ဘုံးအိုး အာရဗီ တက္ကသိုလ် ကျောင်းအုပ် ဆရာကြီးနှင့် အင်တာဗျူး

ဇန်နဝါရီ ၇ ၊ ၂၀၁၃
M-Media

အမ်တူးအေ

မန္တလေးမြို့၊ အမရပူရမြို့နယ်၊ ဘုံးအိုးကျေးရွာရှိ အာရဗီတက္ကသိုလ်ကျောင်း

မန္တလေးမြို့၊ အမရပူရမြို့နယ်၊ ဘုံးအိုးကျေးရွာရှိ အာရဗီ တက္ကသိုလ်ကျောင်း မှ ကျောင်းအုပ်ဆရာကြီးကို M-Media မှ မေးမြန်းခွင့် ရရှိခဲ့ပါတယ်။

M-Media – ဆရာ့နာမည်လေး ပြောပြပေးပါဦး
ဖြေ – ကျွန်တော့် အာရဗီနာမည်က ဟကင်။ မော်လ၀ီဟကင်ပါ။ မြန်မာနာမည်ကတော့ ဦးအောင်သန်းပေါ့။

M-Media  – ကျောင်းရဲ့ အကြောင်းလေး ပြောပြပေးပါ ဆရာ။
ဖြေ – ၁၉၄၇-ခုနှစ်က ဒီကျောင်းကို စတင်တည်ထောင်ခဲ့ပြီး ၁၉၆၄-ခုနှစ်မှာ ပြန်လည် ပြင်ဆင်ခဲ့ပါတယ်။ စတင် တည်ထောင်ကတည်းက ဒီနေရာမှာပါပဲ။ စစချင်းတုန်းကတော့ အဆောက်အဦးက ခပ်သေးသေးပေါ့။ အခန်း ၄-၅ခန်းလောက်ပဲ ရှိခဲ့တာ။ အဲဒီကနေ နောက်ပိုင်း repair လုပ်ရင်း အခု အဆောက်အဦးတွေဖြစ်လာတာပါ။ အခုတော့ ကျောင်းသားက ၂၀၀-ကျော်ရှိတယ်။ ဆရာက (၁၄)ယောက်၊ ဘော်ဒါအုပ်(၁)ယောက်နဲ့ ထမင်းချက်သူရယ် အကူရယ်ဆိုတော့ စုစုပေါင်း (၁၈)ယောက်လောက်ရှိပါတယ်။ ကျောင်းနာမည်ကတော့ တစ်ခြားမရှိပါဘူး။ အာရဗီတက္ကသိုလ်လို့ပဲ ရေးထားပါတယ်။ ဘုံးအိုး အာရဗီတက္ကသိုလ်ပေါ့။

ဘုံးအိုး အာရဗီတက္ကသိုလ် ကျောင်းအုပ်ဆရာကြီး

M-Media – အာရဗီကျောင်း စာသင်ကြားမှုနဲ့ပတ်သက်ပြီး ဆရာ့အနေနဲ့ နည်းနည်းလောက်ပြောပြပေးပါ။
ဖြေ – ကျွန်တော်တို့ ဒီက အစ္စလာမ်ဘာသာဝင်တွေမှာ အားနည်းချက်နဲ့အတူ အယူသည်းမှုဆိုတာ တချို့ရှိနေတယ်။ အဲဒါတွေက ကျွန်တော်တို့တွေကို ဖိစီးခံနေရတာ။ ဘာသာရေး စာပေသင်ပြီးရင် အင်္ကျီ အရှည်ဝတ်ပြီး နေတာထိုင်တာမှ မွတ်စလင်မ်လို့ အောက်မေ့ကြရတာလည်း ရှိနေတယ်။ ကျွန်တော်တို့တွေ အဲဒီလောက်တော့ အယူမသည်းပါဘူး။ စာပေတစ်ခုကို တတ်မြောက်ဖို့သာ အဓိကပါ။ အလ္လာဟ်ကို အေဗာဒသ်(၀တ်ပြုမှု) လုပ်ဖို့ အကောင်းဆုံးစံရှိပြီးသားပါ။

