အီရတ်တွင် မွတ်စလင်မိသားစုက IS ရန်ကိုအန်တုကာ ရှေးဟောင်းခရစ်ယာန်ကျမ်းစာများကို ကာကွယ်ပေးခဲ့

အောက်တိုဘာ ၂၀၊ ၂၀၁၈

M-Media

– အီရတ်နိုင်ငံ ဒုတိယမြို့တော် မူဆိုးလ်မြို့က မွတ်စလင်မိသားစုတစ်ခုဟာ ခရစ်ယာန်တွေရဲ့ ရှေးဟောင်း သမိုင်းဝင် ကျမ်းစာ ၂ အုပ်ကို IS ရန်ကနေ ၃ နှစ်ကြာ ကာကွယ်ပေးခဲ့ပြီးတဲ့နောက် ခရစ်ယာန်တွေဆီ ပြန်ပေးခဲ့ပါတယ်။

IS အကြမ်းဖက်အဖွဲ့ဟာ ၂၀၁၅ ခုနှစ်က မူဆိုးလ်မြို့ကို သိမ်းပိုက်ခဲ့တာဖြစ်ပြီး ခရစ်ယာန်တွေ၊ ရာဇီဒီတွေကို သတ်ဖြတ်တာ၊ မောင်းထုတ်တာ သူတို့ရဲ့ ဘာသာရေးအထွဋ်အမြတ်နေရာတွေကို ဖျက်ဆီးတာတွေ ပြုလုပ်ခဲ့ပါတယ်။ IS အကြမ်းဖက်သမားတွေဟာ မူဆိုလ်းက သမိုင်းဝင် အလ်-နူရီ ဗလီကြီးကိုလည်း ဖျက်ဆီးခဲ့သလို သူတို့ကို မထောက်ခံတဲ့ မွတ်စလင်တွေ၊ လူနည်းစုတွေကို ကာကွယ်ပေးတဲ့ မွတ်စလင်တွေကို သတ်ဖြတ်မောင်းထုတ်ခဲ့ကြပါတယ်။

မူဆိုလ်းက မိသားစုတစ်ခုဟာ ဆီရီအက် အော်သိုဒေါ့စ် ခရစ်ယာန်အသင်းတော်က သမိုင်းဝင် ကျမ်းစာအုပ် နှစ်အုပ်ကို တွေ့ရှိခဲ့ပြီးတဲ့နောက် IS တွေမသိအောင် ၃ နှစ်ကြာ ဖွက်ထားခဲ့ပြီး၊ IS လက်ကနေ မူဆိုးလ်မြို့ လွတ်မြောက်တဲ့အခါ ဒီကျမ်းစာတွေကို ချာလ်ဒီယန် ခရစ်ယာန်လူ့အဖွဲ့အစည်းကို အပ်နှံခဲ့ပါတယ်။

ဖာသာ သာဘစ် မက်ကိုက ချာလ်ဒီယန်လူမျိုးတစ်ယောက် သူ့ကို ဆက်သွယ်လာပြီး သူနဲ့ လွန်ခဲ့တဲ့ နှစ် ၂၀ လောက်ကတည်းက ခင်လာခဲ့တဲ့ မွတ်စလင်အိမ်နီးချင်းတစ်ဦးက စိတ်ချရသူကို ကျမ်းစာအုပ်နှစ်အုပ် အပ်ချင်တယ်လို့ ပြောကြောင်း Asia News သတင်းဌာနကို ပြောကြားခဲ့ပါတယ်။

“ဒီလို ဖွက်ထားတာကို IS တွေသာ တွေ့သွားရင် အသတ်ခံရမယ်ဆိုတာ သူလည်း သိတယ်ဗျ”

လက်ရှိ အဲဒီ သမိုင်းဝင် ကျမ်းစာအုပ် နှစ်အုပ်ကို မိမိက ထိန်းသိမ်းထားပြီး မူလပိုင်ရှင်ဆီ ပြန်အပ်သွားမှာဖြစ်ကြောင်း၊ ကျမ်းစာအုပ် ပြန်အပ်တဲ့သူက IS ရဲ့ လျှို့ဝှက်အဖွဲ့ဝင်တွေ ရှိနိုင်တဲ့အတွက် သူ့ရဲအမည်ကို ဖော်ပြခြင်းမပြုဖို့ မေတ္တာရပ်ခံခဲ့ကြောင်း ဖာသာက ထည့်သွင်းပြောဆိုခဲ့ပါတယ်။

“လွန်ခဲ့တဲ့ ရက်အနည်းက ကျွန်တော် မူဆိုးလ်မြို့ကို သွားခဲ့ပြီး အဲဒီ ခရစ်ယာန်နဲ့ မွတ်စလင် သူငယ်ချင်းနှစ်ယောက်ကို တွေ့တယ်။ မွတ်စလင်အမျိုးသားက ကျွန်တော့်ကိုယုံကြည်ပြီး ကျမ်းစာအုပ်နှစ်အုပ်ကို အပ်ပါတယ်”

ကျမ်းစာအုပ်ကို တွေ့တာနဲ့ ဒါဟာ မူဆိုးလ်မြို့ ဆီရီအက် အော်သိုဒေါ့စ်ဘုရားကျောင်းတစ်ခုက ကျမ်းစာဖြစ်တယ်လို့တာ ဖာသာ သာဘစ်က သိရှိခဲ့ပါတယ်။ ဘုရားကျောင်းကတော့ IS တွေရဲ့ ဖြိုချဖျက်ဆီးခြင်းကို ခံခဲ့ရပြီး ဖာသာက အပျက်အဆီးတွေကြားထဲမှာ နောက်ထပ် ကျမ်းစာတွေ တွေ့နိုင်မလားဆိုတာကို သွားရှာချင်တယ်လို့ ဆိုပါတယ်။

“ကျမ်းစာအုပ်တွေကို ပေးပြီးသွားတဲ့အခါ အဲဒီမွတ်စလင်က – မွတ်စလင်အားလုံးဟာ IS ကို လက်ခံတာမဟုတ်ဘဲ အများစုက ခရစ်ယာန်တွေကို ညီအစ်ကိုလို သဘောထားကာ သူတို့ရဲ့ ကျမ်းစာတွေကို အသက်ပေးကာကွယ်ကြမယ့်သူတွေ ဖြစ်တယ်လို့ – ကျွန်တော့်ကို ပြောပါတယ်။ အာဂသတ္တိခဲပါပဲ”

Ref Asia News