ကျောက်ဖြူတွင် အကြမ်းဖက် တိုက်ခိုက်ခံရသူများမှာ ကမန်မွတ်စလင် အများစုဖြစ် (RFA သတင်း/အင်တာဗျူး)

အောက်တိုဘာ၊ ၂၈ ၊ ၂၀၁၂
M-Media
Source: RFA

ကျောက်ဖြူမှ မီးရှို့ခံရသူ အများစုမှာ ကမန် မွတ်စလင်များဖြစ်ကြောင်း RFA အင်တာဗျူးသတင်း by M-Media

ပြီးခဲ့တဲ့ အောက်တိုဘာလ ၂၃ရက် ညဘက် ၈း၀၀ နာရီဝန်းကျင်လောက်နှင့် အောက်တိုဘာလ ၂၄ရက် မနက်အစော ၈း၀၀ လောက်မှာ ရခိုင်ပြည်နယ် ကျောက်ဖြူမြို့မှာ မီးရှို့တိုက်ခိုက် အကြမ်းဖက်မှုတွေ ဖြစ်ပွားပြီး အိမ်ခြေရာပေါင်းများစွာ မီးထဲပါသွားခဲ့ပါတယ်။ အိုးအိမ်တွေစွန့်ခွါထွက်ပြေးကြရတဲ့ ကျောက်ဖြူမြို့ ရပ်ကွက်တချို့က ဒေသခံတွေဟာ နီးစပ်ရာ ကယ်ဆယ်ရေးစခန်းတွေမှာ ခိုလှုံနေကြရပါတယ်။ ကျောက်ဖြူမြို့သမ္ဗာန်ချောင်းရပ်ကွက်မှာနေထိုင်ခဲ့တဲ့ အလယ်တန်းပြဆရာမ မနီလာသန်းကတော့ နှစ်ဖက်မိသားစုပိုင်ဆိုင်တဲ့ အိုးအိမ်တွေ မီးရှို့တိုက်ခိုက်ခံရတဲ့အကြောင်းကို ပြောပြပါတယ်။ ကလေးငယ်တွေအပါအ၀င် နှစ်ဖက်မိသားစု ၁၄ဦးဟာ ပြေးစရာနေရာမရှိဘဲ သက်ဆိုင်ရာအာဏာပိုင်တွေစီစဉ်ပေးတဲ့ ကျောက်ဖြူမြို့ ကျောက်တစ်လုံးဆားကွင်းဒုက္ခသည်စခန်းမှာ အခုနေထိုင်နေရတယ်လို့ ပြောပြသလို တဆက်တည်းမှာဘဲ သူတို့နေ့စဉ်နေထိုင်ရတဲ့ ဒုက္ခသည်စခန်းထဲကအခြေအနေကို အခုလို ပြောပြပါတယ်။

“၂၄ရက်နေ့ကရောက်တယ်၊ သုံးထောင်နီးပါးရှိသွားပြီ၊ အကုန်လုံးပေါ့နော် ကလေးရောလူကြီးရော၊ အဲ့ဒါ စားဖို့သောက်ဖို့ကြတော့လေ သူတို့က စားဖို့ကြတော့ စစ်တပ်ကအကူအညီပေးနေပါတယ်၊ ဆန်တွေဘာတွေပေါ့နော်၊ ပြီးတော့ ညစာကတော့ပေါ့ မနက်ဖက် ဆန်တစ်ဘူး၊ ညနေဆန်တစ်ဘူး အဲ့ဒါပဲပေါ့။ ရေကတော့ သိပ်အဆင်မပြေဘူး၊ လုံးဝရေက မကောင်းဘူးလေ၊ ဆန်လောက်ပဲရတယ်။ ကျန်းမာရေးစောင့်ရှောက်မှုက သူတို့တပ်ကနေ ဆေးမှူးတွေဘာတွေ ချပေးထားပါတယ်။”

ကျောက်ဖြူမြို့မှာ ပိုက်ဆိပ်ရပ်ကွက်၊ သမ္ဗာန်ချောင်းရပ်ကွက်၊ အရာရှိရပ်ကွက်၊ တိုးချဲ့ရပ်ကွက် စတဲ့ရပ်ကွက်တွေဟာ အစ္စလာမ်ဘာသာကိုးကွယ်ကြတဲ့ ကမန်လူမျိုး အများစု နေထိုင်ကြတဲ့ ရပ်ကွက်တွေဖြစ်တယ်လို့ မနီလာသန်းကပြောပါတယ်။

