ဦးရာရှစ် တိုင်းပြည်ပေါ် သစ္စာရှိခြင်းမှာ အစ္စလာမ်ကြောင့်ဖြစ်သည်ဟု ဓမ္မကထိက ဦးအေးလွင် ပြော

နိုဝင်ဘာ၊ ၅ ၊ ၂၀၁၂

M-Media

သတင်း- နေသစ်ထွန်း

NLD နာယကကြီး ဦးဝင်းတင်၏ဘေးတွင် ထိုင်နေသူမှာ ဓမ္မကထိက ဦးအေးလွင် ဖြစ်ပါသည်။

အစ္စလာမ် သွန်သင်ချက်များ လိုက်နာမှုကြောင့် သာ ဦးရာရှစ် တိုင်းပြည်အပေါ် သစ္စာစောင့်သိ ရခြင်း ဖြစ်သည် ဟု အစ္စလာမ် ဓမ္မဗိမာန် မှ ဦးဆောင်ဆော်သြရေးမှူး ဦးအေးလွင်က ဦးရာရှစ် ရာပြည့် အခမ်းအနားတွင် ပြောကြားသွားသည်။ ၄င်းက ကုရ်အာန်နှင့် ဟာဒီးဆ်များ အနက် သွန်သင်ချက် ၃ခုဖြင့် ဦးရာရှစ် ၏ အရည်အချင်းကို နှိုင်းယှဉ်တင်ပြသွားခဲ့သည်။

ပထမ သွန်သင်ချက် ဖြစ်သည့်  ကိုယ်ကျင့်သိက္ခာနှင့် လူသားဝါဒ ကို ကုရ်အာန်က သွန်သင်ပုံကို ဤသို့ပြောကြားခဲ့သည်။

“ ကျမ်းတော်မြတ်ကုရ်အာန်မှာ လူသားအားလုံးတို့သည် ၀ိဥာဏ်တစ်ခုတည်းမှ ဖြစ်လာ၏ ။ အဲဒီ လူသား ဘယ်သူ မြတ်သလဲ ဆိုတာ တိုင်းထွာဖို့အတွက် Human Value အတွက် Criteria စံသည်  တက္က၀ါ လို့ခေါ်တဲ့ သီလ သမာဓိ ပညာဆိုသော သိက္ခာတရား သာလျှင် ဖြစ်ပါတယ် သူခန္ဓာကိုယ်ထဲမှာ စီးနေသော သွေးတွေ သူရဲ့ မျိုးရိုး ဇာတိတွေ ၊ ဗီဇတွေ နဲ့ မပတ်သက်ပါဘူး။ လူသားရဲ့ တန်ဖိုးကို ဆုံးဖြတ်မှာက ကိုယ်ကျင့် သိက္ခာ သာလျှင်ဖြစ်ပါတယ်။ ဇာတိ ဂုဏ်မာနတွေ မောက်နေတဲ့ အာရဗ်တွေ ကို တိုက်ရိုက် ကိုယ်တော်မြတ်က မိန့်ပါတယ်။ ဟေ့ အာရဗ်တွေ မင်းတုိ့ထက် အာရဗ်မဟုတ်သူတွေ မနိမ့်ကျဘူးနော်၊ ဟေ့ လူဖြူတွေ လူမည်းတွေဟာ မင်းတို့ထက် မနိမ့်ကျဘူးနော်။ လူရဲ့ တန်ဖိုးကို ကိုယ်ကျင့်သိက္ခာနဲ့ သာလျှင် ဆုံးဖြတ်မှာက ကိုယ်ကျင့်သိက္ခာသာဖြစ်ပါတယ်။ လူသားဝါဒကို ဘယ်လို တင်ပြသွားလဲ ဆိုတော့ မင်းတို့ မှတ်ထားကြ။ လူသားအားလုံး ဟာ အိမ်ထောင်စု တစ်စုတည်း။ မင်းတို့ အဖေဟာ တစ်ယောက်တည်း၊ ဒါပေမယ့် မင်းတို့ အဖေဟာ ပထ၀ီ မြေရုပ်နဲ့ လုပ်ထားတယ် ဆိုတာ မင်းတို့ မမေ့ကြနဲ့ ။

