ရခိုင်ပြည်နယ် စုံစမ်းစစ်ဆေးရေး အဖွဲ့ဝင် ဒေါက်တာ ဇာဂနာနှင့် တွေ့ဆုံခြင်း

အောက်တိုဘာ၊ ၁၂ ၊ ၂၀၁၂

Source: THE MODERN WEEKLY -NO.328

ဒီအေ၀ိုင်

ကျွန်တော်တို့တိုင်းပြည်မှာလူမှုဆက်ဆံရေးသဟဇာတ (social harmony) ဖြစ်ဖို့အတွက် အားလုံးမှာ ကျင့်ဝတ်ရှိရမယ်။ အခုလို လူမှုဆက်ဆံရေး သဟဇာတမဖြစ်တာကြောင့် ပြည်တွင်းမှာ ပဋ္ဋိပက္ခတွေဖြစ်နေရတာပါ။ ကျင့်ဝတ်တွေထဲမှာမှယဉ်ကျေးမှုကျင့်ဝတ်ရှိဖို့က အရေးကြီးဆုံးဖြစ်ပြီး လူကိုလူလို့မြင်ဖို့လိုပြီး တခြားဘာသာနဲ့ ဓလေ့ထုံးတမ်းအစဉ်အလာကို မစော်ကားရဘူးဆိုတာနဲ့ ပတ်သက်လို့ ရခိုင်ပြည်နယ်စုံစမ်းစစ်ဆေးရေးကော်မရှင်အဖွဲ့ဝင် ဦးဇာဂနာကို မေးမြန်းပါတယ်။ တချို့ကိုကောက်နှတ်ဖော်ပြပါတယ်။

ယဉ်ကျေးမှု့ ကျင့်ဝတ်ရှိဖို့က အရေးအကြီးဆုံးဖြစ်ပါတယ်။ (ဒေါက်တာ ဇာဂနာ)

မော်။ ။ဦးတို့ကော်မရှင်အနေနဲ့ ရခိုင်အရေးနဲ့ပတ်သက်ပြီး ဘာတွေဆောင်ရွက်နေပါသလဲ။
ဖြေ။ ။ နိုင်ငံတကာက တချို့သတင်းတွေနဲ့ပတ်သက်ပြီးမဟုတ်မမှန် လျှောက်ပြောတာတွေရှိတယ်။ မဟုတ်တာတွေပြောတယ်လို့ စွပ်စွဲချင်တာတော့ မဟုတ်ဘူး။ သတင်အမှားတွေ ဖြစ်လာတဲ့အခါ အဲ့ဒီသတင်း အမှားတွေကို ပြန်ဖြေရှင်းနှိင်ဖို့အတွက် ပြန်ကြားရေးအဖွဲ့ မှာပါတဲ့ ဆရာဦးဝံသရယ်ဦးကိုကိုကြီးရယ်၊ ကျွန်တော်ရယ်ပြန်ဖြေနေပါတယ်။ အဓိကတော့ နိုင်ငံခြားက တချို့တွေက မဟုတ်မမှန်လုပ်တယ်လေ။ ကျွန်တော့်အနေနဲ့က ဘယ်ဘက်ကမှ လိုက်ပြီးရှင်းတာမဟုတ်ပေမဲ့ ရပ်တည်ချက်အရငြိမ်းငြိမ်းချမ်းချမ်းပဲ ဖြေရှင်းစေချင်တယ်။ ကြမ်းကြမ်းတမ်းတမ်း မဖြေရှင်းစေချင်ဘူး။