ဒီကလေးတွေလည်း ပညာရေးနဲ့ပတ်သက်ပြီး အများကြီးနိမ့်ကျတယ်။ တကယ်ကတော့ အာရဗီတစ်ခုပဲ ကျွန်တော်တို့  သင်ပေးနိုင်တယ်ဆိုရင် ကျွန်တော်တို့ စာသင်နေတဲ့ အထဲမှာလည်း အင်္ဂလိပ်စာကျွမ်း ကျွမ်းကျင်ကျင်တတ်တဲ့သူ မရှိဘူး။ ကျန်တဲ့ ခေတ်ပညာ ကျွမ်းကျွမ်းကျင်ကျင် တတ်တဲ့သူက နည်းတဲ့အခါကျတော့ ကိုယ်သင်ခဲ့တဲ့ ပညာနဲ့ ပြန်လည် သင်ကြားပေးရတဲ့ပုံစံပါ။ ဒါကြောင့် အခုဆို ကျောင်းဆောင်တွေလည်း နောက်ထပ် လိုအပ်လို့ နိုင်ငံတော်ကို တင်တာလည်း ခွင့်မရသေးပါဘူး။ ကျောင်းသားတွေအတွက် အဆောင်တွေ ထပ်လိုပါတယ်။

ကလေးတွေကို ခေတ်ပညာ သင်ပေးဖို့အတွက်က ဥပမာ – အာရဗီဘာသာရပ်ကို တစ်နေ့ ၂-နာရီပြမယ်ဆို သင်္ချာက ၁-နာရီပြ၊ အင်္ဂလိပ်က ၁-နာရီ၊ မြန်မာက ၁-နာရီ ဒါမျိုးဖြစ်သင့်တာပါ။ အဲလိုလည်း ဖြစ်စေချင်တယ်။ ကျွန်တော်တို့ အရင်က သင်ခဲ့တဲ့ ကျောင်းတွေမှာလည်း ဒါမျိုးတွေ ရှိခဲ့ဖူးပါတယ်။

M-Media– ဟုတ်ကဲ့ပါ ဆရာ၊ ဆရာတို့အနေနဲ့ ဘာသာရေးစာအပြင် တခြား အတန်းကျောင်းပညာရော သင်ပေးဖို့ ဘယ်လိုစိတ်ကူးရှိပါသလဲ။
ဖြေ – ဟုတ်ပါတယ်။ ကျွန်တော်တို့သာ ဘာသာရေးစာအပြင် ခေတ်ပညာကိုပါ သင်ခွင့်ရပြီဆိုရင် ပြောင်းလဲလာမှာပါ။ ကလေးတွေအနေနဲ့ ၀တ်စားဆင်ယင်ပုံကအစ  ပြုပြင်ပြောင်းလဲဖို့ လိုအပ်ပါတယ်။  ကျွန်တော်တို့က ဗမာ့ ယဉ်ကျေးမှုနဲ့ ကျောင်းသားတွေ အကုန်လုံး ခေတ်မီဖွံ့ဖြိုးတိုးတက်တဲ့ကျောင်းသားတွေဖြစ်အောင် ဘက်စုံတတ်တဲ့ကျောင်းသားတွေဖြစ်အောင် လုပ်ပေးသင့်တယ်။ တစ်နေ့ ဒီကတတ်သွားလို့ရှိရင် ဗလီဆရာ ကျောင်းဆရာ လုပ်ကြတယ်။ ဒီဗလီဆရာ ကျောင်းဆရာက အလုပ်တစ်ခုမဟုတ်ဘူး။ တစ်ခြားအလုပ်လုပ်စား။ ဒါ ဘာသာရေး မဟုတ်ဘူး။ မင်းတို့ ထိန်းဖို့ရာအတွက် သာသနာရေးကိစ္စနဲ့ ပတ်သက်ပြီး မသိတဲ့သူကို သင်ပြနိုင်ဖို့ရာအတွက်ပါ။ ဒီကျောင်းက ထွက်တာဟာ အလုပ်ပညာမဟုတ်ပါဘူး။ ဒီအတွက် ကျွန်တော်တို့လည်း လက်လှမ်းမီသလောက် ကြိုးစားရပါမယ်။

