အပစ်အခတ်ရပ်ဆဲရေး သဘော တူညီချက်ရအပြီး အစ္စရေးတို့ ပါလစ္စတိုင်း လူငယ်တစ်ဦးကို ပစ်သတ်

M-Media

နိုဝင်ဘာ ၂၄၊ ၂၀၁၂

www.guardian.co.uk

ဂါဇာနယ်စပ်ရှိ အစ္စရေးခံတပ်မှ စစ်သားများ

အီဂျစ်တို့ ကြားဝင်စေ့စပ်ပေးမှုဖြင့် ရရှိခဲ့သော ဟားမတ်စ်နှင့် အစ္စရေးတို့အကြား အပစ်အခတ်ရပ်ဆဲရေး သဘောတူညီ မှုနောက်ပိုင်း အစ္စရေးဘက်မှ ပါလစ္စတိုင်း အရပ်ဘက်တစ်ဦးကို အပစ်အခတ်ကင်းမဲ့ဇုံအတွင်း ပစ်သတ်ခဲ့ကြောင်း ဂါးဒီးယန်း သတင်းက ဖော်ပြသည်။ အစ္စရေးတို့ ပစ်ခတ်မှုကြောင့် အခြား ၇ဦး လည်း ဒဏ်ရာရခဲ့ကြောင်း သိရသည်။

အသတ်ခံခဲ့ရသူမှာ အသက်နှစ်ဆယ် အရွယ်ကျော်ရှိသည့် အန်ဝါရ် ကုဒီးယာဆို သူဖြစ်ပြီး ၄င်းသည် အပစ်အခတ်ရပ်ဆဲရေး သဘောတူညီချက်ရရှိအပြီး ဥယျာဉ်ခြံစိုက် ပျိုးရေး ပြန်လည် လုပ်ကိုင်ဖို့ ဆွေမျိုးများထံသို့ ပြန်အလာတွင် ကြမ္မာငင်ခဲ့ ရခြင်းဖြစ်သည်။ သို့သော် အခြားသတင်းတစ်ခုအရမူ သူသည် ဟားမတ်စ်အလံအား အစ္စရေးအကာအကွယ် ခံတပ်တစ်ခု အနီးတွင် စိုက်ထူဖို့ ကြိုးစားသဖြင့် ၄င်းအား ပစ်သတ် ခဲ့ခြင်းဖြစ်သည်ဟုလည်း သိရသည်။

အခြားသော ရာနှစ်ချီသည့် ပါလစ္စတိုင်းများကလည်း အစ္စရေးတို့ကိုအံတုကာ ကိုက် ၃၀၀ ကန့်သတ်ဇုံသို့ဝင်ရောက်ခဲ့ကြသည်။ နှစ်ဘက်စလုံးက တဘက်နှင့် တဘက် အပြန်အလှန် အပစ်အခတ်ရပ်ဆဲရေးသဘောတူညီထားချက် ကို ချိုးဖောက်သည်ဟု စွပ်စွဲနေကြသည်။ အစ္စရေးစစ်တပ် ၏ ပြောခွင့် ရပုဂ္ဂိုလ် အဗီတဲလ် လိုင်ဘိုပစ်ခ်ျကမူ ဂါဇာခံတပ်ကို ဖြတ်ပြီး အစ္စရေးဘက်သို့ ၀င်ရောက်ဖို့ ကြိုးစားခြင်းသည် အပစ်အခတ်ရပ် ဆဲရေး သဘောတူ ထားချက်ကို ချိုးဖောက်ခြင်းဖြစ်သည်ဟု မှတ်ချက်ပေးသည်။

ဟားမတ်စ်တို့ကမူ အစ္စရေးတို့၏ ဂါဇာဘက်သို့ ပစ်ခတ်မှုကသာလျှင် သဘောတူညီချက်အား ချိုးဖောက်ခြင်းမည်ကြောင်း၊ သို့သော် အပစ်အခတ်ရပ် ဆဲရေးသဘောတူထားချက်ကို ထိမ်းသိမ်းရ မည်ဖြစ်ပြီး ကြားဝင်စေ့စပ်ပေးသည့် အီဂျစ်ကိုလည်း ယခုကဲ့သို့သော အဖြစ်အပျက်မျိုး ထပ်မံဖြစ်မ လာစေဖို့ သတိပေးကြောင်း ပြောကြားသည်။

အစ္စရေးစစ်တပ်က ယခုကဲ့သို့ပင် အစ္စရေးဘော်ဒါသို့ချဉ်းကပ်သည့် ဂါဇာဘက်တွင်ပင်ရှိနေသေးသော အရပ်သားများကို ပစ်ခတ်လေ့ရှိသည်ဟု ဂါးဒီးယန်းက ဖော်ပြသည်။ အစ္စရေးကမူ အကြမ်းဖက်သမားများ အစ္စရေးသို့ဝင်မလာစေဖို့ ကာကွယ်ခြင်းဖြစ်သည်ဟု အကြောင်းပြပြောဆိုသည်။

ပါလစ္စတိုင်းလူငယ်အချို့က နယ်စပ်ဒေသရှိ အစ္စရေးခံတပ်များကို မခံချင်အောင်ပြောဆိုမှုများရှိကြောင်း၊ ထို့အတွက် အစ္စရေးစစ်တပ်က ပစ်ခတ်မည် ဟု ခြိမ်းခြောက်သော်လည်း ၄င်းတို့က ဆက်လက်ပြုလုပ်ကြသဖြင့် ယင်းသို့သော လူသေမှုဖြစ်လာကြောင်း အေပီသတင်းအရသိရသည်။ ဟားမတ်စ် တို့ကမူ ပါလစ္စတိုင်းတို့အား နယ်စပ်အနီးတွင် မနေကြဖို့ တိုက်တွန်းနှိုးဆော်ထားကြောင်း သိရသည်။