနည်းငယ် ထူးခြားနေသည်။ အခြားသော အမျိုးသမီးဗိုလ်လောင်းများကဲ့သို့မဟုတ်ဘဲ ဟမ်ဇီမှာ စစ်ဝတ်စုံနှင့်အတူ ဟီဂျဘ်ကိုလည်း ၀တ်ဆင်သည်။

သူမ၏ ဘ၀ရည်မှန်းချက်က မိဘများကဲ့သို့ စစ်တပ်နှင့် အစိုးရဌာနများတွင် ၀င်ရောက်ကာ တိုင်းပြည်တာဝန်ထမ်းဆောင်လိုခြင်းဖြစ်ပြီး၊ ထိုအိပ်မက်အကောင်အထည်ဖော်ရေး ကြိုးစားရာတွင် သူမ၏ ဘာသာတရားက သတ်မှတ်ထားသည့်
ပုံစံအတိုင်း ဘ၀ကို တည်ဆောက်ချင်သည်။ ထို့ကြောင့် ယခုနှစ်အစောပိုင်း စစ်တက္ကသိုလ်သို့ လျှောက်ထားရာတွင် ဟီဂျဘ်ခေါင်းဆောင်းပုဝါ ၀တ်ဆင်ခွင့်ပေးရန် ယူနီဖောင်းရေးရာဌာနကို မေတ္တာရပ်ခံခဲ့သည်။ နိုင်ငံ၏ စစ်တက္ကသိုလ် ၆ ခုမှ တစ်ခုဖြစ်သည့် နော်ဝစ်ခ်ျတက္ကသိုလ်ကလည်း သူမ၏ မေတ္တာရပ်ခံမှုကို သဘောတူခဲ့သည်။

“ဒီခွင့်ပြုမှုက ကမ္ဘာကြီးကို ဒါမှမဟုတ် အမေရိကန်ကို ပြောင်းလဲလိုက်တာလို့ ကျွန်မ မမြင်ပါဘူး။ အမေရိကန် ကျောင်းတစ်ကျောင်းက သူတို့ရဲ့ ကျောင်းသားကို ရေတပ်အရာရှိကောင်းတစ်ယောက်ဖြစ်အောင် လေ့ကျင်ပေးနေတဲ့ တစ်ချိန်တည်းပဲ သူ့ရဲ့ ဘာသာတရားကို လိုက်နာကျင့်သုံးခွင့် ပေးတယ်လို့ပဲ ရိုးရိုးလေး မြင်ပါတယ်” ဟု ဟမ်ဇီက ပြောကြားခဲ့သည်။

ဟမ်ဇီ၏ မျိုးရိုးက ပြည်သူ့ဝန်ထမ်းမျိုးရိုးဖြစ်သည်။ ဖခင်ဖြစ်သူ၏ အဘွားက အမေရိကန်လေတပ်တွင် အမှုထမ်းခဲ့ပြီး၊ အဖေဘက်မှ အဘိုး၊ အဘွား နှစ်ဦစလုံးကလည်း ပေါ်တိုရီကိုရှိ အမေရိကန်ရေတပ်တွင် တာဝန်ထမ်းဆောင်ခဲ့သည်။ ဖခင်က ဖလော်ရီဒါမှ ရဲအရာရှိတစ်ဦးဖြစ်သည်။

မိမိအနေဖြင့် ဟီဂျဘ်ဖြင့် အများပြည်သူများရှေ့တွင် သွားလာသည့်အခါ စူးစိုက်ကြည့်မှု၊ တီးတိုးပြောဆိုမှုကို ခံခဲ့ရသော်လည်း စစ်တက္ကသိုလ်တွင် ထိုအပြုအမူမျိုးမရှိဟု ဟမ်ဇီက ဖွင့်ဟခဲ့သည်။ နော်ဝစ်ခ်ျတက္ကသိုလ်လက်အောက်ရှိ ဗားမောင့် စစ်ဖက်ဆိုင်ရာကောလိပ်တွင် တက်ရောက်သည့် မွတ်စလင်များတွင် သူမက ပထမဆုံး မဟုတ်။ သူမ၏ ဘာသာတရားအပေါ် ရန်လိုမှုက တိုင်းပြည်တာဝန်ထမ်းဆောင်ချင်သည့် သူမ၏ အိပ်မက်ကို အဆီးအတား မဖြစ်စေခဲ့။