ကျွန်တော်တို့အားနည်းချက်က မွတ်စလင်မ်ကလေးတွေကိုလည်း သူတို့ဘ၀ အာမခံချက်ရှိအောင် သဘောပေါက်အောင် လုပ်ပေးဖို့ ၀ိုင်းဝန်းကူညီပါ။ အခုတော့ အပြင်စာမတတ်တော့ နုံချာလာတယ်။ ဒါကို တတ်အောင် လုပ်ပေးရမယ်။ တချို့မိဘတွေကျတော့ ဆင်းရဲလို့ မိဘမဲ့ကျောင်းပို့တဲ့ သဘောအဆင့်လောက်ဖြစ်နေတယ်။ ကျွန်တော်တို့ကတော့ အဲဒါမျိုးမဖြစ်စေချင်ဘူး။ ကျောင်းလာနေတဲ့ ကျောင်းသားတွေ ကိုယ်တိုင်က ပညာကို လိုလားပြီး သင်ယူတဲ့ သားသမီးတွေ များများဖြစ်စေချင်တယ်။ သူတို့အတွက် သင်လည်း သင်ပေးမယ်ဆိုရင် သူတို့ဘ၀ အာမခံချက်လေးတွေ ရသွားမယ်။

တဘက်က အာရဗီပညာရဲ့ သဒ္ဒါ သဂြိုဟ်ကစပြီးတော့တောင် သင်နိုင်သေးတာပဲ  မြန်မာစာပေလည်း တတ်သင့်ပါပြီ။ ခေတ်နဲ့ လျော်ညီစွာ သင်ကြားပေးနိုင်ဖို့ မွမ်းမံပြင်ဆင်ဖို့ရာအတွက် အများရဲ့အားနဲ့ ပေါင်းစပ်လိုက်မယ်ဆိုရင် အလ္လာဟ်အရှင်မြတ်အလိုတော်နဲ့ ဖြစ်လာမှာပါ။ ကျွန်တော်တို့ ငယ်ငယ်က ၇-တန်း ၈-တန်းပေမယ့် အင်္ဂလိပ်စာ ကောင်းကောင်းဖတ်နိုင်တယ်။ သင်္ချာလည်း သိပ်အရေးကြီးတယ်။ သင်္ချာမရှိလို့ မရဘူး။ အမွေခန်းတွေဘာတွေ ရောက်လာရင်လည်း သင်္ချာတတ်မှ ဖြေရှင်းပေးနိုင်မယ်။
လုပ်ငန်းခွင်ဝင်ပြီဆိုရင်လည်း သင်္ချာက လိုအပ်လာပြီ။

မြန်မာ၊ အင်္ဂလိပ်၊ သင်္ချာ ကတော့ ပုံမှန်သင်ပေးဖို့စိတ်ကူးရှိထားတယ်။ တကယ်လို့ ခုနက ပြောသလို အပြင်မှာ ဖြစ်ပျက်နေတဲ့အခြေအနေတွေကို ဗဟုသုတရအောင် လာပြီးပြောပြပေးတဲ့ အစီအစဉ်လေး လုပ်ပေးမယ်ဆိုရင်လည်း လုပ်စေချင်ပါတယ်။

M-Media– ဟုတ်ကဲ့ပါဆရာ။ ကျောင်းသားတွေအနေနဲ့ လူမှုပေါင်းသင်းဆက်ဆံရေးတွေအတွက်ရော ဘာတွေများလုပ်ပေးသင့်တယ်လို့ ထင်ပါသလဲ ဆရာ။

ဖြေ – ကျောင်းမှာတင်မဟုတ်ပဲ ပြင်ပလောက အသိုင်းအ၀ိုင်းထဲမှာလည်း လူပေါင်းဆန့်နိုင်အောင် သင်ကြားပေးသင့်တယ်။ ဘာသာပေါင်းစုံချစ်ကြည်ရေးကိစ္စတွေကိုလည်း လုပ်စေချင်တယ်။ ကျွန်တော်တို့တွေလည်း အပြင်မှာ ဘာသာပေါင်းစုံ ချစ်ကြည်ရေးအတွက် ဘုန်းတော်ကြီးတွေနဲ့ အမြဲတွေ့ဆုံ ပြောဆိုနေကြရတာပါ။ ဟုတ်ပါတယ် ကျွန်တော်တို့တွေက အာရဗီစာ၊ ဘာသာရေးစာကို အဓိက သင်ကြားပေးနေရတော့ တခြားအပိုင်းတွေမှာ မသင်ကြားပေးနိုင်တာတွေ ရှိပါတယ်။ အဲဒါတွေအတွက် တခြားအကြောင်းအရာတွေကို အပြင်ကလာရောက် သင်ကြားပေးကြမယ်ဆိုရင် တော်တော်လေးကောင်းပါမယ်။ အဲဒါလေးကိုလည်း စီမံချက်နဲ့ လစဉ်တစ်လ အကြိမ်ဘယ်လောက်လုပ်မယ်ဆိုတာမျိုး ရှိထားမယ်ဆိုရင် ကောင်းတယ်။

