– အနောက်ကမ္ဘာရှိ မွတ်စလင်များ အကြီးဆုံး စုရုံးမှုကြီးဖြစ်သည့်
အစ္စလာမ့်စိတ်ဓာတ်မြှင့်တင်ရေး နှစ်စဉ်ညီလာခံ RIS ကို ကနေဒါနိုင်ငံ တိုရွန်ုတို့မြို့တွင် ဒီဇင်ဘာ ၂၆ ရက်နေ့က စတင်ကျင်းပခဲ့ပြီး မြောက်အမေရိကနှင့် ကမ္ဘာတစ်ဝှမ်းမှ အစ္စလာမ် ဘာသာဝင် ထောင်ပေါင်းများစွာ တက်ရောက်ခဲ့ကြသည်ဟု သိရသည်။
အဆိုပါ ညီလာခံ၏ ခေါင်းစဉ်ကို `မွေးရာပါ ဘာသာတရားကို သင်ကြားရန်
ကိုယ်တော်မြတ်ကြွလာသည် – ခက်ခဲသောမေးခွန်းများအတွက် ကိုယ်တော်မြတ်၏ ဖြေကြားမှုများ´ ဟု မည်ပေးထားပြီး တိုရွန်တိုမြို့လယ်ကောင်ရှိ မက်ထရို တိုရွန်တိုကွန်ဗန်းရှင်းစင်တာတွင် ဒီဇင်ဘာ ၂၈ ရက်နေ့အထိ ကျင်းပပြုလုပ်သွားမည်ဖြစ်သည်။
RIS ညီလာခံမှာ ထင်ရှားကျော်ကြားသည့် အစ္စလာမ့် ဓမ္မပညာရှင်များ၊
အတွေးအခေါ်ပညာရှင်များ နှစ်စဉ် တွေ့ဆုံဆွေးနွေးကြသည့် ညီလာခံတစ်ခုဖြစ်ပြီး အနောက်ကမ္ဘာရှိ မွတ်စလင်များအကြားတွင် ကြီးမားသော ကမ္ဘာလုံးဆိုင်ရာ ညီလာခံကြီးတစ်ခုအဖြစ်လည်း မှတ်ယူကြသည်။
ယခုနှစ်ညီလာခံသို့ အမေရိကန်မှ ဆရာတော် ဟမ်ဇာယူစွဖ်၊ ယူကေမှ
ဆလ်မာယာကွဘ်တို့အပါဝင် အမေရိကန်၊ ဥရောပနှင့် တောင်အာဖရိကတို့မှ
ထင်ရှားကျော်ကြားသူ မွတ်စလင်ပညာရှင်များ တက်ရောက်ခဲ့ကြကာ မျက်မှောက်ခေတ် အစ္စလာမ့်ရေးရာ ကိစ္စရပ်များ၊ အစ္စလာမ်အပေါ် မှားယွင်းစွာ စွပ်စွဲမှုများအား တုံ့ပြန်ခြင်းနှင့် ပတ်သက်သည့် ကိစ္စရပ်များအကြောင်းကို ဆွေးနွေးခဲ့ကြသည်။
ထို့ပြင် အစ္စလာမ့် ဓမ္မတေးများကို သီဆိုဖြန့်ဖြူးကြသည့် အဆိုပါတော် ဆာမီယူစွဖ် အမီရ်း ဆူလိုင်မန် စသည့် နာမည်ကျော် အဆိုတော် ၇ ဦးခန့် တက်ရောက်ကာ အစ္စလာမ့် ဓမ္မတေးများကို သီဆိုကြူးရင့်ခဲ့ကြသည်။
၃ ရက်တာကျင်းပပြုလုပ်မည့် အဆိုပါ ညီလာခံတွင်ဈေးပွဲတော်ကြီးတစ်ခုကိုလည်း
ကျင်းပပြုလုပ်သွားမည်ဖြစ်ပြီး၊ မြောက်အမေရိကနှင့် မွတ်စလင်ကမ္ဘာမှ လူမှုအကျိုးပြု အဖွဲ့များကလည်း လာရောက်ကာ အလှူငွေများကို ကောက်ခံသွားမည်ဖြစ်သည်။
တက်ရောက်လာသည့် ပညာရှင်ကြီးများ၊ မွတ်စလင်ခေါင်းဆောင်များ၊ နိုင်ငံရေးနှင့် အရပ်ဖက်အသိုင်းအ၀ိုင်းမှ ခေါင်းဆောင်များအတွက်လည်း ဒီဇင်ဘာ ၂၇ ရက် သောကြာနေ့ ညနေပိုင်းတွင် ညစာဖြင့် တည့်ခင်းဧည့်ခံခဲ့သည်။
ထို့ပြင် တိုရွန်တို့ မြို့ တစ်ဝှမ်းရှိ ချိုတဲ့သူများအား ကူညီထောက်ပံ့သည့် အခမ်းအနားများကို ညီလာခံကျင်းပသည့် ၃ ရက်စလုံးတွင် ပြုလုပ်သွားမည်ဖြစ်သည်။
RIS ညီလာခံကို ၂၀၀၃ ခုနှစ်မှစတင်ကာ ကျင်းပခဲ့ခြင်းဖြစ်ပြီး ၉/၁၁ တိုက်ခိုက်မှုများပြီးနောက် အစ္စလာမ်နှင့် မွတ်စလင်တို့အပေါ် ကျရောက်လာသည့် မလိုလားအပ်သော ပြဿနာများကို ဖြေရှင်း၊ မွတ်စလင်မဟုတ်သူများနှင့် ပေါင်းကူးတံတားထိုးရေး ဆောင်ရွက်ရန် ရည်ရွယ်ပြုလုပ်ခြင်းဖြစ်သည်။
Ref : onislam
