မြန်မာနိုင်ငံကို လူကုန်ကူးမှု အဆိုးဆုံး ကျူးလွန်သူစာရင်းတွင် အမေရိကန် ထည့်သွင်း

ဇွန် ၂၉၊ ၂၀၁၈
M-Media

– အမေရိကန်နိုင်ငံက ထုတ်ပြန်တဲ့ ကမ္ဘာ့ လူကုန်ကူးမှုဆိုင်ရာ အစီရင်ခံစာမှာ မြန်မာနိုင်ငံကို အဆိုးရွားဆုံးလူကုန်ကူးမှုကျူးလွန်တဲ့ နိုင်ငံစာရင်းမှာ ထည့်သွင်းထားပြီး ကလေးစစ်သားတွေကို ဆက်လက်အသုံးပြုနေဆဲ ဖြစ်တယ်လို့ ဖော်ပြထားပါတယ်။

Trafficking in Persons လို့ အမည်ပေးထားတဲ့ အဲဒီအစီရင်ခံစာမှာ မြန်မာနိုင်ငံဟာ ‘အဆင့် ၃’ မှာ အိမ်နီးချင်း လာအို၊ တရုတ်၊ မြောက်ကိုရီးယားတို့နဲ့အတူ ပါဝင်နေပါတယ်။ ‘အဆင့် ၃’ ဟာ လူကုန်ကူးမှုကို တားဆီးဖို့ အနိမ့်ဆုံးသတ်မှတ်ချက် မပြည့်တဲ့၊ ပြည့်မီအောင် မလုပ်ဆောင်တဲ့ နိုင်ငံတွေကို ထည့်သွင်းတာ ဖြစ်ပါတယ်။

လူကုန်ကူးမှုတိုက်ဖျက်ရေး နိုင်ငံတကာစံသတ်မှတ်ချက်တွေနဲ့ ကိုက်ညီအောင် ဆောင်ရွက်မှုရှိလားဆိုတာကို စီစစ်ကာ အမေရိကန်က နိုင်ငံ ၁၈၇ ကို အဆင့်သတ်မှတ်တာ ဖြစ်ပြီး လူကုန်ကူးမှုကိစ္စမှာ အပြည့်စုံဆုံး အစီရင်ခံစာလည်း ဖြစ်ပါတယ်။

ဒါပေမယ့် ဒီလိုအဆင့်သတ်မှတ်မှုကို အမေရိကန်က နိုင်ငံရေးအရ အသုံးချမှုတွေ ရှိတယ်လို့လည်း လူ့အခွင့်အရေးအဖွဲ့တွေက စွပ်စွဲထားပါတယ်။

မြန်မာနိုင်ငံ အဆင့်ကျင်ဆင်းသွားရတဲ့ အဓိက အကြောင်းအရင်းတွေထဲမှာ ရခိုင်ပြည်နယ်အတွင်း စစ်တပ်က ပြုလုပ်တဲ့ စစ်ဆင်ရေးကြောင့် ရိုဟင်ဂျာတွေ သိန်းနဲ့ချီ ဘင်္ဂလားဒေ့ရ်ှဖက်ကို ထွက်ပြေးသွားရတာလည်း ပါဝင်ပါတယ်။

မြန်မာနိုင်ငံအတွင်း စစ်တပ်နဲ့ တပ်မတော်တို့ဟာ ကလေးစစ်သားတွေကို ဆက်လက်စုဆောင်းနေဆဲဖြစ်ကြောင်း၊ ဒီကိစ္စ ရပ်တန့်အောင် ဆောင်ရွက်ရာမှာ အာဏာပိုင်တွေက ကုလရဲ့ ပါဝင်မှုကို တားဆီးကြောင်း၊ မတည်ငြိမ်တဲ့ ဒေသတွေမှာ လုံခြုံရေးဆိုင်ရာ အခြေအနေတွေကြောင့် ကလေးငယ်တွေကို လူသစ်စုဆောင်းမှုဟာ မြင့်တက်လာကြောင်း အစီရင်ခံစာမှာ ဖော်ပြထားပါတယ်။

အိုးအိမ်စွန့်ခွာ ထွက်ပြေးရတဲ့ ရိုဟင်ဂျာတွေ၊ ရခိုင်တွေ၊ ရှမ်းတွေ၊ ကချင်တွေဟာ စစ်တပ်ရဲ့ အဓမ္မ လုပ်အားခိုင်းစေမှုကို ခံရနိုင်တဲ့ အန္တရာယ်တွေရှိကြောင်းလည်း အစီရင်ခံစာက ဆိုပါတယ်။

လိင်ကုန်ကူးမှုနဲ့ လုပ်အားခေါင်းပုံဖြတ်မှုမှာ အစိုးရအာဏာပိုင်တွေ ပါဝင်နေပြီး၊ ကျူးလွန်သူတွေကို ဥပဒေစိုးမိုးရေးအဖွဲ့က ဖမ်းဆီးအရေးယူဖို့ ကြိုးစားမှုတွေ နှောက်ယှက်ခံနေရကြောင်း၊ လူကုန်ကူးမှုမှာ ပါဝင်တဲ့ တာဝန်ရှိသူတွေကို ရာဇ၀တ်မှုဆိုင်ရာ အရေးယူမှုတွေလုပ်ဖို့ အစိုးရက ဆောင်ရွက်မှုတစ်ချို့ ရှိတာကို တွေ့ရပြီး၊ အဓမ္မ လုပ်အားခိုင်းစေမှု၊ ကလေးလုပ်သား ကိစ္စတွေကို ဖြေရှင်းဖို့ အရပ်ဖက်တရားရုံးတွေရဲ့ ကြိုးစားမှုတွေမှာ စစ်တပ်ရဲ့ သြဇာလွှမ်းမိုးမှုက အဟန့်အတားဖြစ်နေကြောင်းလည်း အစီရင်ခံစာမှာ ထည့်သွင်းဖော်ပြခဲ့ပါတယ်။

လူကုန်ကူးမှုနဲ့ပတ်သက်ပြီး ရဲတပ်ဖွဲ့က အာရုံစိုက် ဆောင်ရွက်နေတာတွေဟာ လိင်ကုန်ကူးမှု၊ တရုတ်အမျိုးသားတွေနဲ့ အဓမ္မလက်ထပ်ခိုင်းပြီး အိမ်အကူအဖြစ် ခိုင်းစေမှုတွေ ဖြစ်တယ်လို့လည်း အမေရိကန်က ဆိုပါတယ်။

Ref: Frontier Myanmar