ရမည်းသင်းမှာ ဘုန်းကြီး ရိုက်ခံရတဲ့ သတင်း အမှားဖြစ်ကြောင်း မန္တလေးတိုင်း ဒုရဲမှုးပြော

အောက်တိုဘာ၊ ၁၄၊ ၂၀၁၂
M-Media
သတင်း – ဇာဏီ

ရမည်းသင်းမြို့တွင် မနေ့က ဖြစ်ပွားခဲ့သော အဓိကရုဏ်းနှင့်ပတ်သက်၍ မန္တလေးတိုင်း ဒုရဲမှူးကိုယ်တိုင် ရမည်းသင်းမြို့သို့ ရောက်ရှိလာပြီး ရမည်းသင်းမြို့ ရပ်ကွက် အုပ်ချုပ်ရေးမှူးများအား ခေါ်ယူတွေ့ဆုံမှုပြုလုပ်ပြီး ဖြစ်ပေါ်နေသော ပြဿနာရပ်များ အေးချမ်း တည်ငြိမ်စေရန် လိုအပ်သော အရေးယူမှုများပြုလုပ်ရန် ဆွေးနွေးခဲ့ကြောင်း သတင်းရရှိပါသည်။

ယင်းကိစ္စအား ဆက်သွယ်စုံစမ်းရာ “ ရမည်းသင်းကို မန္တလေးတိုင်း ဒုရဲမှူးကိုယ်တိုင် ရောက်ရှိလာပြီး ရမည်းသင်းမြို့ရှိ ရပ်ကွက်/ကျေးရွာအုပ်ချုပ်ရေးမှူးများနှင့် တွေ့ဆုံပြီး အစည်းအဝေးတစ်ခု ပြုလုပ်ခဲ့ပါတယ်။ အဲဒီ အစည်းအဝေးကို မွတ်စလင်မ်တွေဘက်မှ အချို့လည်း တက်ရောက်ခွင့်ရခဲ့ပါတယ်။

အဲဒီအစည်းအဝေးမှာ ရဲမှူးက ရပ်ကွက်တာဝန်ရှိသူ အားလုံးကို မေးပါတယ်။ ဖြစ်စဉ်တွေကို ပွင့်ပွင့်လင်းလင်းပြောပြဖို့ ပြောတဲ့အခါ ရွှေပြည်သူ ရပ်ကွက်က အုပ်ချုပ်ရေးမှူး ကိုသက်ဦးက ပြောပြတယ်။ ဒီမနက်မှာပဲ လူတစ်ချို့က အဓိကရုဏ်းဖြစ်အောင်လုပ်ဖို့ လူစုနေတယ်လို့ သတင်းကြားလို့ အဲဒီကဘုန်းကြီးကျောင်းကို ရောက်သွားတော့ ဘုန်းကြီးကျောင်း ပုရ၀ုဏ်မှာပဲ လူ ၁၀၀ လောက်စုဝေး၀ိုင်းဖွဲ့ပြီး အရက်တွေသောက်နေကြတာကို တွေ့ရတယ်လို့ပြောတယ်။ ပြီးတော့ မြို့မရပ်ကွက် အုပ်ချုပ်ရေးမှူးက ပြောပြတာက အခုဖြစ်ပွားခဲ့တဲ့ ကိစ္စတွေဖြစ်လာအောင် အဓိက လှုံ့ဆော်တာကတော့ ‘ထူး’ဘောလုံးအသင်းထောင်ထားတဲ့ ဦးဇော်လွင်ဦးရဲ့သားက အဓိကလှုံ့ဆော်တာဖြစ်တယ်လို့ပြောတယ်။ ဒါကြောင့် မြို့နယ်အုပ်ချုပ်ရေးမှူးကတဆင့် ခရိုင်အုပ်ချုပ်ရေးကနေပါ လိုအပ်သလို အရေးယူဖို့လုပ်ပါလို့ ပြောခဲ့တယ်။ အဲဒါက မန္တလေးတိုင်း ဒုရဲမှူးထွန်းနိုင် နဲ့ အစည်းအဝေးမှာ ရပ်ကွက် အုပ်ချုပ်ရေးမှူးတွေက တင်ပြသွားတာတွေပါ။ ပြီးတော့ ရွှေကူရပ်ကွက်၊ ပြင်တပ် ရပ်ကွက်နဲ့ သင်ပန်းကုန်းရွာက လူတွေက ပြဿနာတွေဖြစ်အောင် ပိုလုပ်ဆောင်နေတယ်လို့ သိရတဲ့အတွက် အဲဒီက အုပ်ချုပ်ရေးမှူးတွေကိုလည်း ရဲမှူးကပဲ ပြင်းထန်စွာသတိပေးသွားပါတယ်။

