IS ကို လုံးဝရှင်းလင်းမည့် မူဆိုးလ်မြို့သိမ်းတိုက်ပွဲကို အီရတ်စတင်

အောက်တိုဘာ ၁၇၊ ၂၀၁၆
M-Media

– နိုင်ငံအတွင်းက IS အကြမ်းဖက်အဖွဲ့ ထိန်းချုပ်ထားရာ တစ်ခုတည်းသောမြို့ကို ပြန်လည် သိမ်းပိုက်နိုင်ရေးအတွက် အီရတ် အစိုးရတပ်တွေဟာ ထိုးစစ်ကြီးတစ်ခုကို ဒီနေ့မှာ စတင်လိုက်ပြီဖြစ်ပါတယ်။

မြို့တွင်းမှာ ပြည်သူလူထုက ၁.၅ သန်းလောက်ရှိနေပြီး ထင်ထားတာထက်များနိုင်တဲ့ IS အဖွဲ့သားတွေဟာ အီရတ်တပ်ဖွဲ့တွေရဲ့ ထိုးစစ်ကို တွန်းလှန်ဖို့အတွက် ပြည်သူတွေကို လူသားတံတိုင်းအဖြစ်လုပ်မယ့် စိုးရိမ်မှုတွေ ရှိနေတယ်လို့ ကု
လက ပြောထားပါတယ်။

နိုင်ငံရဲ့ ဒုတိယအကြီးဆုံးဖြစ်တဲ့ မူဆိုးလ်ကို IS တွေက ၂၀၁၄ ခုနှစ်မှာ သိမ်းပိုက်ခဲ့တာဖြစ်ပြီး အဲဒီနောက်ပိုင်းမှာ အီရတ်တပ်ဖွဲ့တွေက ထိုးစစ်တွေ ပြုလုပ်ခဲ့ပေမယ့် လက်ရှိအချိန်အထိ ဒီအဖွဲ့ဟာ မြို့ရဲ့ အဓိကကျတဲ့ နေရာတွေကို သိမ်းပု
ိက်ထားနိုင်ဆဲပါပဲ။

“အချိန်ကျလာပါပြီ။ ကြီးကျယ်တဲ့အောင်မြင်မှုကလည်း လက်တစ်ကမ်းအလိုမှာ ရှိနေပါတယ်” လို့ အီရတ်ဝန်ကြီးချုပ် ဟိုင်ဒါ အလ်-အာဘာဒီက ထိပ်တန်းတပ်မှူးတွေ ၀န်းရံပြီး ဒီနေ့မနက်အစောပိုင်းမှာ ရုပ်မြင်သံကြားကနေ ပြောကြားခဲ့ပါတယ်။

အီရတ်စစ်တပ်ဟာ မျိုးနွယ်စုလက်နက်ကိုင်တွေ၊ ပြည်သူ့စစ်တွေ၊ အမေရိကန်ဦးဆောင်တဲ့ မဟာမိတ်အဖွဲ့တွေရဲ့ လေကြောင်းပစ်ကူတွေနဲ့အတူ ၂၀၁၄၊ ၂၀၁၅ မှာ IS က သိမ်းပိုက်ခဲ့တဲ့ ဒေသတွေကို ပြီးခဲ့တဲ့လတွေအတွင်း ပြန်လည် သိမ်းယူနိုင်ခဲ့ပြီးတဲ့နောက် အခုလို ထိုးစစ်ကြီး ပေါ်ထွက်လာခဲ့တာ ဖြစ်ပါတယ်။

“သမိုင်းဝင် စစ်ဆင်ရေးမှာ ခင်ဗျားတို့နဲ့အတူ ရပ်တည်ရတဲ့အတွက် ကျွန်တော်တို့ ဂုဏ်ယူပါတယ်” လို့ IS ချေမှုန်းရေး ညွှန့်ပေါင်းအဖွဲ့က အမေရိကန်ကိုယ်စားလှယ် ဘရတ် မက်ဂါ့က ထိုးစစ် စတင်ခြင်းမှာပဲ Twitter စာမျက်နှာကနေ ပြော
ကားခဲ့ပါတယ်။

ထိုးစစ်အတွက် မြို့ရဲ့အရှေ့ပိုင်းမှာ တပ်ဖွဲ့တွေကို အဓိကထားပြင်ဆင်ထားတာပါ။ ဒါပေမယ့် ဒီတိုက်ပွဲဟာ ထင်သလောက် မလွယ်ဘူး၊ IS တွေဟာ ဆုတ်သွားနိုင်တယ်ဆိုတဲ့ ခန့်မှန်းချက်တွေလည်း ထွက်ပေါ်နေပါတယ်။

ကုလကတော့ ဒီတိုက်ပွဲအတွင်းမှာ လူ ၁ သန်းလောက် အိုးအိမ်စွန့်ခွာ ထွက်ပြေးရမယ်လို့ ခန့်မှန်းထားပြီး တိုင်းပြည်ရဲ့ မကောင်းလှတဲ့ လူသားချင်းစာနာထောက်ထားမှုဆိုင်ရာ အခြေအနေကို ပိုပြီး ဆိုးရွားသွားစေနိုင်တယ်လို့ ဆိုပါတယ်။

မူဆိုးလ်မြို့အပြင်မှာရှိနေတဲ့ Save the Children ကတော့ လူ ၆ သောင်းလောက်ကို နေရာထိုင်ခင်းပေးဖို့အတွက် ပြင်ဆင်ထားပါတယ်။

