လေယာဉ်မှူးများ၏အိပ်ချိန်ကို အိန္ဒိယလေတပ် စစ်ဆေးမည်

စက်တင်ဘာ ၁၅၊ ၂၀၁၈
M-Media

အိန္ဒိယလေတပ်မှ လေယာဉ်တစ်ချို့

– ညဘက်တွေမှာ မအိပ်စက်ဘဲ ဆိုရှယ်မီဒီယာတွေကို အချိန်ကြာမြင့်စွာ အသုံးပြုတာတွေ ရှိလာတဲ့အတွက် လေယာဉ်မှူးတွေရဲ့ အိပ်စက်အနားယူချိန် လုံလောက်မှု ရှိ၊ မရှိ စစ်ဆေးနိုင်မယ့် စနစ်တစ်ခု ဖော်ဆောင်ဖို့ အိန္ဒိယလေတပ် အကြီးအကဲ ဗိုလ်ချုပ် ဘီရန်ဒါဆင်း ဒါနိုအာက တိုက်တွန်းလိုက်ပါတယ်။

မနေ့က ဘန်ဂါလူရူမြို့မှာ ကျင်းပခဲ့တဲ့ ၅၇ ကြိမ်မြောက် အိန္ဒိယ လေကြောင်း ဆေးဘက်ဆိုင်ရာ ညီလာခံမှာ ဒါနိုအာက ဒီလိုပြောကြားလိုက်တာပါ။

“လူတိုင်းက ညဉ့်နက်ပိုင်းမှာ ဆိုရှယ်မီဒီယာတွေကို အချိန်ကြာမြင့်စွာ သုံးတဲ့ပုံစံ ပေါ်နေပါတယ်။ လေကြောင်းဆိုင်ရာ အသိပေးရှင်းပြချက်တွေဟာ တစ်ခါတစ်ရံ မနက် ၆ နာရီလောက်မှာ လုပ်တဲ့အတွက် လေယာဉ်မှူးတွေဟာ အိပ်ရေးမ၀ကြပါဘူး”

စစ်တပ်မှာ လေယာဉ်မှူးတွေ အရက်သောက်ထားလားဆိုတာကို စစ်ဆေးတဲ့ စနစ်မျိုး ရှိသလို ကောင်းကောင်း အနားယူထားလားဆိုတာကို စစ်ဆေးဖို့ စနစ်တစ်ခု လိုအပ်တယ်လို့လည်း ဒါနိုအာက ဆိုပါတယ်။

“လေယာဉ်မှူးဟာ အိပ်ရေးဝလားဆိုတာကို စစ်ဆေးနိုင်မယ့် စနစ်တစ်ခု အခု ကျွန်တော်တို့ လိုအပ်နေပါတယ်”

အိန္ဒိယလေတပ်မှာ နာရီ တစ်သောင်း ပျံသန်းတိုင်း လေယာဉ်မတော်တဆမှု ၃ ခုလောက် ဖြစ်ပွားပြီး ဒါဟာ ကမ္ဘာတစ်ဝှမ်း လေတပ်တွေမှာ မတော်တဆဖြစ်မှုနှုန်း အမြင့်ဆုံး ဖြစ်ပါတယ်။

ဗိုလ်ချုပ် ဒါနိုအာက စစ်သားတွေကို ဆိုရှယ်မီဒီယာမသုံးဖို့ ပိတ်ပင်တားဆီးလို့ မရပေမယ့် စည်းနဲ့ကမ်းနဲ့ သုံးလာအောင် လုပ်ရမယ်လို့ ထည့်သွင်း ပြောဆိုခဲ့ပါတယ်။

၂၀၁၄ ခုနှစ်ကနေ ၂၀၁၈ ခုနှစ်အတွင်း အိန္ဒိယလေတပ်က လေယာဉ် ၃၁ စီး ပျက်ကျခဲ့ပါတယ်။ အဲဒီဖြစ်စဉ်တွေမှာ လေယာဉ်မှူး အိပ်ရေးမ၀တာကြောင့် ပျက်ကျတဲ့ အဖြစ်အပျက်မျိုး မပါပေမယ့် ဒါနိုအာက ၂၀၁၃ ခုနှစ်က မတော်တဆမှုတစ်ခုဟာ လေယာဉ်မှူး အိပ်ရေးမ၀တာကြောင့် ဖြစ်ပွားခဲ့တာဖြစ်တယ်လို့ ၀န်ခံခဲ့ပါတယ်။

“ဒီပြဿနာကို အဖြေရှာဖို့အတွက် ဆေးပညာရှင်တွေကို ကျွန်တော် တောင်းဆိုပါတယ်”

Ref: RT