မြောက်ဦးတွင် မွတ်စလင်မ်ရွာများ ယနေ့ထပ်မံ အကြမ်းဖက်မီးရှို့ခံနေရ

အောက်တိုဘာ ၂၃၊ ၂၀၁၂
M-Media
သတင်း – ထွန်းတောက်

မြောက်ဦးမှာ ဒီနေ့မနက်ပဲ မွတ်စလင်မ်ရွာများကို မီးရှို့နေကြောင်း သတင်းရရှိပါတယ်။

မြောက်ဦးမြို့ မွတ်စလင်မ်ရွာဖြစ်သည့် ပုရိန်ရွာကို ယနေ့မနက်မှာပဲ ရခိုင်အကြမ်းဖက်သမားများမှ မီးစတင်ရှို့ခဲ့ကြောင်း၊ ပုရိန်ရွာသည် အိမ်ခြေ ၁၂၀၀-ကျော်ရှိပြီး ဗလီ(၈)လုံးရှိသည့် အနက်တွင် ရွာရှိအိမ်ခြေ တ၀က်ကျော်နှင့် ဗလီတစ်လုံး မီးလောင်ပြာကျသွားခဲ့ပြီဖြစ်ကြောင်း၊ အမျိုးသား(၁)ယောက်နှင့် အမျိုးသမီးတစ်ယောက် သေဆုံးသွားကြောင်း သိရသည်။ နောက်ထပ် သေဆုံးသူ၊ ဒဏ်ရာရသူများလည်း အများအပြားရှိကြောင်း၊ ကလေးများလည်း  သေဆုံးကြောင်း သိရသော်လည်း စာရင်းကို အတည်မပြုနိုင်သေးကြောင်း သတင်းရရှိပါတယ်။

ယခု သတင်းပေးနေဆဲအချိန်တွင်ပင် ရန်သေရွာနှင့် ဇီးဇာရွာကိုလည်း စတင်မီးရှို့နေကြောင်း၊ ရန်သေရွာတွင် အိမ်ခြေ(၈၀၀)ကျော်နှင့် ဗလီ(၄)လုံး၊ ဇီးဇာရွာတွင် အိမ်ခြေ ၈၀၀-ခန့်နှင့် ဗလီ(၅)လုံးရှိကြောင်း သိရသည်။ သတင်းပေးနေစဉ်တွင်ပင် အဆက်သွယ် ပြတ်တောက်သွား၍ သတင်းထပ်မံရရှိရန် ဆက်သွယ်နေပါသည်။

တစ်ချိန်တည်းမှာပင် မွတ်စလင်မ်ရွာဖြစ်သည့် ပီပင်ရင်းရွာသို့လည်း မီးရှို့ အကြမ်းဖက်ရန် လုပ်ဆောင်နေပြီဖြစ်ကြောင်းသိရသည်။

“ရခိုင်ပြည်နယ်တစ်ခုလုံးမှာ အရင်က ရခိုင်ဗုဒ္ဓဘာသာဦးရေထက် မွတ်စလင်မ်ဦးရေကပိုများပါတယ်။ အခုတော့ ၇ခိုင်တွေက အကြမ်းဖက် သတ်ဖြတ်မှုတွေကြောင့် သေဆုံးသွားကြသူ၊ ထွက်ပြေးသွားကြသူတွေကြောင့် မွတ်စလင်မ် သုံးပုံတစ်ပုံသာ ကျန်ရှိတော့တယ်။ ဘင်္ဂလားဘက်သို့ ထွက်ပြေး တိမ်းရှောင်သွားသော မွတ်စလင်မ် တစ်သန်းကျော်ရှိသွားပြီလို့ သိရတယ်။ ကျွန်တော်တို့တွေ စိတ်သောကကြီးစွာ ခံစားနေရပါတယ်။ အခုနေ့လည် ၁၂-နာရီမှာ ကျောက်ဖြူကို ၀င်မယ်လို့လည်း သတင်းကြားနေရတယ်။ အားလုံး ဆုတောင်းပေးကြပါဗျာ” လို့ မြောက်ဦးမြို့ခံတစ်ဦးက ငို၍ M-Media ကို ပြောပြလာပါတယ်။