ရခိုင်ပြည်နယ် မင်းပြားနှင့် မြောက်ဦးတွင် မွတ်စလင်မ်ရွာများ မီးရှို့ဖျက်ဆီး အကြမ်းဖက်ခံနေရ

အောက်တိုဘာ ၂၂၊ ၂၀၁၂
သတင်း – ထွန်းတောက်

ရခိုင်ပြည်နယ် မင်းပြားမြို့ရှိ ရခိုင်များနဲ့ ဘုန်းကြီးများစုပေါင်းပြီး မင်းပြားမြို့ဝန်းကျင်မှ မွတ်စလင်မ်ရွာများကို မီးရှို့ဖျက်ဆီးပြီး အကြမ်းဖက်လုပ်ရပ်များ လုပ်ဆောင်နေကြောင်း သတင်းရရှိပါသည်။

မင်းပြားရှိ ရခိုင်အခေါ် ပိုက်သည်ရွာလို့ခေါ်တဲ့ တံငါရွာကို မနေ့ည (၂၁.၁၀.၁၂)ရက်ညတွင် မီးစပြီးရှို့ခဲ့ပါတယ်။ ပိုက်သည်ရွာဟာ မွတ်စလင်မ်ရွာဖြစ်ပါတယ်။ မီးရှို့တာက ဘုန်းကြီးပျံပွဲတွေမှာ သုံးတဲ့ ဒုံးတွေ၊ ယမ်းတောင့်တွေနဲ့ပစ်ပြီး မီးရှို့ခဲ့ပါတယ်။ ရခိုင်အရပ်သားတွေနဲ့အတူ ဘုန်းကြီးတွေလည်း ပါဝင်ကြောင်းသိရပါတယ်။ ပိုက်သည်ရွာမှာ ၁၉-အိမ် မီးလောင်သွားခဲ့ပြီး ဒဏ်ရာရသူ (၅)ယောက် ရှိကြောင်း သိရပါတယ်။ ဗလီတစ်လုံးရှိပြီး မီးရှို့ခံရမှုတွင် မီးလောင်ကျွမ်းမှုမရှိဘဲ ကျန်နေခဲ့ကြောင်းလည်း သိရပါတယ်။

ဒီနေ့ (၂၂.၁၀.၁၂)မနက် (၇)နာရီမှာလည်း မင်းပြားရှိ သရက်ဦးရွာကို မီးစရှို့ခဲ့ကြောင်း၊ ရွာလုံးကျွတ် မီးလောင်သွားခဲ့ကြောင်း၊ ရွာရှိ ဗလီ(၂)လုံး အပါအ၀င် တစ်ရွာလုံးရှိ အိမ်ခြေ (၂၂၉)အိမ် အားလုံး မီးလောင် ပျက်စီးသွားခဲ့ပြီး၊ ဒဏ်ရာရသူ(၇)ဦး၊ ဓါးခုတ်ခံရပြီးသေသူ(၅)ဦး၊ သေနတ် ထိမှန်သေဆုံးသူ (၁)ဦးရှိခဲ့ကြောင်း သိရပါသည်။ မီးရှို့သူများသည် ပထမဦးစွာ ဓါတ်ဆီ ပုလင်းများကို ပစ်ခဲ့ပြီးနောက် ယမ်းထောင့်များကို ပစ်၍ မီးရှို့ခဲ့သည်ဟုလည်း သိရပါသည်။

ဒီနေ့ မနက် နေ့လည် (၂)နာရီမှာပဲ မင်းပြားရှိ အောင်ဒိုင်ကျေးရွာကို မီးစရှို့ခံရကြောင်း၊ ဗလီ(၁)လုံးနှင့် မီးလောင်သွားသော အိမ်ခြေအရေအတွက် မသိရသေးပါ။

ဒီနေ့မနက် (၁၁)နာရီတွင်ပင် မြောက်ဦးရှိ ပရိန်ကျေးရွာအား အကြမ်းဖက်မီးရှို့ခဲ့ရာ အသေအပျောက် စာရင်းမသိရသေးပါ။ ပေါင်းကုတ်ရွာကိုလည်း ရခိုင်နှင့်ဘုန်းကြီးများ ၀ိုင်းထားကြောင်းသိရသည်။ ပေါက်တောဝမြို့ပေါ် မွတ်စလင်မ်များနေထိုင်ရာ ရပ်ကွက်(၃)နှင့် (၄)အား ရခိုင်နှင့် ဘုန်းကြီးများက၀ိုင်းပြီး အကြမ်းဖက်မီးရှို့ရန် ၀ိုင်းထားစဉ် စစ်တပ်မှ နောက်(၃-၄)ရက်ကြာရင် ရပ်ကွက်(၃)နှင့်(၄)ရှိ မွတ်စလင်မ် အိမ်ခြေများအား ပြောင်းရွေ့ပေးမည်ဟုပြောကြားပြီး မီးရှို့ခြင်းမပြုလုပ်ရန် တားဆီးထားကြောင်းလည်း သတင်းရရှိပါသည်။

