၁၉၈၃ ခုနှစ် သန်းခေါင်စာရင်းအရ ရခိုင်ပြည်နယ်ရှိ လူဦးရေ အချိုးအစား

ဒီဇင်ဘာ ၉ ၊ ၂၀၁၂
M-Media
ဦးဦးမှော်ဆရာ

{ Popular Myanmar News ဂျာနယ် >>> ရခိုင်ပြည်နယ် အရေးနှင့် ပက်သက်သော တွေဆုံ ရှင်းလင်းပွဲတွင် နောက်ကွယ်မှ ကြိုးကိုင်သူများကို လက်ရှိတွင် စုံစမ်း စစ်ဆေးနေပြီ ဖြစ်ပြီး ခိုင်လုံသော အထောက်အထားများ ရရှိပါက ပြောကြားချပြ သွားမည်ဖြစ်ကြောင်း ရဲချုပ် ကျော်ကျော်ထွန်းကပြောကြားပြီး၊ လက်ရှိတွင် ထိုအရေအတွက် သက်ဆိုင်ရာမှ ၁ ဦး၊ဘင်္ဂလီ မူဆလင် ၁ ဦး ၊ ရဲ ဌာန မှ တစ်ဦးနှင့် ရပ်ကွက် အုပ်ချုပ်ရေး ၃ ဦးပါဝင်သော ၆ ဦးပါ အဖွဲ့ များမြို့နယ် အလိုက် စိစစ်နေကြောင်း၊ ဒုတိယဗိုလ်ချုပ်ကြီး သိန်းဌေးမှ လည်း အယ်ဂျားဇီးယား သတင်းဌာန မှ ဘင်္ဂလီများလူမျိုးတုံးရေးခေါင်းစဉ်ဖြင့် ထုတ်လွှင့်ရန် ကြားသိရကြောင်း၊
သို့သော် လည်း ဘင်္ဂလီမူဆလင်တို့ ၏ လူဦးရေ တိုးတက်မှုမှာ ရခိုင်ပြည်နယ်တွင် ၁၉၈၂ ခုနှစ်၌ လူဦးရေ ၁ သိန်းမှ ၂၀၁၂ ခုနှစ် တွင် လူဦးရေ ၁၀ သိန်းအထိ ရှိလာသောကြောင့် တိုးပွားလာမှု နှင့် မျိုးတုံးမှုတို့ကို မိမိတို့ ဦးနှောက်ဖြင့်သာ စဉ်းစားစေလိုကြောင်း ပြောကြားသွားသည်။
(အလဲဗင်းက ရေးထားတဲ့သတင်းမှာတော့ – ၁၉၈၀ ၀န်းကျင်က ရခိုင်ပြည်နယ်၌ ဘင်္ဂါလီလူမျိုး နှစ်သိန်းခွဲခန့်ရှိပြီး ယခု ၂၀၁၂ ခုနှစ်တွင် တစ်သန်းရှိကြောင်း – လို့ ရေးထားပါတယ်။) }

Census of 1983 (Rakhine State)

ဒီသတင်းကိုဖတ်မိတော့ ကျနော်ဖတ်ဖူးတာလေးတွေ ပြန်ရှာကြည့်မိတယ် ။ ဒီပုံပါ သန်းခေါင်စာရင်းအရ ၁၉၈၃ ခုနှစ်မှာ ရခိုင်ပြည်နယ်မှာ မွတ်ဆလင်အရေအတွက်ဟာ ၅၈၂၉၈၄ ဦးခန့် ရှိကြောင်း တွက်ကြည့်ရင် သိနိုင်ပါတယ်။ မဆလခေတ်သန်းခေါင်စာရင်းရဲ့ ထူးခြားချက်တစ်ခုကတော့ ရခိုင်ပြည်နယ်မှာရှိတဲ့ မွတ်ဆလင်များ အားလုံးကို ရိုဟင်ဂျာ၊ ကမန်၊ မြေဒူး၊ ဘင်္ဂါလီ၊ ရခိုင် စသဖြင့် လူမျိုးအရသတ်သတ်မှတ်မှတ် မခွဲခြားထားဘဲ အားလုံးကို ခြုံငုံပြီး ဘင်္ဂလားဒေ့ရ်ှနိုင်ငံသား ဘင်္ဂါလီများ၊ တနည်းအားဖြင့် နိုင်ငံခြားသားများ အဖြစ် သတ်မှတ်ထားတာ တွေ့ရပါတယ်။

May Yu District in Myanmar Encyclopedia

ဒီလောက်နဲ့မကျေနပ်သေးတော့ လူပြောသူပြောများတဲ့ စာအုပ်တစ်အုပ်ဖြစ်တဲ့ ၁၉၆၄ ခုနှစ် စာပေဗိမာန်ထုတ် မြန်မာ့စွယ်စုံကျမ်း အတွဲ(၉) ကိုပြန်ကြည့်မိတယ်။ အဲဒီစာအုပ်ရဲ့ စာမျက်နှာ (၉၀) မှာ ဒီလို ဖေါ်ပြထားတာ တွေ့ရပါတယ်။ မေယုနယ်ခြားခရိုင်တွင် လူဦးရေ (၄) သိန်း (၅) သိန်း ခန့်ရှိရာ လူအများစု (၇၅% ခန့်) မှာ ရိုဟင်ဂျာ လူမျိုးများဖြစ်တယ်လို့ ဖေါ်ပြထားပါတယ်။ ဒီတော့ အဲဒီစာအုပ်မှာဖေါ်ပြထားတဲ့ ရိုဟင်ဂျာဆိုတာ ခုလက်ရှိ ဘင်္ဂါလီအဖြစ် လူမျိုးပြောင်းသွားတဲ့ လူမျိုးစုကို ရည်ညွှန်းတာဆိုတော့ ၁၉၆၄ ခုနှစ် မှာတောင်မှ မေယုခရိုင် တစ်ခုတည်းမှာတင် အနည်းဆုံး လူဦးရေ ၃ သိန်းကျော်ရှိခဲ့တာ သေချာပါတယ်။