M-Media- မြန်မာမွတ်စလင်မ်တွေအနေနဲ့ အခုအချိန်ခါမှာ ဘယ်လို အခြေအနေမှာ ရှိနေသင့်ပါလဲ ဆရာ။
ဖြေ – ဒီနေ့ အချိန်အခါမှာ မွတ်စလင်မ်တွေကလည်း မွတ်စလင်မ်တွေအားလုံး ဖြစ်ပျက်နေတာတွေကို မသိဘူးလေ။ ဒီလို ကျောင်းက ကျောင်းသားတွေမပြောနဲ့ ရွာထဲမှာရှိတဲ့ လူကြီးတချို့တွေတောင် မသိကြဘူး။ သူတို့လည်း ကိုယ့်အလုပ်နဲ့ကိုယ် တခြားဘာမှမဖြစ်ဘူးဆိုတဲ့အသိနဲ့ နေနေကြတာပါ။ ဒီလို သဘောတွေကိုလည်း အားလုံးသဘောပေါက် နားလည်အောင် ရှင်းပြနိုင်တဲ့ ပုဂ္ဂိုလ်တွေ လိုအပ်ပါတယ်။

မြန်မာနိုင်ငံက မွတ်စလင်မ်တွေရဲ့ သမိုင်းနဲ့ပတ်သက်ပြီးလည်း အများကြီး သိကြဖို့လိုပါတယ်။ မြန်မာမွတ်စလင်မ်တွေအတွက် ပသီဦးကိုကိုလေးတို့ ဟိုတလောကဆုံးသွားတဲ့ ၀မ်းအိုဝမ်းကျော်ဝင်းမောင်တို့ရဲ့ သမိုင်းတွေ သိဖို့လိုပါတယ်။ မြန်မာမွတ်စလင်မ်တွေလည်း နေထိုင်တာ ၀တ်စားဆင်ယင်တာက အစ သတိထားဖို့လိုပါတယ်။ အဲဒါတွေအားလုံးကို ကိုယ်နဲ့မဆိုင်ဘူးလို့ လစ်လျူမရှုထားပဲ သိရှိအောင် လေ့လာသင့်ကြပါတယ်။

M-Media– ဟုတ်ကဲ့ပါဆရာ။ ဆရာဖြေပေးတာလည်း တော်တော်လေး ပြည့်စုံနေပါပြီ။ ဆရာ့အနေနဲ့ တစ်ခြား ဘာများဖြည့်စွက်ပြောချင်ပါသလဲ။
ဖြေ – တစ်ခြားတော့ ပြောစရာမရှိပါဘူး။ ဘာသာပေါင်းစုံ အပြန်လှန်လေးစားမှုနဲ့အတူ ကိုယ့်မွတ်စလင်မ်တွေဘ၀ တိုးတက်မြင့်မားလာအောင် ကြိုးစားကြဖို့ ကျွန်တော်တို့အားလုံးမှာ တာဝန်ရှိနေပါတယ်။ ဒါကြောင့် အခုလို လက်လှမ်းမီရာကနေစပြီး ကြိုးစားကြပါလို့ အားလုံးကို ပြောချင်ပါတယ်။ အခုလို လာရောက်လေ့လာပြီး ကျောင်းရဲ့ လိုအပ်ချက်လေးကို တပိုင်တနိုင် ဖြည့်စွက်ပေးကြဖို့ စဉ်းစားပေးတာအတွက်လည်း ကျေးဇူးအများကြီး တင်ပါတယ်။

M-Media– ဟုတ်ကဲ့ပါဆရာ ကျေးဇူးအများကြီးတင်ပါတယ်။ အတ်စလာမု အလိုင်ကွမ်း (အလ္လာဟ်အရှင်မြတ်ထံတော်မှ ငြိမ်းချမ်းသာယာမှုအဖြာဖြာ အသင့်အပေါ်သို့ ကျရောက်ပါစေ။)
ဖြေ – ၀အလိုင်ကွမ်း စလာမ် (အသင့်အပေါ်သို့လည်း အလ္လာဟ်အရှင်မြတ်ထံတော်မှ ငြိမ်းချမ်းသာယာမှုအဖြာဖြာ အသင့်အပေါ်သို့ ကျရောက်ပါစေ။)

M-Media-002