ရုရှားလက်ချက်ဖြစ်နိုင်သည့် တိုက်ခိုက်မှုကြောင့် ဆီးရီးယားတွင် ကျောင်းသားများ သေဆုံး

အောက်တိုဘာ ၂၇၊ ၂၀၁၆
M-Media

– ဆီးရီးယားနိုင်ငံ အနောက်မြောက်ပိုင်း အစ်ဒ်လစ်ဘ် ပြည်နယ်တွင် ရုရှားက ပြုလုပ်သည်ဟု ယုံကြည်ရသည့် လေကြောင်းတိုက်ခိုက်မှုကြောင့် စာသင်ကျောင်းတစ်ခု ထိမှန်ခဲ့ပြီး ကျောင်းသားများအပါဝင် အနည်းဆုံး လူ ၂၆ ဦး သေဆုံးခဲ့သည်ဟု သိရသည်။

ယူကေအခြစိုက် ဆီးရီးယားအရေး စောင့်ကြည့်အဖွဲ့ကမူ တိုက်ခိုက်မှုမှာ ဟက်စ်ဆိုသည့်ရွာနှင့် ပတ်ဝန်းကျင်ကို ယမန်နေ့မနက် ၁၁ နာရီခွဲခန့်က ပစ်မှတ်ထားခဲ့ခြင်းဖြစ်သည်ဟု ပြောကြားခဲ့သည်။

“သေဆုံးသွားတဲ့ကလေးတွေဟာ ကျောင်းသားတွေပါ။ တိုက်ခိုက်တဲ့လေယာဉ်တွေကတော့ ရုရှားလေယာဉ်တွေဖြစ်မယ်လို့ ယုံကြည်ရပါတယ်” ဟု စောင့်ကြည့်အဖွဲ့၏ အကြီးအကဲ ဖြစ်သူ ရာမီ အဘ်ဒဲလ် ရဟ်မန်က ပြောကြားခဲ့သည်။

အမည်မဖော်လိုသူ တက်ကြွလှုပ်ရှားသူ တစ်ဦးကလည်း “လေကြောင်းတိုက်ခိုက်မှုတွေကြောင့် ကျောင်းအာဏာပိုင်တွေက အတန်းရပ်နားပြီး ကျောင်းသားတွေ အိမ်ပြန်ဖို့လုပ်နေတဲ့အချိန်မှာ ဒုံးကျည်တစ်စင်းက ကျောင်းဝင်ပေါက်ကို ထိမှန်ခဲ့တာဖြစ်ပါတယ်” ဟု ဆိုသည်။

တိုက်ခိုက်မှုအတွင်း ထိခိုက်ဒဏ်ရာရသူအချို့မှာ အခြေအနေဆိုးရွားသည့်အတွက် သေဆုံးမှု မြင့်တက်လာနိုင်သည်ဟု စိုးရိမ်မှုများလည်း ရှိနေသည်။

အစ်ဒလစ်ဘ်ပြည်နယ်မှာ သူပုန်ညွန့်ပေါင်းအဖွဲ့များ ထိန်းချုပ်ထားသည့် ဒေသဖြစ်ပြီး ဆီးရီးယား နိုင်ငံပိုင်တီဗီကမူ ဟက်စ်ရွာရှိ ပစ်မှတ်များကို တိုက်ခိုက်ရာတွင် လက်နက်ကိုင်များ သေဆုံးခဲ့သည်ဟု ဖော်ပြခဲ့သည်။

Ref : Aljazeera