ဒီတော့ ဗိုလ်သိန်းဌေးက ဘယ်အချက်အလက်ကို အခြေခံပြီး ၁၉၈၂ခုနှစ်မှာ ဘင်္ဂါလီ တစ်သိန်းရှိတယ်လို့ ပြောတာလဲ ။ နောက်ပြီး ခုလို Press Briefing တစ်ခုမှာ ပြောဆိုခြင်းဟာ Official Record တစ်ခုအနေနဲ့ ဖြစ်သွားနိုင်တယ် ဆိုတာသိသိကြီးနဲ့ ဘယ်လိုရည်ရွယ်ချက်နဲ့ စာရင်းမှား ပြောတာလဲ စဉ်းစားစရာပဲ။

ရုတ်တရက် ဒီသတင်းဖတ်မိရင် `ဟ.. ဒီနှစ်တွေအတွင်း လူဦးရေ ဆယ်ဆလောက်တိုးတက်လာတာပဲ´ လို့ တွေးမိပြီး ဒီလို လူဦးရေတိုးပွားလာတာဟာ ဟိုဘက်နိုင်ငံကလူတွေ အပျင်းပြေပါးရိုက်ခံဖို့ မြန်မာပြည်ဘက် ခိုးဝင်လာကြသူတွေလား၊ သူတို့ပြောသလို အပျော်တမ်း ကလေးမွေးနေကြလို့လား.. စသဖြင့် သို့လောသို့လော တွေးမိနိုင်ပါတယ်။ ဒီလို အယုံအကြည်ကင်းမဲ့တဲ့ စိတ်၊ သံသယစိတ်ဟာ လက်ရှိဖြစ်ခဲ့တဲ့ ပြဿနာရဲ့ အဓိကလောင်စာပါ။

အစိုးရဟာ ခိုးဝင်လာသူမရှိပါဘူး၊ ရခိုင်ပြည်နယ်မှာရှိတဲ့ လူမျိုးစုနှစ်စု အချင်းချင်းပြန်လည်သင့်မြတ်အောင် နည်းလမ်းရှာနေပါတယ်လို့ ကမ္ဘာပတ်ပြီးပြောနေပေမဲ့ တကယ့်ဒေသခံပြည်သူတွေရဲ့ စိတ်ထဲမှာ အဲဒီသံသယစိတ်ကို မပျောက်သွားဘဲ အမုန်းတရားများဆက်လက် ရှိနေအောင် ၊ တငွေ့ငွေ့တောက်လောင်နေအောင် လုပ်နေသလားလို့တွေးမိတယ်။

နိုင်ငံဖြတ်ကျော်ခိုးဝင်လာသူတွေရှိရင်လည်း ဘယ်သူ့ကိုမဆို တရားဥပဒေ အရ စီရင်ရမယ်။ ဒီလိုပါပဲ .. ခိုးဝင်လာသူမဟုတ်မှန်း သေချာရင်လည်း ဘယ်သူ့ကိုမဆို တရားဥပဒေရဲ့ အကာအကွယ်ကို မျှမျှတတရရှိစေဖို့ အစိုးရကတာဝန်ခံရပါမယ်။ အခု ဒီအစိုးရလုပ်ပုံက ရခိုင်ပြည်နယ်မှာဖြစ်နေတဲ့ လူသတ်၊ မီးရှို့ စတဲ့လှုပ်ရှားမှု သက်သက်ကိုသာ ခေတ္တခဏ ရပ်တန့်အောင် လုပ်ဆောင်နေတာဖြစ်ပြီး ၊ လိုအပ်လာရင် အချိန်မရွေး ပြန်ပေါက်ကွဲစေဖို့အတွက် လောင်စာတွေကိုတော့ မရှင်းလင်းဘဲ အဆင်သင့်ချန်ထားတဲ့ အနေအထားမျိုး ဖြစ်နေတယ်။

တွေးရင်း တွေးရင်း .. တွေးမိသမျှ မရေးချင်တော့ဘူး။

နောက်ဆုံး လက်မှိုင်ချရင်း စိုးရိမ်မိတာ တစ်ခုပဲရှိတယ်။

၂၀၁၅ ရွေးကောက်ပွဲကို ထပ်ပြီးမျှော်လင့်ရင်း လူထုအကြိုက်လုပ်ဖို့ ဂွင်အမျိုးမျိုး ဖန်တီးနေတဲ့ လက်ရှိအစိုးရနဲ့ ၂၀၁၅ ရွှေးကောက်ပွဲအတွက် စိတ်ကုးယဉ်ရင်း လူမုန်းမခံရအောင် ကျင်လည်စွာရှောင်တိမ်းခြင်းပညာကို အံ့မခန်းထုတ်ပြနေတဲ့ အတိုက်အခံတို့ကြားမှာ ဘောလီဘောပုတ်နေကြရင်း တရားခံတွေ တရားဥပဒေ ရှေ့ ရောက်မှ ရောက်ပါ့မလားလို့ …..။