အစ္စလာမ်ကို ကိုယ့်ဆန္ဒနဲ့ကိုယ် လေ့လာသင်ယူနေတယ်လို့ ဖွင့်ဟလာတဲ့ လဲင်ဇီလိုဟန်

အောက်တိုဘာ ၁၉၊ ၂၀၁၆
M-Media

– ဧပြီလတုန်းက နာမည်ကျော် ဟောလီးဝုဒ်မင်းသမီး လဲင်ဇီလိုဟန် တစ်ယောက် အစ္စလာမ်ကို ပြောင်းလဲ သက်ဝင်တော့မယ်ဆိုတဲ့ သတင်းတွေ ထွက်ခဲ့ဖူးပါတယ်။

ပြီးခဲ့တဲ့နှစ်ကလည်း နယူးယောက်မြို့တစ်နေရာမှာ ကုရ်အာန်တစ်အုပ်ကိုင်ကာ လမ်းလျှောက်နေတဲ့ဓာတ်ပုံ ထွက်လာလို့ အုပ်အော်သောင်းနင်း ဖြစ်ခဲ့ပါသေးတယ်။ အဲဒီအချိန်တုန်းကတော့ မင်းသမီးဟာ အာရပ်ယဉ်ကျေးမှုကို စိတ်ဝင်တစား လေ့လာနေတာ ဖြစ်တယ်လို့ သူ့ရဲ့ ပြောရေးဆိုခွင့်ရှိသူက ရှင်းပြခဲ့ပါတယ်။

ဒါပေမယ့် အခုအချိန်မှတော့ ဒီကိစ္စတွေနဲ့ပတ်သက်ပြီး လင်ဆေးလိုဟန် ကိုယ်တိုင်က ဖွင့်ပြောပြလာပါပြီ။ တူရကီ တီဗီရဲ့ Haber Turk အစီအစဉ်မှာ အသက် ၃၀ အရွယ် မင်သမီးက ကုရ်အာန်ကို ကိုင်ပြီး လမ်းလျှောက်တဲ့ပုံ ပေါ်ထွက်လာပြီးနောက်ပိုင်း အမေရိကန်မှာ ပြင်းထန်တဲ့ တုန့်ပြန်မှုတွေ ရခဲ့တယ်လို့ ဆိုပါတယ်။

“လန်ဒန်မှာ ကျွန်မရဲ့ သိပ်ချစ်ရတဲ့၊ ကျွန်မကို တော်တော်လေး ဖေးမပေးခဲ့တဲ့ သူငယ်ချင်းတွေက ဆော်ဒီတွေပါ။ သူတို့ ကျွန်မကို ကုရ်အာန်တစ်အုပ်ပေးတယ်။ အဲဒါကို လေ့လာနေတာကြောင့် နယူးယောက်ကို ကျွန်မ ယူလာတယ်။ နာမ်ပိုင်းဆိုင်ရာ အတွေ့အကြံတစ်ခုရဖို့၊ ဘ၀ရဲ့ စစ်မှန်တဲ့အဓိပ္ပါယ်ကို ရှာဖွေဖို့ ကျွန်မ နှလုံးသားကို ဖွင့်ထားပါတယ်။ ကျွန်မက ဒီလိုလူမျိုးပါ” လို့ လဲင်ဇီလိုဟန် က ပြောကြားခဲ့ပါတယ်။