မော်။ ။ ဒီမိုကရေစီသွားနေတဲ့ လမ်းကြောင်းမှာ အဓိကရုဏ်းတြွေုဖစ်အောင် လှုံဆော်နေတဲ့သူတွေကို ဦးအနေနဲ့ဘာတွေ ပြောပြချင်ပါသလဲ။
ဖြေ။ ။ ဆိုရှယ်ဟာမိုနီဖြစ်ဖို့အတွက် ကျင့်ဝတ်တွေက ခြောက်ခုရှိတယ်ပေါ့။ ကျွန်တော့် အမြင်ပါ။ တခြားလူတွေကိုတော့ မပြောဘူး။ အခုလို social harmony မဖြစ်လို့ ကချင်ပြည်နယ်မှာကော၊ ရခိုင်ပြည်နယ်မှာကော ပဋ္ဋိပက္ခတွေ ဖြစ်နေရတာပေါ့။ သူများဘာသာကိုလည်း မစော်ကားရဘူး။ သူများဓလေ့ထုံးတမ်း အစဉ်အလာကိုလည်း မစော်ကားရဘူး။ ယဉ်ကျေးမှု၊ ကိုးကွယ်ရာကိုလည်းမစော်ကားရဘူ။ အခုလိုဖြစ်အောင်သွေးထိုးမြှောက်ပင့်လုပ်နေတဲ့ သူတွေကလည်း culture ethic ကိုချိုးဖောက်တာပဲ။ သည်လို လုပ်နေတယ်ဆိုရင် ကျွန်တော်တို့ ပြဿနာကဖြေရှင်းလို့ရမှာ မဟုတ်ဘူး။ ကြီးလာဖို့ပဲ ရှိတော့တယ်။ မဖြေရှင်းနှိင်ရင် ရခိုင်နယ်ကြီးတစ်ခုလုံးဟာ တစ်ချိန်လုံးစစ်အုပ်ချုပ်ရေး လက်အောက်မှာပဲ နေနေရတော့မှာ။သည်အတွက် နစ်နာစရာရှိရင် ရခိုင်တိုင်းရင်းသားတွေ နစ်နာသလို အဲသည်ဒေသမှာရှိနေတဲ့ အစ္စလာမ်ဘာသာ ကိုးကွယ်တဲ့ လူမျိုးတွေလည်း နစ်နာမယ်။ ဘာကြောင့်လည်းဆိုတော့ ဟိုဘက်မှာ ဗုဒ္ဓဘာသာကျောင်းတွေ ဖျက်ဆီးခံရတယ်ဆိုရင် ဗုဒ္ဓဘာသာကိုးကွယ်တဲ့ စစ်သားတွေကကော သည်ခံမှာလား။

ပိုပြီးဖိနှိပ်တော့မှာပေါ့။ ဒါနဲ့ပဲပြဿနာက ပြီးတော့မှာ မဟုတ်ဘူးလေ။ ငြိမ်းချမ်းစွာအတူ ယှဉ်တွဲနေထိုင်လို့ရအောင် အခြေအနေတွေကို ဖန်တီးနေလို့ စစ်တွေမှာ အခြေအနေလေး ကောင်းခါစရှိသေး ပြဿနာတစ်ရပ်ဖြစ်အောင် ထပ်ထပ်ဖန်တီးကြတယ်။ ပြဿနာမဟုတ်ဘဲ ပြဿနာလုပ်တာဆိုတော့ တစ်ဖက်နိုင်ငံကလည်း အခုလို လုပ်ကြမယ်ဆိုရင် နိုင်ငံအချင်းချင်း၊ ဘာသာအချင်းချင်းဆိုတဲ့ ကျင့်ဝတ်ကို ချိုးဖောက်တာ။ ယဉ်ကျေးမှု ကျင့်ဝတ်ကို ချိုးဖောက်တယ်ဆိုရင် ကျွန်တော်ပြောတဲ့ လူမှုဆက်ဆံရေးက သဟဇာတဖြစ်ဖို့အတွက် social harmony ကရမှာမဟုတ်ဘူး။ social harmony မရသမျှ ရခိုင်ပြည်နယ်ငြိမ်းချမ်းမှုဆိုတာ ကတည်ဆောက်လို့မရ။ ပြေလည်အောင်ဖြေရှင်းပေးနေတာကို နားမ၀င်ဘူးဆိုရင် ကိုယ့်ဒုက္ခကိုယ်ရှာသလို ဖြစ်လိမ့်မယ်။ ဒါကျွန်တော်ကော်မရှင် အဖွဲ့ဝင် တစ်ယောက်အနေနဲ့မဟုတ်ဘဲ အလွတ်ပြောပြတာပါ။ အဲသည်မှာ ရခိုင်လူမျိုးတွေမှာလည်း ဝေဒနာအများကြီးရှိပါတယ်။ ဥပဒေအတိုင်း ဥပဒေချိုးဖောက်ကျူးလွန်တဲ့သူကို အရေးယူဖို့က နံပါတ်တစ် ဥပဒေက အကာအကွယ်ပေးရမယ်။

