ဟစ်တလာမွေးဖွားခဲ့သည့် နေအိမ်အား သြစတြီးယားအစိုးရ ဖြိုချမည်

အောက်တိုဘာ ၁၈၊ ၂၀၁၆
M-Media

– နာဇီလက်သစ်များ ဦးတိုက်ရာနေရာ ဖြစ်လာနိုင်မှုကို တားဆီးရန်အတွက် နာဇီခေါင်းဆောင် အဒေါ့ဖ်ဟစ်တလာမွေးဖွားခဲ့သော သြစတြီးယားမှ နေအိမ်ကို ဖြိုချမည်ဟု သိရသည်။

ထိုနေအိမ်အား ဖြိုချရမည်လား၊ သို့မဟုတ် အသုံးပြုသည့်ပုံစံကို ပြောင်းပစ်ရမည်လားဆိုသည်နှင့်ပတ်သက်၍ ငြင်းခုံမှုများမှာ အချိန်အတော်ကြာကတည်းက ဖြစ်ပွားနေခြင်းဖြစ်ပြီး၊ အိမ်ပိုင်ရှင်ကလည်း ရောင်းချရန် ငြင်းဆိုခဲ့သည်။

သို့သော်လည်း သြစတြီးယားပြည်ထဲရေးဝန်ကြီး ၀ုဖ်ဂန် ဆိုဘော့တ်ကာကမူ ကျွမ်းကျင်သူများပါဝင်သည့် ကော်မတီတစ်ရပ်က အဆိုပါနေအိမ်အား ဖြိုချရန် ဆုံးဖြတ်ခဲ့သည်ဟု ပြောကြားခဲ့သည်။ ထို့နောက် ထိုနေရာတွင် အဆောက်အဦးသစ်တစ်ခု ဆောက်လုပ်မည်ဖြစ်ပြီး အစိုးရ သို့မဟုတ် ပရဟိတလုပ်ငန်းအတွက် အသုံးပြုရန် အစီအစဉ် ရှိနေသည်။

၃ ထပ်ရှိနေသည့် အဆိုပါ နေအိမ်အတွက် ပိုင်ရှင် ဂါလင်ဒီ ပွမ်မာနှင့် အစိုးရတို့အကြား တရားရေးဆိုင်ရာ အငြင်းအခုံများ ဖြစ်ခဲ့ကြပြီး အဆောက်အဦးအား တစ်လွဲသုံးမည်ကို စိုးရိမ်သောကြောင့် အစိုးရက ၁၉၇၂ ခုနှစ်ကတည်းက ငှားရမ်းထားခြင်းဖြစ်သည်။

ပိုင်ရှင်ကမူ အဆိုပါအိမ်ကို ရောင်းချရန် ငြင်းဆိုသည်သာမကပဲ ပြင်ဆင်ခွင့်လည်း မပြုချေ။ ထိုအဆောက်အဦးကို ယခင်က မသန်စွမ်းသူများစင်တာအဖြစ် အသုံးပြုခဲ့သည်။

ပြည်ထဲရေးဝန်ကြီးဌာမှ ပြောရေးဆိုခွင့်ရှိသူ တစ်ဦးကမူ ထိုအဆောက်အဦးအား သိမ်းယူနိုင်မည့် ဥပဒေပြင်ဆင်ချက်တစ်ခုကို အခုနှစ်အစောပိုင်းက အတည်ပြုခဲ့သော်လည်း ဖြိုချဖျက်ဆီးရန်အတွက် လွှတ်တော်၏ သဘောတူညီချက် လိုသည်ဟု ပြောကြားခဲ့သည်။

အချို့သော ပြည်သူများကမူ ထိုအဆောက်အဦးကို ဒုက္ခသည်စင်တာအဖြစ်လည်းကောင်း၊ အချို့က သြစတြီးယား နာဇီလက်မှ လွတ်မြောက်သည့် အထိမ်းအမှတ်ပြတိုက်အဖြစ်လည်းကောင်း အသုံးပြုရန် အလိုရှိနေသောကြောင့် အစိုးရ၏ ထိုကဲ့သို့ ဖြိုချရန် ဆုံးဖြတ်ချက်အတွက် မနှစ်မြို့မှုများ ရှိလာနိုင်သည်။

Ref: BBC