မြောက်ဦးရှိ ရှေးဟောင်း စေတီတွင် ဗုဒ္ဓဆင်းတုတော်များ ဖျက်ဆီးခံရ

အောက်တိုဘာ ၂၀၊ ၂၀၁၈
M-Media

လေးမျက်နှာဘုရား

– ရခိုင်ပြည်နယ် မြောက်ဦးမြို့မှာရှိတဲ့ ‘လေးမျက်နှာစေတီ’ ထဲမှာ ဗုဒ္ဓရုပ်ပွား ဆင်းတုတော် တစ်ဒါဇင်းနီးပါး ဗုဒ္ဓဟူးနေ့က ဖျက်ဆီးခံခဲ့ရပြီး အာဏာပိုင်တွေနဲ့ ရှေးဟောင်းအမွေအနှစ် ထိန်းသိမ်းရေး တာဝန်ရှိသူတွေက ဒေသခံတွေ မူးရစ်ရမ်းကား ဖျက်ဆီးခဲ့တာဖြစ်တယ်လို့ ယူဆနေပါတယ်။

၁၄ ရာစုက တည်ထားကိုးကွယ်ခဲ့တဲ့ အဲဒီစေတီမှာ ရုပ်ပွားတော်ပေါင်း ၂၈ ဆူ ရှိနေတာဖြစ်ပြီး အဲဒီထဲက ၁၁ ဆူ ဖျက်ဆီးခံခဲ့ရတယ်လို့ မြောက်ဦးက အစိုးရထောက်ပံ့ပေးထားတဲ့ အမွေအနှစ်ထိန်းသိမ်းရေးအဖွဲ့ ဥက္ကဌ ဒေါ်ခန်သန်းက ပြောကြားခဲ့ပါတယ်။

“မြောက်ဦးမှာ လုံခြုံရေးတင်းကြပ်ဖို့ လိုအပ်နေပါတယ်။ လူတွေဟာ ဘုရားတွေထဲမှာ အရက်သောက်တာ၊ မူးယစ်ဆေးသုံးစွဲတာတွေ လုပ်နေတယ်လို့ ကျွန်မထင်ပါတယ်။ တစ်ချို့ ရုပ်ပွားတော်တွေမှာ ဦးခေါင်းတော် ပျက်ဆီးပြီး၊ တစ်ချို့တွေမှာ လက်တော်တွေ ကျိုးနေတာတွေ ရှိပါတယ်။ လုံခြုံရေး အားနည်းတာကြောင့် လူနေရပ်ကွက်တွေမှာရှိတဲ့ ရုပ်ပွား ဆင်းတုတော်တွေ ဖျက်ဆီးခံရတာတွေ ရှိပါတယ်”

မြောက်ဦးမြို့နယ် ရှေးဟောင်းသုတေသ၊ အမျိုးသားပြတိုက်နဲ့ စာကြည့်တိုက်များဌာန ညွှန်ကြားရေးမှူး ဦးသန်းထိုက်က အခင်းဖြစ်ရာနေရာကို သောကြာနေ့မနက်ပိုင်းမှာ စစ်ဆေးခဲ့တယ်လို့ ပြောကြားခဲ့ပါတယ်။ ကြာသာပတေးနေ့ညပိုင်းက လေးမျက်နှာဘုရားအတွင်း ရန်ဖြစ်သံတွေ ကြားခဲ့ရပေမယ့် သွားမကြည့်ရဲဘူးလို့ ဒေသခံတွေက ပြောကြားခဲ့တယ်လို့လည်း သူက ဆိုပါတယ်။

လေးမျက်နှာဘုရားမှာ လုံခြုံရေးအစောင့် ချထားဖို့အတွက် သူတို့ဌာနမှာ လူမရှိကြောင်း၊ ဘုရားရဲ့ ၀င်ပေါက် ၄ ခုမှာ တံခါးတွေ တပ်ဆင်ထားပေမယ့် ခိုင်ခံမှု မရှိတော့ကြောင်း ထည့်သွင်းပြောဆိုခဲ့ပါတယ်။

ဒေါ်ခင်သန်းက မြောက်ဦးမြို့ရဲ့ လူနေရပ်ကွက်တစ်ခုမှာ ဆင်းတုတော်တွေ ဖျက်ဆီးခံရတာ အခုအကြိမ်ဟာ ပထမဆုံး ဖြစ်တယ်လို့ ပြောကြားခဲ့ပါတယ်။

သာသနာရေးနဲ့ ယဉ်ကျေးမှု ၀န်ကြီးဌာနဟာ မြောက်ဦးမြို့ကို ကမ္ဘာ့သမိုင်းအမွေအနှစ်အဖြစ် စာရင်းဝင်နိုင်အောင် ကုလရဲ့ ယဉ်ကျေးမှုအဖွဲ့ ယူနက်စကိုမှာ လျှောက်ထားပါတယ်။

Ref: Irrawaddy
(ဧရာဝတီ သတင်းဌာန၏ အင်္ဂလိပ်ပိုင်းမှ သတင်းကို ကောက်နှုတ် ဘာသာပြန်ဆိုခြင်း ဖြစ်ပါသည်။)