အခုလိုမဟုတ်ဘဲ ဥပဒေနဲ့အကာအကွယ်မပေး ဘဲနဲ့ ဘာအပြစ်မှမရှိတဲ့ လူတွေဒုက္ခရောက်နေတာကို ကျွန်တော်တို့အနေနဲ့ လိုက်ပိုက်ကြည့်လို့ မသင့်တော် ပါဘူး။ ဖြစ်စေချင်တာက ကချင်မှာစစ်ဖြစ်တယ်။ ကေအိုင်အေနဲ့ မြန်မာစစ်တပ်ဖြစ်တယ် ခံရတာကပြည်သူတွေ ကျွန်တော်တို့ အဲ့သည့်ပြည်သူတွေရဲ့မျက်နှာကိုကြည့်ရမယ်။ မတရားအမှုကျူးလွန်သူတွေကို ဥပဒေအတိုင်း အရေးယူဖို့လုပ်နေတယ်။ ထိုက်သင့်တဲ့ ပြစ်ဒဏ်အရ အရေးယူမယ်။ အပြစ်လုပ်တဲ့သူကို ခြေရာခံမိပေမယ့် သူတို့က ပြေးနေတယ်။ ပြည်နယ်ထဲမှလဲ မဟုတ်ဘူးဆိုတော့ ဘယ်လိုလုပ်ကြမလဲ။ ကျွန်တော်တို့လည်း သူတို့ကိုအကြိမ်ကြိမ် အဖန်ဖန် မေတ္တာရပ်ခံတယ်။ ခင်ဗျားတို့ကိုသိနေပြီ မလုပ်ကြနဲ့ဆိုပြီးတောင်းပန်ပါတယ်။ တိုင်းပြည်ငြိမ်းချမ်းရေးအတွက်ပါ။ ဒီမိုကရေစီလမ်းကြောင်းအပေါ်ကို သွားနေတဲ့အချိန်မှာ ရခိုင်ပြည်နယ်ကြီး ငြိမ်းချမ်းသွားရင် ကချင်ပြည်နယ်ငြိမ်းချမ်းရေးကို ကြိုးစားလို့ရမယ်။ တပြိုင်နက်တည်းတော့ မလုပ်နိုင်ပါဘူး။ အတတ်နိုင်ဆုံးကြိုးစားနေတဲ့ကာလမှာ ပြဿနာတွေမဖြစ်စေချင်ဘူး။ တချို့ကိုယ်တိုင်လည်းမတွေ့ဘဲ ပြောတဲ့ လူတွေရှိတယ်။ ဖေ့စ်ဘုတ်ခ်လိုနေရာမှာတော့ မဖြေရှင်းချင်တော့ပါဘူး။

မော်။ ။ ဆိုရှယ်မီဒီယာတစ်ခုဖြစ်တဲ့ ဖေ့စ်ဘုတ်ခ်ကစပြီး ပဋိပက္ခဖြစ်သွားတယ်ဆိုပြီး သိထားရပါတယ်။ နိုင်ငံ တကာကလည်း သည်ဆိုရှယ်မီဒီယာကို သုံးနေကြတယ်ဆိုတော့ သည်ကနေ တစ်ဆင့်ဝါဒဖြန့်တဲ့သူတွေနဲ့ ပတ်သက်ပြီး ကော်မရှင်အနေနဲ့ ဘယ်လိုဖြေရှင်းဖို့ စီစဉ်ထားပါသလဲ။
ဖြေ။ ။ တကယ့်ဖြစ်ရပ်အမှန်ကို ကော်မရှင်ရဲ့ ဖေ့စ်ဘုတ်ခ်မှာ ဆက်တိုက်တင်ပေးနေပါတယ်။ ဒါပေမယ့် ကျွန်တော်တို့ဘက်မှာလဲ အားနည်းချက်ရှိပါတယ်။ ဆယ်မိနစ်တစ်ခါ ဆယ့်ငါးမိနစ် တစ်ခါ သတင်းတောက် လျှောက်တင်ဖို့ ဆုံးဖြတ်ခဲ့ပေမယ့် အခုကိုထိုင်လုပ်နေတဲ့သူတွေကြောင့် လျှောက်တင်ဖို့ ဆုံးဖြတ်ခဲ့ပေမယ့် အခုကိုထိုင်လုပ်နေတဲ့သူတွေကြောင့် နှောင့်နှေးနေရတာလည်းရှိတယ်။ ဒါ့အပြင် အင်တာနက်မရှိတဲ့နေရာမှာ ဘာလို့ဒီကောင်မလေး ပုံတက်တာလည်းဆိုပြီး စဉ်းစားနေတာ။ အဲ့သည်တင်တဲ့လင့်ခ်ကို မီခါနီးကြမှ အလယ် ကလူက ထွက်ပြေးတော့ ဘာမှအရေးမယူနိုင်သေးဘူး။ နောက်ပြီး ဆိုက်ဘာ အတက်ခ်က ပြန်ခုခံနိုင်တဲ့ အင်အားမှာ နည်းပညာက သည်နိုင်ငံက အားနည်းနေတယ်။ နောက်တစ်ခုက သတင်းတင်နိုင်ဖို့အတွက် ရေးသားပုံကလည်း အရေးကြီးတယ် ဒါနဲ့ပက်သတ်ပြီး ကျွန်တော်တို့ကို နိုင်ငံတော်ကပေးထားတဲ့ facility မှာ အားနည်းတယ်။ ဒါကတော့ အမှန်မဟုတ်ပါဘူး။ အမှန်ကဒီလိုပါဆိုပြီး ချက်ချင်းပြန်ကြားနိုင်ဖို့ကလည်း လိုတယ် တစ်ချို့က အဓိကရုဏ်းတွေ ဖြစ်နေတဲ့ကြားထဲ ဘာမှန်းမသိ ညာမှန်းမသိတဲ့သူတွေကလည်း တစ်ပုံ ကြီး အမှားလုပ်တဲ့ သူတို့ကို ပြန်ပြီးတိုက်ခိုက်ဖို့တော့မရှိဘူး။ ပြန်ကာကွယ်ဖို့ဘဲရှိတယ်။ ပြီးခဲ့တဲ့အပတ်က ရခိုင်မှာ ဈေးရောင်းတဲ့ကောင်လေးရဲ့ သတင်းအမှားတွေ ထွက်လာတဲ့အတွက် ကျွန်တော်တို့ကော်မရှင်က သည်ကောင်လေးရဲ့ အဖြစ်ကအခုလိုမဟုတ်ပါဘူး။ သူ့ကိုသူ့အမေနဲ့ပြန်တွေ့နေပြီဆိုတာကို ကျွန်တော်တို့ ဆိုက်မှာပြန်ဖြေရှင်းပေးထားပါတယ်။ ၀က်ဘ်ဆိုဒ်က official မထွက်သေးပေမယ့် ဖေ့စ်ဘုတ်ခ်မှာ ဖော်ပြနေပါ တယ်။

