မိုခါမုန်တိုင်းသင့်ပြည်သူများအတွက် နိုင်ငံတကာက အကူအညီပေးမှုကို စစ်ကောင်စီ ပိတ်ပင်

ဇွန် ၁၁၊ ၂၀၂၃

M-Media 

-ရခိုင်ပြည်နယ်က မိုခါမုန်တိုင်းသင့် ပြည်သူတွေထံ သွားရောက် အကူအညီပေးနေတဲ့ နိုင်ငံတကာအဖွဲ့တွေကို အာဏာသိမ်း စစ်ကောင်စီက တားမြစ် ပိတ်ပင်လိုက်ပါတယ်။ 

ပြီးခဲ့တဲ့လက တိုက်ခတ်ခဲ့တဲ့ အဲဒီမုန်တိုင်းကြောင့် မြန်မာနိုင်ငံမှာ အနည်းဆုံး ၁၄၈ ဦး သေဆုံးခဲ့ပြီး လူသိန်းနဲ့ချီ အိုးအိမ်တွေ ဆုံးရှုံးခဲ့ပါတယ်။ မုန်တိုင်းဒဏ်ကို ရခိုင်ပြည်နယ်က အဓိက ခံစားခဲ့ရတာပါ။  

ကုသမဂ္ဂ လူသားချင်း စာနာထောက်ထားမှုဆိုင်ရာ အကူအညီပေးရေးရုံးက စစ်ကောင်စီဟာ အကူအညီပေးရေးအဖွဲ့တွေ ရခိုင်ပြည်နယ်သွားရောက်မှုကို ပြီးခဲ့တဲ့တစ်ပတ်ကစပြီး တားမြစ်လိုက်တယ်လို့ သောကြာနေ့က ထုတ်ပြန်ပါတယ်။ 

အရင်ခွင့်ပြုချက်အရ လုပ်ဆောင်နေတဲ့ အကူအညီပေးရေးလုပ်ငန်းတွေကိုလည်း ဆက်မလုပ်ဖို့ စစ်ကောင်စီက ပိတ်ပင်ခဲ့ပါတယ်။ 

ဒီလုပ်ရပ်ကြောင့် ရခိုင်ပြည်နယ်က လူသိန်းနဲ့ချီ အကူအညီတွေဆုံးရှုံးကာ အတိဒုက္ခရောက်လိမ့်မယ်လို့ ကုလရဲ့ ကြေငြာချက်မှာ ထည့်သွင်းဖော်ပြထားပါတယ်။ 

မြန်မာတစ်နိုင်ငံလုံးမှာ မုန်တိုင်းဒဏ် ခံစားရသူ အရေအတွက်ဟာ ၁ ဒဿမ ၆ သန်းလောက် ရှိပြီး ဒီလူတွေကို ကူညီဖို့အတွက် ကန်ဒေါ်လာ ၃၃၃ သန်း လိုအပ်မယ်လို့ ကုလက ခန့်မှန်းတွက်ချက်ထားပါတယ်။ 

Ref: AFP