ပြစ်ဒဏ်အားလုံး လွတ်ငြိမ်းချမ်းသာခွင့်ရရန် မလေး၀န်ကြီးချုပ်ဟောင်း ကြိုးပမ်းမည်

ဖေဖော်၀ါရီ ၇၊ ၂၀၂၄

M-Media

-ခြစားမှုနဲ့ ထောင်ဒဏ်ကျခံနေရတဲ့ မလေးရှား၀န်ကြီးချုပ်ဟောင်း နာဂျစ်ရာဇတ်ဟာ ပြစ်ဒဏ်အားလုံး လွတ်ငြိမ်းချမ်းသာခွင့်ရရေး အယူခံထပ်တင်ဖို့ စီစဥ်နေပါတယ်။ 

မလေးရှားဘုရင် ဦးဆောင်တဲ့ အယူခံဘုတ်အဖွဲ့က နာဂျစ်ရဲ့ ထောင်ဒဏ် ၁၂ နှစ်ကို ၆ နှစ်၊ ဒဏ်ငွေ ရင်းဂစ် သန်း ၂၁၀ ကို သန်း ၅၀ အထိ ပြီးခဲ့တဲ့တစ်ပတ်မှာ လျှော့ပေါ့ပေးခဲ့ပါတယ်။ 

နာဂျစ်ရဲ့ ရှေ့နေ ရှာဖီ အဘ်ဒူလာက မျှတတဲ့ တရားစီရင်ရေး မရခဲ့ဘူးဆိုတဲ့ ထောက်ပြချက်နဲ့ ပြစ်ဒဏ်အားလုံး လျှော့ပေါ့ပေးရေး ဘုရင်ထံ အသနားခံစာ ထပ်တင်ဖို့ စဥ်းစားနေတယ်လို့ ဖေဖော်၀ါရီ ၇ ရက်နေ့မှာ ပြောကြားခဲ့ပါတယ်။ 

နာဂျစ်ဟာ နိုင်ငံပိုင် ရင်းနှီးမြှုပ်နှံမှုလုပ်ငန်း 1MDB က ငွေကြေး ဘီလီယံချီ အလွဲသုံးစား လုပ်ခဲ့တယ်ဆိုတဲ့ စွဲချက်နဲ့ အာဏာလက်လွတ်ချိန်မှာ ဖမ်းဆီးတရားစွဲဆိုခံခဲ့ရတာဖြစ်ပါတယ်။ 

Ref : CNA