” ဒီမှာကတော့လေ ဟုတ် ပိုက်ဆိပ်၊ ပိုက်ဆိပ်ရယ် ဆင်ဖြူမော်ရယ် နောက်ပြီးတော့ အရာရှိရပ်ကွက်၊ တိုးချဲ့ရပ်ကွက်ရယ် သမ္ဗာန်ချောင်းရယ် အနောက်ပိုင်းရယ် အဲ့ဒါတွေပဲ အဲ့ဒါတွေက မွတ်စလင်တွေနေတဲ့ရပ်ကွက်တွေလေ အကုန်လုံးတော့၊ ဒီကလူတွေက ကမန်တွေများတယ် ကမန်တွေများပြီးတဲ့အခါမှ ရောက်တာ”

အောက်တိုဘာလ ၂၄ရက်နေ့ အခင်းဖြစ်ပြီး နေအိမ်မီးထဲပါသွားတဲ့ ကျောက်ဖြူကုလားပိုက်ဆိပ်လို့ လူသိများတဲ့ ပိုက်ဆိပ်ရပ်ကွက်မှာနေထိုင်ခဲ့တဲ့ နောက်ထပ်မိသားစုတစ်စုကတော့ သူတို့ပိုင်ဆိုင်တဲ့လှေနဲ့ ကျောက်ဖြူပင်လယ်ဝမှာ နာရီအတော်ကြာနေခဲ့ပြီးရပြီးတဲ့နောက်ပိုင်း စစ်တွေဘက်ကို ခိုလှုံဖို့ အောက်တိုဘာလ ၂၅ရက်နေ့က ရောက်ရှိခဲ့ပါတယ်။ အဲ့ဒီမှာ စစ်တွေကနေ တစ်နာရီကျော်လောက်ဝေးတဲ့ သဲချောင်းဒုက္ခသည်ကယ်ဆယ်ရေးစခန်းမှာ ခိုလှုံနေရပြီး သူတို့ကြုံတွေ့ရတဲ့ ဒုက္ခအခက်အခဲတွေကိုတော့ ဆယ်ကျော်သက်ကလေးငယ်တစ်ဦးက အခုလိုပြောပြပါတယ်။

ရခိုင်များ အကြမ်းဖက်မှုကြောင့် စက်လှေဖြင့် ထွက်ပြေးစဉ် လမ်းတွင် သေဆုံးသွားသော မွတ်စလင် ကလေးငယ်

” သဲချောင်းမှာ ကျွန်တော်တို့ရောက်ခါစကနေပြီးတော့ ဟိုး အရင်တုန်းက ကျွန်တော်မရောက်ခင်မှာ စစ်တွေက ဟိုမှာမီးရှို့ခံရတဲ့လူတွေရှိတယ်လေ။ ဒုက္ခသည်တွေ။ အဲ့ဒါ သူတို့တွေက ဟိုး ကျွန်တော်တို့နဲ့မြင်ပြီးတော့ တစ်နာရီခွဲလောက်လမ်းလျှောက်ရတဲ့ အဲ့ဒီနေရာမှာနေကြတယ်။ ကျွန်တော်တို့က သူတို့နဲ့ တစ်မိုင်ခွဲလောက်တော့ ဝေးတယ်။ သူတို့မှာ ဒီ နယ်ကလူတွေက အိမ်ရှိတယ်။ သူတို့အိမ်တွေမှာနေပြီးတော့ ကျွန်တော်တို့ဒုက္ခသည်တွေကို နေပြီးတော့ သူတို့ နေရာလေးဘာလေး ချပေးထားတာပေါ့။ ဇိမ်နဲ့တော့ဘယ်နေရမှာလဲ၊ ဒုက္ခခံပြီးနေရတာပေါ့။ ဒီလိုပါပဲပေါ့ လူတွေက၊ တဲမှာနေပြီးတော့ ကတ်ပြားတွေဘာတွေခင်းပြီးတော့ အိပ်ကြတယ်။ ထမင်းကတော့ ဟိုမှာ ဆန်တစ်ဘူးကို လေးယောက် လေးယောက်လောက် စားရတာပေါ့။ နောက်အကုန်လုံး ဒီမှာရောက်တဲ့ လူတွေအကုန်လုံးက ပိုက်ဆိပ်ရပ်ကွက်နဲ့ ကမန်လူမျိုးများ ဒီမှာအကုန်လုံး ကမန်လူမျိုးတွေချည်းပဲ။ ကျန်တဲ့လူမျိုးတွေသိပ်မရှိဘူး။ ဘင်္ဂလီတွေဘာတွေ အဲ့ဒါတွေ မရှိဘူး။ တစ်ရာမှာ တစ်ယောက်လောက်ကတော့ ရှိမှာပေါ့။”