ပြီးတော့ ဘုန်းကြီးတစ်ပါးကို မွတ်စလင်မ်တွေက ၀ိုင်းရိုက်တယ်ဆိုတဲ့သတင်းတွေဟာလည်း သတင်းမှားဖြစ်တယ် ဆိုတာကိုလည်း အဲဒီမှာပဲပြောပြပြီး အားလုံးကိုပြောပြဖို့လည်း သတိပေးပါတယ်။ ဒီအစည်းအဝေးပြီးတဲ့နောက်ပိုင်း ဗမက အရှေ့ရပ်ကွက်၊ ကျောင်းတိုက်စုရပ်ကွက် တွေမှာ လုံခြုံရေးတွေ ပိုမိုတိုးချထားတာတွေ့ရတယ်။ ဒါပေမယ့် စံလွတ်ဘုန်းကြီးကျောင်းနဲ့ အနီးတ၀ိုက်က မွတ်စလင်မ်အိမ်ထောင်စု ၃၀-လောက်ကတော့ အဲဒီကနေရာကနေ ရွှေ့ပြောင်းသွားကြတယ်။

ဒီနေ့ညကို မီးရှို့မယ်ဆိုတော့ ကလေးတွေနဲ့ အမျိုးသမီးတွေကိုလည်း ဘေးလွတ်ရာကို ခေါ်သွားကြတယ်။ တချို့လည်း တပ်ကုန်း၊ မိတ္တီလာနဲ့ ပျော်ဘွယ်ဘက်ကို သွားလိုက်ကြတယ်။ ဒီနေ့ညနေ ၅-နာရီလောက်မှာတော့ ရမည်းသင်းမြို့ထဲမှာ ကားနဲ့ပတ်ပြီး သတိပေးနှိုးဆော်နေပါတယ်။ ပုဒ်မ ၁၄၄ ထုတ်တာမဟုတ်ပေမယ့်။ လူစုလူဝေးနဲ့နေရင် ဖမ်းမယ်၊ ၅-ယောက်ထက်ပိုရင်ဖမ်းမယ်၊ လက်ထဲမှာ ထုတ်-ဓါး ကိုင်ဆောင်ထားတာတွေ့ရင် ဖမ်းမယ်လို့ ကားနဲ့ လှည့်အော်နေပါတယ်။ အခုကိစ္စတွေဖြစ်တဲ့အချိန်မှာ ပြည်ခိုင်ဖြိုးက မန္တလေးတိုင်း လွှတ်တော်အမတ် ဦးကျော်မြင့်ကလည်း အခုဖြစ်နေတဲ့ကိစ္စတွေ တည်ငြိမ်အောင် ဆောင်ရွက်နေတာလည်းတွေ့ရပါတယ်။

ပြီးတော့ NLD အမတ်တွေဖြစ်တဲ့ ဦးဇေယျာသော်၊ ဒေါက်တာဇော်မြင့်မောင်နဲ့ ဦးဝင်းထိန်၊ မန္တလေးတိုင်း NLD က ဒေါ်ဝင်းမြမြတို့ကိုလည်း ဒီအကြောင်းအရာတွေ အားလုံးကို အသိပေးတင်ပြထားပါတယ်။ သူတို့တွေလည်း တတ်နိုင်သလောက် ကူညီနေပါတယ်။ အခုလို ၀ိုင်းဝန်းလုပ်ဆောင်ခဲ့တာကြောင့် ဒီနေ့ညနေပိုင်းမှာတော့ ရမည်းသင်းမှာ ဘာပြဿနာမှ ထပ်မဖြစ်တော့ပါဘူး။ အခုညပိုင်း ၈-နာရီကျော်ကျော် လောက်မှာတောင် လမ်းပေါ်လူ သိပ်မရှိတော့ပါဘူး”လို့ ရမည်းသင်းမြို့ခံတစ်ဦးမှ M-Media ကို ပြောပြလာပါတယ်။