ဒေါ်အောင်ဆန်းစုကြည်ကို ထောက်ခံပြီး၊ စက်ဆုပ်ဖွယ်ကိစ္စများကို ရပ်တန့်ရမည်ဟု ကန်နှင့် ဗြိတိန်ပြော

စက်တင်ဘာ ၁၅၊ ၂၀၁၇
M-Media

Photo Credit – VOA

– မြန်မာနိုင်ငံဟာ ‘အဆုံးအဖြတ်ကာလ’ တစ်ခုကို ရောက်ရှိနေပြီး လူနည်းစု ရိုဟင်ဂျာတွေအပေါ် အကြမ်းဖက်မှုကို မဖြစ်မနေ ရပ်တန့်ရတော့မယ်လို့ အမေရိကန်နိုင်ငံခြားရေးဝန်ကြီး ရက်စ် တီလာဆန်က မနေ့မှာ ပြောကြားလိုက်ပါတယ်။

လန်ဒန်ကိုရောက်ရှိနေတဲ့ တီလာဆန်ဟာ ဗြိတိန်ဝန်ကြီးချုပ် ထရီဇာမေ၊ နိုင်ငံခြားရေးဝန်ကြီး ဘောရစ်ဂျွန်ဆင်နဲ့တွေ့ဆုံအပြီး ပြုလုပ်တဲ့ သတင်းစာရှင်းလင်းပွဲမှာ ပြောကြားလိုက်တာဖြစ်ပြီး ထွန်းသစ်စ ဒီမိုကရေစီနိုင်ငံတစ်ခုအတွက် အမျိုးမျိုးဖြစ်သွားနိုင်တဲ့ အဆုံးအဖြတ်ကာလတစ်ခုလည်းဖြစ်တယ်လို့ ဆိုပါတယ်။

အစိုးရကိုဦးဆောင်နေတဲ့ ဒေါ်အောင်ဆန်းစုကြည်ဟာ စစ်တပ်နဲ့ အာဏာခွဲဝေမှုတွေလုပ်ထားရပြီး၊ ရှုပ်ထွေးတဲ့အခြေအနေမျိုး တွေ့ကြုံနေရတယ်ဆိုတာကို သိရှိကြောင်းလည်း သူက ပြောကြားခဲ့ပါတယ်။

“အကြမ်းဖက်မှုကို ရပ်တန့်ရမယ်၊ ငြှင်းပမ်းမှုကို ရပ်တန့်ရမယ်။ တော်တော်များများက လူမျိုးစုလိုက် သုတ်သင်မှုလို့ ပြောနေကြတဲ့ ဒီကိစ္စကို ရပ်ကိုရပ်တန့်ပစ်ရပါမယ်။ ကျွန်တော်တို့ဟာ ဒေါ်အောင်ဆန်းစုကြည်နဲ့ သူမရဲ့ ခေါင်းဆောင်မှုကို ထောက်ခံဖို့လိုပြီး၊ အစိုးရအာဏာကို စစ်တပ်က ခွဲဝေယူထားတာကို လက်မခံနိုင်ဘူးဆိုတာ ခပ်ရှင်းရှင်းပဲ ပြောလိုပါတယ်” လို့ ကန်နိုင်ငံခြားရေးဝန်ကြီးက ပြောကြားခဲ့ပါတယ်။

ဗြိတိန်နိုင်ငံခြားရေးဝန်ကြီး

တီလာဆန်နဲ့ ပူးတွဲသတင်းစာရှင်းလင်းပွဲလုပ်ခဲ့တဲ့ ဗြိတိန်နိုင်ငံခြားရေးဝန်ကြီး ဘောရစ်ဂျွန်ဆင်က ဒေါ်အောင်ဆန်းစုကြည်ကို လေးစားကြောင်း ဒါပေမယ့် အခုအချိန်မှာ ရိုဟင်ဂျာတွေရဲ့ ထိခိုက်ခံစားမှုတွေနဲ့ပတ်သက်ပြီး သူ့မရဲ့ တည်ကြည်ဖြောင့်မတ်မှုနဲ့ သြဇာကို အသုံးချကာ ထောက်ပြပြောကြားဖို့လိုကြောင်း၊ ဒါဟာ ဆက်စုပ်ဖွယ်ကိစ္စတွေဖြစ်တယ်၊ သူတို့အိမ် သူတို့ ပြန်လာတဲ့သူတွေကို လက်ခံမယ်ဆိုပြီး ဒေါ်အောင်ဆန်းစုကြည်က ပြောကြားရမှာဖြစ်ကြောင်း ထည့်သွင်း ပြောဆိုခဲ့ပါတယ်။

သြဂုတ်လနှောင်းပိုင်းက ရိုဟင်ဂျာလက်နက်ကိုင်အဖွဲ့ ARSA ဟာ ရခိုင်ပြည်နယ်မြောက်ပိုင်းက ရဲကင်းစခန်းတွေကို တိုက်ခိုက်မှုနဲ့ အဲဒီနောက်ပိုင်း စစ်တပ်ရဲ့ နယ်မြေရှင်းလင်းမှုအတွင်းမှာ ရဲတပ်ဖွဲ့ဝင်တွေအပါအ၀င် လူပေါင်း ၄၀၀ ကျော်လောက် သေဆုံးခဲ့ပြီး အများစုဟာ အကြမ်းဖက်သမားတွေဖြစ်တယ်လို့ မြန်မာအစိုးရက သတင်းထုတ်ပြန်ထားပါတယ်။

ဒေသမတည်ငြိမ်မှုကြောင့် အိုးအိမ်စွန့်ခွာ ထွက်ပြေးခဲ့ရသူတွေထဲမှာ ရခိုင်တိုင်းရင်းသားတွေကို အစိုးရက ကယ်ဆယ်စောင့်ရှောက်ပေးထားပြီး ရိုဟင်ဂျာတွေကတော့ ဘင်္ဂလားဒေ့ရ်ှနိုင်ငံကို ထွက်ပြေးခဲ့ရပါတယ်။

ပြီးခဲ့တဲ့သီတင်းပတ်တွေအတွင်းမှာ ဘင်္ဂလားဒေ့ရ်ှဖက်ကို ၀င်ရောက်လာတဲ့ ဒုက္ခသည်အရေအတွက်ဟာ ၃ သိန်းကျော်လာပြီလို့ ကုလက ထုတ်ပြန်ထားပါတယ်။

Ref: Star Tribune