“အခု ဖြစ်နေတာအားလုံးက ရခိုင်တွေရယ်၊ ဘုန်းကြီးတွေရယ်က လုပ်နေတာပါ။ အကြမ်းဖက်မီးရှို့နေသူတွေကို စစ်တပ်က သေနတ်တွေ မိုးပေါ်ထောင် ပစ်ဖောက် ခြိမ်းခြောက်နေပါတယ်။ ဒါပေမယ့် သူတို့တွေ နောက်ဆုတ်မသွားကြပါ။ မီးလောင်ကျွမ်းခဲ့တဲ့ နေရာတွေမှာ မွတ်စလင်မ်တွေကိုယ်တိုင်ပဲ ၀ိုင်းဝန်းမီးငြိမ်းသတ်နေရပါတယ်။ အဲလို မီးငြိမ်းသတ်နေတုန်းမှာပဲ မွတ်စလင်မ်တွေကို အကြမ်းဖက်သမားတွေက ၀ိုင်းဝန်းရိုက်နှက်ပြီး ဓါးတွေနဲ့ ၀င်ခုတ်တာကြောင့် ဒဏ်ရာရသူတွေရော သေဆုံးသူတွေရှိပါတယ်။။ မွတ်စလင်မ်တွေလည်း ဒုက္ခရောက်လှပါပြီ။ ပြီးတော့ အခု အကြမ်းဖက်ခံနေရတဲ့ မွတ်စလင်မ် ရွာတွေက ဖုန်းတွေကိုလည်း စစ်တပ်နဲ့ရဲက လိုက်လံသိမ်းဆည်းနေပါတယ်။ ဒါကြောင့် အဲဒီကလူတွေ ဖုန်းတွေကို ၀ှက်ထားပြီး ဆက်သွယ်နေရပါတယ်။ မီးရှို့ခံရတဲ့ရွာကလူတွေ ဘယ်တွေကို ရောက်နေလဲဆိုတာ အတိအကျပြောလို့ မရဘူးဖြစ်နေပါတယ်။ သေဆုံးသူ စာရင်းလည်း ကျွန်တော်တို့အတိအကျမသိရပါဘူး။ အခုက ဘယ်သူ့ ဘယ်သူမှ ဆက်သွယ်ဖို့ တော်တော်ကို ခက်ခဲနေပါတယ်။ ကလေးတွေလည်း အများကြီးသေကြေမှာပါ။ သူတို့အားလုံးအတွက် ကျွန်တော်တို့တွေ တအား ပူပင်နေရပါတယ်။ မွတ်စလင်မ်ညီနောင်တွေအားလုံးလည်း ၀ိုင်းဝန်းပြီး ဆုတောင်းပေးကြပါဦး”လို့ မြို့ခံတစ်ဦးက M-Media ကို သတင်းပေးပို့လာပါတယ်။

ရခိုင်ပြည်နယ် နောက်ဆက်တွဲ သတင်း ….

အောက်တိုဘာ၊ ၂၂၊ ၂၀၁၂
ညနေ ၆နာရီ ၂၅ မိနစ်
ရန်ကုန်။
M-Media

ရန်ကုန်-စစ်တွေ ကားလမ်း ရာမောင်တံတားအနီးမှာရှိတဲ့ ဆမ်းမလီရွာကို ဒီနေ့ညနေ ၄-နာရီမှာ မီးစရှို့ပါတယ်။ ဒေသခံတွေက သက်ဆိုင်ရာကို အကြောင်းကြားထားပေမယ့် ခုနကမှ စစ်တပ်နဲ့ရဲက ရောက်လာကြောင်းသိရပါတယ်။ စစ်တပ်နဲ့ ရဲတွေ ရောက်လာတဲ့ အချိန်မှာပဲ ရခိုင်ပျောက်ကြား သူပုန်တွေရောက်ရှိလာပြီး မွတ်စလင်မ်ရွာတွေကို သေနတ်နဲ့