“ကျွန်မလုပ်နေတဲ့အရာက ဘယ်သူ့ကိုမှ အကျိုးမယုတ်စေဘူးဆိုတာ သိတဲ့အတွက် ကျွန်မ နည်းနည်းမှ မကြောက်ပါဘူး။ကျွန်မ လုပ်နေတာက တိုင်းပြည်ကို ကာကွယ်ဖို့ဖြစ်ပြီး၊ တိုင်းပြည်ကို ကာကွယ်ပေးတဲ့အဖွဲ့အစည်းနဲ့ ကျွန်မ ဆက်သွယ်ပါဝင်ခဲ့တာပါ” ဟု ဟမ်ဇီက ပြောကြားခဲ့သည်။

ချာလ်စတန်၊ တောင်ကယ်ရိုလိုင်းနားတို့ရှိ စစ်တက္ကသိုလ်များက ၎င်းတို့၏ ယူနီဖောင်းပေါ်လစီတွင် ပြောင်းလဲမှုပြုလုပ်ရန် ငြင်းဆိုထားချိန် တွင် နော်ဝစ်ခ်ျစစ်တက္ကသိုလ်က ဟီဂျဘ် ၀တ်ဆင်ခွင့်ပေးမှုမှာ   ဟိုးလေးတကျော်ကျော်ဖြစ်ခဲ့သည်။ ဂျူး
အမျိုးသားများကို ယူနီဖောင်းနှင့် အတူ သံပုရာခြမ်း ဦးထုပ် ဆောင်းခွင့်ပြုခဲ့သည့် အဆိုပါ တက္ကသိုလ်က ဟီဂျဘ်ဝတ်ဆင်ရန်အတွက်လည်း လွယ်လွယ်ကူကူပင် ခွင့်ပြုခဲ့သည်။

ဗားမောင့်ပြည်နယ်မြို့တော် မွန့်မီလီယာ၏တောင်ဘက် ၁၀ မိုင်အကွာ နော့သ်ဖီးလ်မြို့တွင်ရှိသည့် နော်ဝစ်ခ်ျတက္ကသိုလ်မှာ နိုင်ငံ၏ သက်တမ်းအရင့်ဆုံး စစ်တက္ကသိုလ်တစ်ခုလည်းဖြစ်သည်။ ပြီးခဲ့သည့် နွေဦးရာသီက အရန်စစ်သားလေ့ကျင့်ရေး သင်တန်း၏ နှစ် ၁၀၀ ပြည့်အခမ်းအနားကို ကျင်းပခဲ့သည်။

စစ်တက္ကသိုလ်တွင် ကျောင်းသားပေါင်း ၂၂၅၀ ရှိနေပြီး ထိုအထဲမှ ၃ ပုံ ၂ ပုံက ဗိုလ်လောင်းများဖြစ်ကြကာ ကျန်ကျောင်းသားများက စစ်ဖက်လေ့ကျင့်ရေးသင်တန်းတွင် မပါဝင်သည့် အရပ်သားကျောင်းသားများဖြစ်သည်။

အာဖဂန်နစ္စတန်မှ မွတ်စလင်အရပ်ဖက်ကျောင်းသား အလီ ရှာဟီဒီက ၎င်းအနေဖြင့် ဟမ်ဇီနှင့် ဆုံဖူးပြီး အနီးအနားရှိ ဗလီဝတ်ကျောင်းတော်တွင်လည်း သူမနှင့်အတူ ၀တ်ပြုဆုတောင်းဖူးသည်ဟု ဖွင့်ဟခဲ့သည်။ မည်သို့ပင်ဖြစ်စေ အလီက
ဟမ်ဇီမှာ သူမကိုယ်ကို သတိမထားမိသော်လည်း ခေါင်းဆောင်းတစ်ယောက်၏ အရည်အချင်းရှိသည်ဟု ယူဆနေသည်။

“အနာဂတ်မှာ သူမလို ကျောင်းသားတွေ ထပ်ရှိလာမယ်ဆိုတာနဲ့ တိုင်းပြည်အတွက် စစ်တပ်မှာ အမှုထမ်းချင်ပေမယ့် သူတို့ရဲ့ အသွင်အပြင်၊ ဟီဂျဘ်တွေကြောင့် စိုးရိမ်နေကြတဲ့ မွတ်စလင်ကျောင်းသားတွေအတွက် တွန်းအား ဖြစ်လာမယ်ဆိုတာ ကျွန်တော် အသေအချာ ပြောရဲပါတယ်”

Ref: Arabnews