မော်။ ။ တခြားဖြည့်စွက်ပြောကြားချင်တာရှိရင် ပြောပေးပါ။
ဖြေ။ ။ တစ်ဘက်နိုင်ငံရဲ့ လုပ်ရပ်ကြောင့် သည်မှာ ဆန္ဒဖော်ထုတ်မှုတွေကိုလုပ်ပါ။ ဒါပေမယ့် ဘင်္ဂလားဒေ့ရှ် သံရုံးရဲ့နယ်နိမိတ်ကိုတော့ မဖျက်ဆီးကြပါနဲ့။ ဆန္ဒဘဲထုတ်ဖော်ကြပါ။ ကိုယ့်တိုင်းပြည်က လေးစားမှုတစ်ခု အနေနဲ့ပေးစေချင်တယ်။ ငြိမ်းငြိမ်းချမ်းချမ်းနဲ့ ပြဿနာတစ်ခုကို ပြေလည်အောင် ဖြေရှင်နေကြတဲ့အချိန်မှာ အတတ်နိုင်ဆုံး ကိုယ့်မှာရှိနေတဲ့စိတ်လှုပ်ရှားမှုတွေကို နည်းနည်းထိန်းပေးကြပါ။ ပြဿနာတစ်ခုဖြစ်လာတိုင်း ဆူဆူပူပူဖြေရှင်းမယ့်အစား ငြိမ်းငြိမ်းချမ်းချမ်းဖြေရှင်းကြပါ။ မီးလောင်တာကိုတွေ့တယ်။ အဲ့ဒါကိုရေနဲ့ပက်ဖြန်း ရင်ငြိမ်းပါတယ်။ ရေအေးနဲ့ငြှိမ်းလည်း ငြိမ်းသလို ရေနွေးနဲ့ဆိုလည်းငြိမ်းတယ်။ ဒါကိုဘာလို့ ရေနွေးနဲ့ပက်ချင် တာလဲ၊ ရေနွေးနဲ့ပက်တော့ ကိုင်တဲ့သူလည်းပူပါတယ်။ ဖြေရှင်းပေးနေတာကို လက်ခံပေးပါ။ မြှောက်ပေးနေတဲ့ နှစ်ဖက်လုံးကိုလည်း မေတ္တာရပ်ခံပါတယ်။ ဆက်လုပ်နေရင်တော့ သမ္မတက တိုက်ရိုက်ခန့်အပ်ထားတဲ့ကော်မရှင် အဖွဲ့ဖြစ်တာကြောင့် လုပ်နေတဲ့သူတွေကို ပြင်းပြင်းထန်ထန် အရေးယူသွားမယ်။ ဒါ့အပြင် ရခိုင်ကိစ္စကို ရခိုင်ပြည်နယ်တစ်ခုတည်းမှာ မဟုတ်ဘဲ နေရာစုံဒေသစုံမှာ ကျွန်တော်တို့ကိစ္စလို့ သတ်မှတ်ပေးစေချင်တယ်။

မော်။ ။ အခုလိုဖြေကြားပေးတာ ကျေးဇူးအထူးတင်ပါတယ်။

ဒီအေ၀ိုင်