တော်ဝင်မိသားစုကို စော်ကားသည့်အတွက် အမျိုးသမီးတစ်ဦးကို ထိုင်း တရားစွဲ

အောက်တိုဘာ ၁၇၊ ၂၀၁၆
M-Media

– ဘုရင်ကြီးဘူမိဘော နတ်ရွာစံမှုအတွက် ထိုင်း ပြည်သူတစ်ရပ်လုံးက ၀မ်းနည်းပူဆွေးနေချိန်တွင် အိမ်ရှေ့မင်းသားနှင့် နန်းတော်ကို ယာယီအုပ်ချုပ်သူတို့အား အသေရဖျက်ခဲ့သည့် အမျိုးသမီးတစ်ဦးကို ထိုင်းရဲတပ်ဖွဲ့က တရားစွဲဆိုလိုက်သည်ဟု သိရသည်။

ထိုင်းနိုင်ငံသည် တော်ဝင်မျိုးနွယ်နှင့်ပတ်သက်၍ ကမ္ဘာ့အပြင်းထန်ဆုံး ဥပဒေရှိသော နိုင်ငံတစ်နိုင်ငံဖြစ်ပြီး ဘုရင်၊ ဘုရင်မ၊ အိမ်ရှေ့စံများကို စော်ကားပြောဆိုလျှင် သို့မဟုတ် အသရေညှိုးနွမ်းစေလျှင် ထောင်ဒဏ် ၁၅ နှစ်အထိ ချမှတ်နိုင်သည်။

ထိုင်းအရှေ့တောင်ပိုင်း ကော့စမွီကျွန်းမှ အမည်ထုတ်ဖော်ပြောဆိုခြင်းမရှိသည့် အဆိုပါအမျိုးသမီးမှာ သောကြာနေ့က လူမှုကွန်ရက်ပေါ်၌ တောင်ဝင်အသိုင်းအ၀ိုင်းနှင့်ပတ်သက်၍ ဂုဏ်သိက္ခာကျဆင်းစေသည့် ရေးသားမှုတစ်ခု ပြုလုပ်ခဲ့သည်ဟု ရဲတပ်ဖွဲ့က ပြောကြားခဲ့သည်။

“သူမက နတ်ရွာစံသွားတဲ့ ဘုရင်ကြီးအကြောင်းကို ရေးသားတာမဟုတ်ပါဘူး၊ အရိုက်အရာဆက်ခံမယ့် မင်းသားနဲ့ ဘုရင်ကြီးကိုယ်စား ယာယီအုပ်ချုပ်သူတွေအကြောင်း ရေးသားခဲ့တာပါ” ဟု အိမ်ရှေ့ဟ မဟာ ၀ါဂျီရာလောင်ကွန်နှင့် ဘုရင့်ကိုယ်စား ထီးနန်းကို ယာယီစီမံခန့်ခွဲမည့် အသက် ၉၆ နှစ်အရွယ် ပရမ် တင်ဆူလာနွန်ဒါတို့ကို ရည်ညွှန်း၍ ပြောကြားခဲ့သည်။

ဝန်ကြီးချုပ်ဟောင်းဖြစ်ပြီး ဘုရင့်အကြံပေးအဖွဲ့ခေါင်းဆောင်လည်းဖြစ်သူ ပရမ်သည် ရိုးရာအစဉ်အလာအတိုင်း အိမ်ရှေ့မင်းသား ထီးနန်း မဆက်ခံမချင်း ယာယီ ထီးနန်းထိန်းသိမ်းသူအဖြစ် ဆောင်ရွက်မည်ဖြစ်သည်။

အဆိုပါ အမျိုးသမီးမှာ တော်ဝင်အသုိုင်းအ၀ိုင်းအား စော်ကားသည့် မှတ်ချက်ကို ဆိုရှယ်မီဒီယာတွင် ရေးသားခဲ့ပြီးနောက် ပြည်သူများက ဒေါသထွက်ကာ ရဲတပ်ဖွဲ့သုို့လာရောက်၍ ထိုအမျိုသမီးအား တရားစွဲဆိုရန် တောင်းဆိုခဲ့သည်။

လက်ရှိတွင် ထိုအမျိုးသမီးအား တရားစွဲဆိုထားပြီး၊ သူမမှာ ဘုရင်ကြီး၏ ရုပ်ပုံရှေ့တွင်လည်း ဦးချခစား၍ လူသိရှင်ကြား တောင်းပန်ခဲ့သည်ဟု ရဲတပ်ဖွဲ့က ဆိုသည်။

သက်တော် ၈၈ နှစ်အရွယ်ရှိ ဘုရင်ကြီး နတ်ရွာစံသွားပြီးနောက် ထိုကဲ့သို့ အဖြစ်အပျက်နှစ်ခု ဖြစ်ပွားခဲ့ပြီး နှစ်ခုစလုံးတွင် ပြည်သူများက အရေးယူရန် ပြင်းပြင်းထန်ထန် တောင်းဆိုခဲ့ခြင်းကြောင့် လူအုပ်ဖြင့် တိုက်ခိုက်မည့်အန္တရာယ်အတွက် စိုးရိမှုများလည်း မြင့်တက်ခဲ့သည်။

Ref : CNA