စက်တင်ဘာလက ဘုန်းကြီးများ ဝိုင်းရိုက်ခံရသည့် ကရင်အဘိုးအိုးကွယ်လွန်

အောက်တိုဘာ ၂၂၊ ၂၀၁၂
M-Media
သတင်း-ဇာဏီ

ပြိးခဲ့သည့် စက်တင်ဘာလဆန်းပိုင်းက ဘားအံမှာ ဘုန်းကြီး ၀ိုင်းရိုက်ခံရလို့ ဆေးရုံတင်ထားရတဲ့ အဘိုးအိုဟာ ဒီနေ့ နေ့လည်ကပဲ အလ္လာဟ်အရှင်မြတ် အမိန့်တော်ခံယူ ( ကွယ်လွန်) သွားပါပြီ။ ဒီနေ့ည အေရှာဟ်ပြီး(၈ နာရီခွဲ) မှာ မြေမြှုပ် သဂြိုလ်မည်ဖြစ်ကြောင်း သိရပါတယ်။

ဘုန်းကြီးများ ဝိုင်းရိုက်ခံရမှုကြောင့် ဆေးရုံတွင် ကုသမှုခံယူနေစဉ်က ဓါတ်ပုံ
the victim in the hospital

ပြီးခဲ့တဲ့ စက်တင်ဘာလ ၅-ရက်နေ့က ဘားအံမြို့ပေါ်တွင် မနက်အစော ဗလီမှ ပြန်လာသော အသက် ၇၄-နှစ်အရွယ် အဖိုးအိုတစ်ဦးအား ဘုန်းကြီး ၃-ပါးက ၀ိုင်းဝန်းထိုးနှက် ကန်ကျောက်မှုကြောင့် အဖိုးအိုမှာ ဒဏ်ရာများရရှိပြီး နံရိုးကျိုးကာ ဆေးရုံမှာ တက်ကုသခဲ့ရာမှ ယနေ့မှာ ကွယ်လွန်သွားတာဖြစ်ပါတယ်။
ကရင်ပြည်နယ် နှစ်ခြင်းရွာမှာ နေထိုင်တဲ့ အဘိုးအိုဟာ ဘားအံ့မှာရှိတဲ့ သမီးဖြစ်သူ ထံ အလည်လာတဲ့အချိန် မနက်စောစော ဗလီဝတ်ကျောင်းတော်သို့ ဝတ်ပြုပြိးပြန်အလာမှာ ဆွမ်းခံကြွလာတဲ့ ဘုန်းကြီးတန်းကို ဖြတ်လို့ ဆိုပြီး ဘုန်းကြီးသုံးပါးက ဝိုင်းဝန်းရိုက်နက် ခဲ့ကြခြင်းဖြစ်ပါတယ်။