ဂမ်ဘီယာအာဏာရှင် ရာထူးစွန့်၍ တိုင်းပြည်မှထွက်ခွာ

ဇန်န၀ါရီ ၂၂၊ ၂၀၁၇
M-Media

လေဆိပ်တွင်တွေ့ရသည့် ယဟ်ယာ ဂျာမေဟ်

– ၁၉၉၄ ခုနှစ်က အာဏာသိမ်းပြီးနောက် ဂမ်ဘီယာနိုင်ငံဟား ၂၂ နှစ်ကြာ အုပ်စိုးခဲ့သည့် အာဏာရှင် ယဟ်ယာ ဂျာမေဟ်မှာ ယမန်နေ့ ရာထူးမှဆင်းပေးကာ နိုင်ငံအတွင်းမှ ထွက်ခွာသွားခဲ့ပြီဟု သိရသည်။

မြို့တော်ဘန်ဂျူလ်ရှိ လေဆိပ်သို့ ဆွေးနွေးညှိနှိုင်းပေးသူ အလ်ဖာ ကွန်ဒီနှင့်အတူ ရောက်ရှိလာသည့် ဂျာမေဟ်ကို ဂုဏ်သရေရှိ ပုဂ္ဂိုလ်များ၊ စစ်သားများက နှုတ်ဆက်ခဲ့ကြပြီး အမည်မဖော်ပြထားသည့် လေယာဉ်ဖြင့်၊ အမည်မသိနေရာသို့ ထွက်ခွာသွားခြင်းဖြစ်သည်။

ဒီဇင်ဘာ ၁ ရက်နေ့က ပြုလုပ်ခဲ့သည့် ရွေးကောက်ပွဲတွင် ဂျာမေဟ်မှာ ပြိုင်ဘက် အဒါမာဘာရိုးအား ရှုံးနိမ့်ခဲ့သော်လည်း ရာထူးမှဆင်းပေးရန် ငြင်းဆိုခဲ့သည်။ ထို့ကြောင့် အနောက်အာဖရိကနိုင်ငံများ အဖွဲ့ဖြစ်သော ECOWAS က စစ်ရေးဖြင့် ကြားဝင်ရန် ပြင်ဆင်ခဲ့ပြီး၊ ၎င်းတို့၏ နောက်ဆုံး ရာဇသံပေးမှုကို ဂျာမေဟ်က လက်ခံခဲ့သည်။ ဂျာမေဟ်မှာ ဂီနီနိုင်ငံတွင် ခိုလှုံဖွယ်ရှိနေသည်။

ကြာသာပတေးနေ့က ဆီနီဂေါနိုင်ငံရှိ ဂမ်ဘီယာသံရုံးတွင် သမ္မတသစ်အဖြစ် ကျမ်းကျိန်ခဲ့သည့် ဘာရိုးက မိမိအနေဖြင့် ဂျာမေ၏ ရာဇ၀တ်မှုများကို စုံစမ်းစစ်ဆေးရန် အမှန်တရားနှင့် ပြန်လည်ရင်ကြားစေ့ရေး ကော်မရှင်ကို ဖွဲ့စည်းသွားမည်ဟု ပြောကြားခဲ့သည်။

သို့သော်လည်း ဂျာမေဟ်အား ဖမ်းဆီးရန်နှင့် ခိုလှုံခွင့်မပေးရန် အွန်လိုင်းမှ စာရေးသားတောင်းဆိုမှုများကိုမူ သတိပြုရန် တိုက်တွန်းခဲ့သည်။

လူ့အခွင့်အရေးတက်ကြွလှုပ်ရှားသူများက အတိုက်အခံများအား နှိပ်စက်ညှင်းပမ်းခြင်းနှင့် ထိန်းသိမ်းခြင်းတို့အပါဝင် ဂျာမေဟ်ကျူးလွန်ခဲ့သည်ဆိုသည့် ရာဇ၀တ်မှုများအတွက် ၎င်းအား တာဝန်ယူစေရန် တောင်းဆိုခဲ့သည်။

ဘာရိုးကမူ ဂျာမေဟ်ထွက်သွားပြီးနောက် လုံခြုံရေးအရ ဆောင်ရွက်မှုများ ပြီးစီးသွားသည့်အချိန်တွင် ဂမ်ဘီယာသို့ ပြန်သွားမည်ဟု ပြောကြားခဲ့သည်။

Ref: Aljazeera