“တိုက်ပွဲကနေ ထွက်ပြေးတဲ့လမ်းကြောင်းဟာ မလုံခြုံပေမယ့်လည်း မိသားစု တော်တော်များများဟာ ရွေးစရာမရှိပါဘူး။ ဆက်နေရင် အပြန်အလှန်ပစ်ခတ်မှုတွေ၊ ဗုံးကြဲမှုတွေကြောင့် သေဆုံးမယ့်အန္တရာယ်၊ အစားသောက်နည်းနည်း၊ ဆေးဘက်ဆိုင်ရာ စောင့်ရှောက်မှု မရှိဘဲ လူသားချင်းစာနာထောက်ထားမှု အကူအညီနဲ့ဝေးရာမှာ ပိတ်မိမယ့် အန္တရာယ်တွေ ရှိနေပါတယ်” လို့ Save the Children ရဲ့ အီရတ်နိုင်ငံဆိုင်ရာ ဒုတိယ ညွှန်ကြားရေးမှူး အေရမ် ရှာကာရမ်က ပြောကြားခဲ့ပါတယ်။

နောက်ပြီး ထွက်ပြေးဖို့ကြိုးစားသူတွေဟာ ထောင်ချောက်တွေ၊ စနိုက်ပါတွေ၊ မြေမြှုပ်မိုင်းတွေရဲ့ အန္တရာယ်လည်း ရှိနေပြီး၊ အန္တရာယ်ကင်းတဲ့ လမ်းကြောင်းမျိုး မဖန်တီးပေးနိုင်ဘူးဆိုရင်တော့ အရပ်သားတွေ သွေးထွက်သံယို ပိုများနိုင်တယ်လို့လည်း သူက ထည့်သွင်း ပြောဆိုခဲ့ပါတယ်။

မနေ့မနက် အစောပိုင်းမှာ အီရတ်လေတပ်က ထိုးစစ်စတော့မယ်ဆိုတဲ့ သတိပေးစာရွက်တွေ မြို့ပေါ်မှာကြဲချခဲ့ပြီး ပြည်သူတွေ ဘေးအန္တရာယ်ကင်းစေမယ့် ညွှန်ကြားချက်တွေလည်း ဒီစာရွက်တွေမှာ ထည့်ရေးပေးထားတယ်လို့ စစ်တပ်က ဆိုပါတယ်။

လက်ရှိမှာ မူဆိုးလ်မြို့အရှေ့ဘက် ခါဇီဒေသ၊ မြို့မြောက်ဘက် မူဆိုးလ်ဆည်နဲ့ ဘာရှီကာ ဒေသတွေမှာ အီရတ်စစ်တပ်နဲ့ ကာ့ဒ်တပ်ဖွဲ့ Peshmerga တို့က ပူးပေါင်းနေရာယူထားပါတယ်။

ထိုးစစ်အတွက် အရန်စစ်သားတွေ၊ ဆွန်နီလူမျိုးစုတိုက်ခိုက်ရေးသမားတွေ၊ ရှီအာ ပြည်သူ့စစ်တွေအပါအ၀င် စုစုပေါင်း တပ်ဖွဲ့ဝင် ၂၅၀၀၀ ကျော် ပါဝင်မယ်မှာဖြစ်ပြီး စစ်မျက်နှာ ၅ ခု ဖွင့်သွားမယ်လို့ အီရတ်စစ်တပ်က ဗိုလ်မှူးချုပ် ဟိုင်ဒါ
ဖဒ်ဟီလ်က ပြောကြားခဲ့ပါတယ်။

ဒီစစ်ပွဲမှာ အီရတ်အစိုးရစစ်တပ်၊ ကာ့ဒ်တွေရဲ့Peshmerga တပ်ဖွဲ့၊ တူရကီကျောထောက်နောက်ခံမပြု စွန်နီ တိုက်ခိုက်ရေးသမား၊ Popular Mobilisation တပ်ဖွဲ့၊ အီရတ်အစိုးရက တရားဝင်အသိအမှတ်ပြုထားတဲ့ ရှီအာ ပြည်သူ့စစ်အဖွဲ့တွေ ပူးပေါင်း ပါဝင်ကြမှာပါ။

လွန်ခဲ့ ၂ နှစ်အတွင်မှာ အီရတ်စစ်တပ်ဟာ IS တွေလက်ထဲ ကျရောက်သွားတဲ့ အစိတ်အပိုင်းတော်တော်များများကို ပြန်လည်ရယူဖို့ ရုန်းကန်ခဲ့ရသလို မြို့တော် ဘဂ္ဂဒတ် လုံခြုံရေးအတွက်ပါ ရတက်မအေး ဖြစ်ခဲ့ပါတယ်။

IS နဲ့ အီရတ်တပ်ဖွဲ့တွေအကြား လက်ရှိအချိန်အထိ ဖြစ်ပွားနေတဲ့ စစ်ပွဲကြောင့် အီရတ်ပြည်သူ ၃ သန်းကျော်ဟာ အိုးအိမ်စွန့်ခွာ ထွက်ပြေးခဲ့ရပြီး လူပေါင်း ၁၀ သန်းကျော်လောက်က လူသားချင်းစာနာထောက်ထားမှုဆိုင်ရာ အကူအညီတွေကို လိုအပ်နေတယ်လို့ ကုလက ပြောကြားထားပြီး ဒါဟာ ကမ္ဘာ့အဆိုးဝါးဆုံး အကြပ်အတည်းလို့ ကင်ပွန်းတပ်ခဲ့ပါတယ်။

Ref: Aljazeera