လဝက ထောက်ခံချက် ပါသည့်တိုင်အောင် ဆေးကျောင်းတက်ခွင့် မရသေးတဲ့ ကျောင်းသူလေး

ဇန်နဝါရီ ၂ ၊ ၂၀၁၇
M-Media
သတင်း-သီဟ

မှတ်ပုံတင် မရှိလို့ ဆေးကျောင်းတက်ခွင့် နှစ်ချီအောင် စောင့်နေရတဲ့ မနှင်းနှင်းဝေတယောက် မှတ်ပုံတင်လျောက်တာ မှန်ကန်ကြောင်း လဝက က ထောက်ခံစာ ထုတ်ပေးပေမယ့် အဆင့်မြင့်ပညာဦးစီးက အခု ချိန်ထိ ခွင့်မပြုလို့ ကျောင်းတက်ခွင့် မရသေးဘူးလို့ သိရပါတယ်။

မနှင်းနှင်းဝေဟာ၂၀၁၄-၂၀၁၅ ပညာသင်နှစ်တွင်  တက္ကသိုလ်ဝင်တန်းအား (၅) ဘာသာဂုဏ်ထူးဖြင့် အောင်မြင်ခဲ့ပြီး အမှတ်ပေါင်း  (၅၂၇)  ရခဲ့တယ်လို့ သိရပါတယ်။

မနှင်းနှင်းဝေမှာ ဆေးတက္ကသိုလ်မေဂျာလျှောက်ထား ခဲ့သော်လည်း  အခြေခံပညာဦးစီးဌာနမှ English Major ကိုသာ ပြန်လည်ချထားခြင်း ပေးခဲ့တယ်လို့  သိရပါတယ်။

မနှင်းနှင်းဝေ ရဲ့ မိဘတွေက တော့ သူတို့ သမီး ဆေးတက္ကသိုလ်မှာ ပညာသင်ကြားခွင့် ရရှိနိုင်ရေးအတွက် ယခုနှစ် ဇူလိုင်လထဲမှာ  နိုင်ငံတော် သမ္မတ နှင့် နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ထံသို့ မေတ္တာရပ်ခံစာ တစ်စောင် ပေးပို့ထားပေမယ့် ယခုအချိန်ထိတော့ အဆင်မပြေသေးပါဘူး။

ဆက်စပ်သတင်းဖတ်ဖို့
———————–
အမှတ်မှီပေမယ့် မှတ်ပုံတင်မရှိလို့ ဆေးတက္ကသိုလ် တက်ခွင့်မရတဲ့ ကျောင်းသူလေး မှ နိုင်ငံတော်ခေါင်းဆောင်များထံ မေတ္တာရပ်ခံစာပို့
http://www.m-mediagroup.com/news/58469