နယူးယောက်က ဒီဓာတ်ပုံ ထွက်ပေါ်လာပြီးတဲ့နောက်ပိုင်းမှာ အဖျက်သဘောမြင်တဲ့၊ အမြင်သေးသိမ်တဲ့ အမေရိကန်တစ်ချို့ရဲ့ တုန့်ပြန်မှုကိုလည်း သူမက ဒီလို ဖွင့်ဟခဲ့ပါတယ်။
“အမေရိကန်မှာ သူတို့ ကျွန်မကို ၀ိုင်းပြီး ပြောကြတော့တာပဲ။ ကျွန်မကို စာတန်နတ်ဆိုးတစ်ယောက် ဖြစ်အောင်တောင် သူတို့ ပုံဖော်လိုက်ကြတယ်။ ကုရ်အာန်ကို ကိုင်လိုက်တာနဲ့ ကျွန်မ လူဆိုးဖြစ်သွားတာပေါ့လေ။ အဲဒီနောက်ပိုင်း ကျွန်မ (အမေရိကန်မှာ) မနေချင်တော့ဘဲ လန်ဒန်ပြန်သွားခဲ့ပါတယ်။ ကျွန်မတိုင်းပြည်မှာ လုံခြုံတယ်လို့ မခံစားရဘူးလေ။ (အစ္စလာမ်က) ကျွန်မ လေ့လာသင်ယူချင်တဲ့ ဘာသာတစ်ခုပါ။ ဒါက ကျွန်မရဲ့ ကိုယ်ပိုင် စိတ်ဆန္ဒပါပဲ”

နောက်ပြီး သူအနေနဲ့တောင် ဒီလို ခံစားရရင် အမေရိကန်မွတ်စလင်တွေ ဘယ်လို ခံစားရမလဲဆိုတာကိုလည်း သူမက ထောက်ပြခဲ့ပါတယ်။

“တစ်ချိန်လုံး ဒီလိုအခြေအနေမျိုး လူဘယ်လောက်များများ ကြုံတွေ့နေရမလဲဆိုတာ ကျွန်မ စဉ်းစားလို့ကို မရပါဘူး။ ဒီလို အတွေ့အကြုံမျိုးက ကျွန်မကို တစ်စိမ်းတစ်ယောက်လို ခံစားရစေပါတယ်”

ဒါပေမယ့် လဲင်ဇီလိုဟန် ရဲ့ အစ္စလာမ်ကို ပြောင်းလဲသက်ဝင်တော့မယ်ဆိုတဲ့ သတင်းဟာ အနှုတ်လက္ခဏာဆောင်တဲ့ တုန့်ပြန်မှုမျိုးတွေပဲ ရခဲ့တာ မဟုတ်ပါဘူး။ တစ်ချို့ ဆိုရှယ်မီဒီယာ အသုံးပြုသူတွေရဲ့ အားပေထောက်ခံမှုတွေလည်း ရှိခဲ့ပါတယ်။

လဲင်ဇီလိုဟန် ဟာ ပြီးခဲ့တဲ့ သီတင်းပတ်တွေအတွင်းမှာလည်း ဆီးရီးယားနဲ့ တူရကီတို့က ဆီးရီးယားဒုက္ခသည်စခန်းတွေကို သွားရောက်ကူညီခဲ့သလို သူတို့ရဲ့ ဒုက္ခသုက္ခတွေကို ထပ်ဆင့် ဖွင့်ဟခဲ့ပါသေးတယ်။

ဧပြီလက The Sun သတင်းစာနဲ့ အင်တာဗျူးမှာတော့ လိုဟန်က အစ္စလာမ်ဟာ သူမရဲ့စိတ်ကို ငြိမ်းချမ်းစေတယ်လို့ ပြောကြားခဲ့ပြီး ဆိုရှယ်မီဒီယာပို့စ်တွေမှာလည်း အစ္စလာမ်နဲ့ပတ်သက်တဲ့ အကြောင်းအရာတွေကို မကြာခဏ ရေးတင်လေ့ ရှိပါတယ်။

အမေရိကန် အနုပညာရှင်တွေ၊ အားကစားသမားတွေ အစ္စလာမ်သာသနာကို ပြောင်းလဲသက်ဝင်တာဟာ အရင်တုန်းကလည်း ရှိခဲ့ပြီး လက်ဝှေ့ကျော် မိုဟာမက်အလီနဲ့ မိုက်တိုင်ဆန်၊ အဆိုတော် အေကွန်တို့ကတော့ ထင်ရှားပါတယ်။

မင်းသမီး လဲင်ဇီလိုဟန် တစ်ယောက် အနာဂတ်မှာ အစ္စလာမ်ရဲ့ အေးရိပ်ဆာယာအောက် ရောက်ရှိလာမလား ဆိုတာကိုတော့ စောင့်ကြည့်ကြမှာ ဖြစ်ပါတယ်။

Ref: emirateswoman