ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၉)

M-Media

ဟစ်ဇ်ဘိုလာ၏ လက်တုန့်ပြန်တိုက်ခိုက်မှု ၂ ဦးသေဆုံး
————
ပြီးခဲ့တဲ့ရက်ပိုင်းက အစ္စရေးမြောက်ပိုင်းကို ဟစ်ဇ်ဘိုလာရဲ့ ဒုံးကျည်တွေနဲ့ ပစ်ခတ်တိုက်ခိုက်မှုအတွင်း အနည်းဆုံး ၂ ဦး သေဆုံးခဲ့ပါတယ်။ ဟစ်ဇ်ဘိုလာက သူတို့ဟာ လက်ဘနွန်ထဲ၀င်လာတဲ့ အစ္စရေးတပ်တွေကို ခုခံတိုက်ထုတ်နေတယ်လို့ ထုတ်ပြန်ထားပါတယ်။

လက်ဘနွန်ကိစ္စ ကျူးကျော်မှုဟု စပိန်၀န်ကြီးချုပ်ပြော
———–
လက်ဘနွန်ကို အစ္စရေးရဲ့ တိုက်ခိုက်မှုဟာ အချုပ်အခြာအာဏာပိုင် နိုင်ငံတစ်ခုကို ကျူးကျော်တိုက်ခိုက်မှုဖြစ်ပြီး နိုင်ငံတကာအသိုင်းအ၀ိုင်းက တားဆီးဖို့ ဆောင်ရွက်ရမယ်လို့ စပိန်၀န်ကြီးချုပ် ပက်ဒရိုဆန်းချက်က ပြောပါတယ်။ ယူကရိန်းကို ရုရှားက ကျူးကျော်မှု၊ ဂါဇာကို အစ္စရေးက ကျူးကျော်မှုတွေကို မိမိတို့က ရှုတ်ချခဲ့သလို လက်ဘနွန်ကိစ္စကိုလည်း ရှုတ်ချတယ်လို့ ၀န်ကြီးချုပ်က ဆိုပါတယ်။

ဂျာဘာလီယာ ဒုက္ခသည်စခန်းတွင် လူ ၄၀ ကျော် အသတ်ခံရ
———-
ဂါဇာကမ်းမြှောင် မြောက်ပိုင်း ဂျာဘာလီယာ ဒုက္ခသည်စခန်းမှာ ၅ ရက်ကြာမြင့်နေပြီဖြစ်တဲ့ အစ္စရေးရဲ့ တိုက်ခိုက် သတ်ဖြတ်မှုမှာ သေဆုံးသူအရေအတွက်ဟာ ၄၃ ဦး ရှိလာပြီ ဖြစ်ပါတယ်။ ဒီ ဒုက္ခသည်စခန်းဟာ အစ္စရေးရဲ့ အကြိမ်ကြိမ် စီးနင်းတိုက်ခိုက်မှုကို ခံနေရတဲ့စခန်း ဖြစ်ပါတယ်။ ဂါဇာမှာ တစ်နှစ်အတွင်း အစ္စရေးရဲ့ သတ်ဖြတ်မှုကိုခံရသူ ၄၂၀၀၀ ကျော်လာပြီ ဖြစ်ပါတယ်။

Ref: Aljazeera