ဒုတိယ သွန်သင်ချက် ဖြစ်သည့် ဘာသာတရားများ ချစ်ကြည်ရေးနှင့် ပတ်သက်၍ အစ္စလာမ့်ယုံကြည်ချက် ကို ဦးအေးလွင်က ဤသို့ ပြောကြားသွားသည်။

“ အစ္စလာမ်ဟာ ဘာသာပေါင်းစုံချစ်ကြည်ရေး ကို လောက၀တ်အရ လုပ်နေကြတာမဟုတ်ဘူး။ ပွင့်လေပြီးသမျှသော လာချင်းကောင်းတော်မူသော မဟာလူသား ပုဂ္ဂိုလ်ထူး ပုဂ္ဂိုလ်မြတ် အဆူဆူကိုလက်မခံရင်မွတ်စလင် မဟုတ်ပါဘူး။ ၂၅ ပါးသော ပုဂ္ဂိုလ်ကို ကုရ်အာန်က အမည် နာမနဲ့ ဖေါ်ထားပါတယ်။ ခေတ်တိုင်းခေတ်တိုင်းနေရာတိုင်းမှာ ဒီပုဂိုလ် တွေပွင့်ခဲ့တယ်။တစ်ပါးကိုမှ ချန်ပြီးမယုံကြည်ပဲထားရင် သာသနာအပကိုရောက်သွားမယ်။ တစ်ပါးကိုမျှ ချန်ထားလို့ မရဘူး။ ၂၅ပါးကို ကုရ်အာန်ထဲမှာပါတယ်။ ကျန်တဲ့
ပုဂိုလ်များက ခေတ်တိုင်း လူမျိုးတိုင်းမှာ ပွင့်ခဲ့တဲ့ မဟာလူသား ပုဂိုလ်ထူးတိုင်းကို လက်ခံရမှာဖြစ်ပါတယ်။ ”

တတိယ သွန်သင်ချက် ဖြစ်သည့် နိုင်ငံချစ်စိတ် နှင့် ပတ်သက်၍ ဦးရာရှစ် ရာပြည့်အခမ်းအနားတွင် ဤသို့ ပြောကြားခဲ့သည်။
“မိမိ၏ တိုင်းပြည်ကို ချစ်ခြင်းသည် ယုံကြည်မှု သဒါ တရားရဲ့ ထက်ဝက်ဖြစ်၏ ။ ဒီလို မိန့်မှာ ထားပါတယ်။ ဦးရှာရှစ် ဟာ အိန္ဒိယနိုင်ငံသား အစ္စလာမ်ဘာသာကိုးကွယ်ပါတယ်။ ဒါပေမယ့် ဗိုလ်ချုပ် အောင်ဆန်း က ပြော တယ်။ သွေးတူတာထက် စိတ်တူတာ ပိုအရေးကြီးတယ်တဲ့။ နှလုံးသားရဲ့ သဏ္ဍာန်မှာ မတူညီမှုတွေရှိနေရင် ဘယ်တော့မှ ပေါင်းစည်းလို့ရမှာ မဟုတ်ဘူး။ နှလုံးသားရဲ့ တူညီမှု ဟာ အေးအတူ ပူအမျှ လက်ရည်တပြင် တည်း ၊ နေထိုင်ခဲ့ကြတဲ့ ပုဂ္ဂိုလ်ဟာ ဒီနိုင်ငံသည် တို့နိုင်ငံ ၊ ဒီနိုင်ငံသည် တို့ရဲ့ ကျေးဇူးသစ္စာစောင့် သိရမယ့် အရပ်ဒေသလို့ ခံယူထားခဲ့တဲ့ ဦးရာရှစ်ဟာ ကျမ်းမြတ်ကုရ်အာန်ရဲ့ နောက်ထပ် အဆုံးအမတစ်ခုက   ကမ္ဘာမြေကို အလှဆင်မှ အလ္လဟ်ချစ်မယ် တဲ့ ။ ကမ္ဘာမြေမှာ အဖျက်အမှောက်လုပ်ငန်း တွေ ဘယ်တော့မှ မလုပ်စေနဲ့ ”

နေသစ်ထွန်း