ရခိုင်ပြည်နယ်ပြဿနာတွင် ဘင်္ဂလားဒေ့ရှ်၏ ရပ်တည်ချက်ကို အိန္ဒိယ ထောက်ခံ

စက်တင်ဘာ ၁၅၊ ၂၀၁၇
M-Media

အိန္ဒိယ နိုင်ငံခြားရေးဝန်ကြီး ဆူရ်ှမာ ဆွာရက်ဂ်ျ

– ရခိုင်ပြည်နယ်က ရိုဟင်ဂျာပြဿနာမှာ ဘင်္ဂလားဒေ့ရ်ှရဲ့ ရည်တည်ချက်ကို ထောက်ခံတယ်လို့ အိန္ဒိယ နိုင်ငံခြားရေးဝန်ကြီး ဆူရ်ှမာ ဆွာရက်ဂ်ျက ၀န်ကြီးချုပ် ရှိခ်ဟာဆီနာကို ပြောကြားခဲ့ကြောင်း ဘင်္ဂလားဒ့ရ်ှအစိုးရ ပြောရေးဆိုခွင့်ရှိသူတစ်ဦးက ထုတ်ပြန် ပြောကြားလိုက်ပါတယ်။

စက်တင်ဘာ ၁၄ ရက် (ကြာသာပတေးနေ့) ဒေသစံတော်ချိန် ည ၉ နာရီ ၄၅ မိနစ်အချိန်မှာ အိန္ဒိယ နိုင်ငံခြားရေးဝန်ကြီးက ဖုန်းခေါ်ပြောဆိုခဲ့တာဖြစ်တယ်လို့ ၀န်ကြီးချုပ် ရှိခ်ဟာဆီနာရဲ့ ပြန်ကြားရေး တာဝန်ရှိသူ နဇ်ရူလ် အစ္စလာမ်က ဆိုပါတယ်။

“ရိုဟင်ဂျာပြဿနာမှာ ဘင်္ဂလားဒေ့ရ်ှရဲ့ ရပ်တည်ချက်အတိုင်း အိန္ဒိယက ရှိနေပါတယ်။ ဒုက္ခသည်တွေကို ပြန်ခေါ်ဖို့ အိန္ဒိယက မြန်မာကို နှစ်နိုင်ငံချင်းရော၊ နိုင်ငံအများနဲ့ပါ တိုက်တွန်းနေတယ်လို့ သူမက ပြောပါတယ်။ မြန်မာနိုင်ငံအနေနဲ့ ရိုဟင်ဂျာတွေအပေါ် ရက်စက်မှုတွေကို ရပ်တန့်ရမယ်လို့ အိန္ဒိယက ပြောနေပါတယ်”

ဝန်ကြီးချုပ် ဟာဆီနာကတော့ ဘင်္ဂလားဒေ့ရ်ှအနေနဲ့ ရိုဟင်ဂျာတွေ နေထိုင်နိုင်ဖို့အတွက် သီးသန့်နေရာတစ်ခု သတ်မှတ်ပေးထားပေမယ့် ရေရှည်နေမယ်ဆိုရင် ပြဿနာကြီး ဖြစ်လာမယ်ဆိုပြီး အဲဒီ ဖုန်းခေါ်ဆိုမှုမှာ ပြောကြားခဲ့ပါတယ်။

ယမန်နေ့မနက်က ဘင်္ဂလားဒေ့ရ်ှနိုင်ငံဆိုင်ရာ အိန္ဒိယသံအမတ် ဟာ့ရှ် ဗာ့ဒ်ဟန် ရှရင်ဂလာဟာ ရိုဟင်ဂျာ ဒုက္ခသည်တွေအတွက် အကူအညီ ၅၃ တန်ကို ဘင်္ဂလားဒေ့ရ်ှအာဏာပိုင်တွေဆီ လွှဲပြောင်းပေးခဲ့ပြီး အခုပြဿနာအတွက် ဘင်္ဂလားဒေ့ရ်ှဖက်ကနေ ရပ်တည်သွားမယ်လို့ သံအမတ်က ပြောပါတယ်။

ရိုဟင်ဂျာဒုက္ခသည်တွေကို မြန်မာနိုင်ငံကို ပြန်ပို့ဖို့အတွက် အစိုးရအနေနဲ့ တရုတ်၊ အိန္ဒိယတို့နဲ့ သံတမန်ရေးအရ တိုးမြှင့်လုပ်ဆောင်ဖို့ ဘင်္ဂလားဒေ့ရ်ှပြည်သူတွေက အလိုရှိနေကြပါတယ်။

မြန်မာနိုင်ငံဆိုင်ရာ တရုတ်သံအမတ်ကြီး ဟောင်လျန်က ရခိုင်ပြည်နယ်က အကြမ်းဖက်တိုက်ခိုက်မှု ပြဿနာဟာ ပြည်တွင်းပြဿနာဖြစ်ပြီး၊ မြန်မာ လုံခြုံရေးတပ်ဖွဲ့က အစွန်းရောက်အကြမ်းဖက်သမားတွေကို တန်ပြန်တဲ့ တိုက်ခိုက်မှုတွေလုပ်နေတာ၊ ပြည်သူတွေကို ကူညီထောက်ပံ့မှုတွေ ပြုလုပ်တာ စတာတွေကို ကြိုဆိုတယ်လို့ မနေ့က ပြောကြားခဲ့ပါတယ်။

REf: Bdnews24