ကျောက်ဖြူမြို့ကရပ်ကွက်တစ်ချို့ မီးရှို့တိုက်ခိုက်ခံရမှုမှာ အိုးအိမ်ဘယ်လောက်ပျက်စီးသွားတယ်၊ လူဦးရေဘယ်လောက် ဒဏ်ရာရတယ်၊ သေဆုံးသူ ဘယ်နှစ်ဦးရှိတယ်ဆိုတာ ကိုတော့ ကျောက်ဖြူမြို့တစ်ခုတည်းအနေနဲ့တော့ မသိရှိရသေးပါဘူး။ ဒါပေမယ့် အစိုးရထုတ်ပြန်တဲ့ကိန်းဂဏာန်းတွေကို ကိုးကားပြီး ကုလသမဂ္ဂက ဒီကနေ့ ထုတ်ပြန်တဲ့စာရင်းမှာတော့ ရခိုင်ပြည်နယ်မှာ အောက်တိုဘာလ၂၁ရက်ကနေ ၂၆ရက်နေ့ဝန်းကျင်အထိ ဖြစ်ပွားခဲ့တဲ့ အကြမ်းဖက်မီးရှို့တိုက်ခိုက်မှုတွေမှာ အိမ်ခြေ လေးထောင့်ခြောက်ရာကျော် မီးလောင်ပျက်စီးသွားတယ်လို့ ပြောထားပါတယ်။ ကျောင်းဆရာမ မနီလာသန်းဟာ ၀န်ထမ်းဖြစ်တဲ့အလျောက် အစိုးရ၀န်ထမ်းအလုပ်ကိုသာ လုပ်လိုကြောင်း၊ သူတို့ပိုင်ဆိုင်မှုတွေဆုံးရှုံးသွားပြီ ဖြစ်တာကြောင့် လုပ်စားစရာ၊ နေစရာ၊ လုံခြုံမှုဆိုတာ မရှိတော့တာကြောင့် ရန်ကုန်မြို့ လိုနေရာမျိုးကိုသာ ပြောင်းရွှေ့နေထိုင်လိုကြောင်း RFA ကိုပြောပါတယ်။

ကျောက်ဖြူတင်မကဘဲ မင်းပြား၊ ရသေ့တောင်၊ မြေပုံ စတဲ့မြို့နယ်ခြောက်မြို့နယ်လောက်မှာ မီးရှို့တိုက်ခိုက်မှုတွေကြောင့် အိုးမဲ့အိမ်မဲ့ဖြစ်ရပြီး လူဦးရေ အနည်းဆုံး နှစ်သောင်းနှစ်ထောင်ကျော်လောက် ဘေးလွတ်ရာမှာထွက်ပြေးနေရတယ်လို့ ကုလသမ္မဂရဲ့ စာရင်းအရ သိရပါတယ်။
ပြီးခဲ့တဲ့ ဇွန်လတုန်းက ဖြစ်ခဲ့တဲ့ အကြမ်းဖက်မှုတွေကြောင့် အိုးမဲ့အိမ်မဲ့ဖြစ်ခဲ့ရတဲ့ ဒုက္ခသည်အရေအတွက်ကလည်း ခုနှစ်သောင်း ငါးထောင်လောက် ကယ်ဆယ်ရေး စခန်းတွေမှာ ခိုလှုံနေကြပြီးသား ဖြစ်ပါတယ်။ အခုဆိုရင် နောက်ထပ်တိုးလာတဲ့ဒုက္ခသည်တွေကို တွက်ကြည့်လိုက်ရင် ရခိုင်ပြည်နယ်ထဲမှာ ဒုက္ခသည်အရေအတွက်ဟာ တစ်သိန်းကျော်ရှိနေပြီလို့ ဆိုရမှာဖြစ်ပါတယ်။ နောက်ထပ်တိုးတဲ့ဒုက္ခသည်တွေအပြင် အရင်ရှိပြီးသားဒုက္ခသည်တွေကို နေရာပြန်လည်ချထားရေး၊ သူတို့တွေရဲ့စားဝတ်နေရေးနဲ့ ကလေးတွေရဲ့ပညာရေး စတာတွေဟာ ရခိုင်ပြည်နယ်အစိုးရနဲ့နေပြည်တော်အစိုးရအတွက် လတ်တလောရင်ဆိုင်နေရတဲ့ အကြပ်အတည်းတွေဖြစ်နေကြောင်း သတင်းတွေမှာ ရေးသားကြပါတယ်ခင်ဗျာ။