Category: M-Media Blog

သွေးကွဲပုံပြင် (M-Media Blog ကဏ္ဍ)

မတ်လ၊ ၃၊ ၂၀၁၃
M-Media
ဂျူလိုင်ရဲရင့်

ကျွန်တော်တို့နိုင်ငံ ၊ ကျွန်တော်တို့လူ့အဖွဲ့အစည်းရဲ့ လက်ရှိအခြေအနေနဲ့ တော်တော်စပ်ဟပ်မိလို့ ခါတော်မှီလေး တင်ဆက်ချင်စိတ်ဖြစ်မိပါတယ်။ ဒီပုံပြင်က တော်တော်ကြာပါပြီ။ ဟောင်းနွမ်းနေပါပြီ။ ဒါပေမယ့် … အဓိပ္ပါယ်မဲ့ သွေးကွဲမှု – ခွဲခြားမှု – တစ်ယူသန်အစွဲကြီးမှုကြောင့် ပေါ်ပေါက်လာတတ်တဲ့ ရလဒ်ကို အကောင်းဆုံး သတိပေးလှုပ်နိုးနိုင်ပါလိမ့်မယ်။ ပုံပြင်လေးကတော့ ဒီလိုပါ။

တစ်ခါတုန်းက တောအုပ်တစ်ခုရဲ့ဂူကြီးတစ်လုံးမှာ လူခြောက်ယောက် ၀ိုင်းထိုင်နေကြတယ်။ အရိုးကွဲမတတ် အေးခဲနေတဲ့ ညတစ်ညပေါ့။ သူတို့လက်ထဲမှာ ထင်းတစ်ချောင်းစီ အသီးသီး ကိုင်ထားပါတယ်။ သူတို့အလယ်မှာ အနွေးဓါတ်ရစေတဲ့ မီးဖိုလေး တစ်ခု။ မီးညွှန့်ကလဲ ကျိုးလုကျိုးခင်။ အလျဉ်မီ ထင်းထပ်ထည့်ဖို့ လိုအပ်နေပြီ။

ပထမလူက သူ့ရှေ့ကလူကို ကြည့်လိုက်တယ် ။ “ ကတ္တရာနဲ့မီးသွေးအရှုံးပေးရလောက်အောင် မည်းတဲ့ကောင်ပါလား။ ဒီလို ကျက်သရေတုံးတဲ့ကောင်အတွက် ငါ့ထင်းချောင်း မသုံးနိုင်ပေါင်” ဆိုပြီး သူ့ထင်းချောင်းကို မလွတ်တမ်း ဆုပ်ကိုင်လို့ ကျောပေးထိုင် လိုက်တယ်။

ဒုတိယလူဖြစ်တဲ့ လူမည်း အမျိုးသားကလည်း “ ငါတို့ကို တစ်သက်လုံး ဒုက္ခပေးစောင်းချိတ်လာတဲ့ ငနာ ပါလား။ ငါ့ရဲ့ထင်းက သူ့အတွက် မဖြစ်စေရဘူး ” လို့တွေးပြီး ရွံရှာစွာနဲ့ ဝေးရာကိုထွက်သွားတယ်။

လူချမ်းသာဖြစ်တဲ့ တတိယလူက သူ့နံဘေးကလူကို ကြည့်တဲ့အခါ တော်တော်ဆင်းရဲစုတ်ချာနေတာကို တွေ့တော့ “ မတော်လို့ ငါ့ဆီက အဖိုးတန်ပစ္စည်းတစ်ခုခု လာလုယင်ဒုက္ခ။ မှောင်နေတာဘဲ ကောင်းတယ်။ ငါ့ထင်း ထပ်ထည့်မနေတော့ဘူး ” ဆိုပြီး ထင်းချောင်းကို အင်္ကျီနဲ့ဖုံးပြီး လှဲအိပ်လိုက်ပါလေရော။

သူဆင်းရဲစတုတ္တလူကလည်း အဲ့ဒီ တတိယလူရဲ့အရိပ်အကဲ၊ အပြုအမူကိုမြင်ပြီး ဒေါသတကြီးနဲ့ သူ့လက်ထဲက ထင်းချောင်းကို ဂူအပြင်ဖက် ပစ်ထုတ်လိုက်ပြန်တယ်။

ပဉ္စမလူ နဲ့ ဆဌမ လူနှစ်ယောက်ကတော့ အယူအဆဆန့်ကျင်နေကြတဲ့ အစွန်းရောက် ဘာသာရေးသမား နှစ်ဦး ဖြစ်နေတယ် ။ “ အလင်းရောင်နဲ့အနွေးဓာတ်ကတော့ ရချင်သား။ ဒါပေမယ့် ဒီလိုကောင် မိစ္ဆာဒိဌိကြီး အဖို့ လူမိုက်အားပေး အဆိပ်ပင်ရေလောင်း ဖြစ်နေဦးမယ် ” လို့ ကိုယ်စီအတွေးနဲ့ ဆန့်ကျင်ဖက်ကို ထွက်ပြီး ကွေးကွေးလေး အိပ်လိုက်ကြတော့တယ်။

အလယ်မှာ ကျန်ရစ်ခဲ့တာက မီးပုံလေး။ မီးကတော့ ငြိမ်းသွားခဲ့ပြီ။

နောက်တစ်နေ့တွေ့လိုက်ရတဲ့မြင်ကွင်းက လက်ထဲမှာ ထင်းတစ်ချောင်းစီ မလွတ်တမ်းကိုင်ထားပြီး အအေးပတ် သေနေကြတဲ့ အလောင်းခြောက်လောင်း။ ………………………….။

ပုံပြင်ကတော့ ဒီလောက်ကလေးပါဘဲ။

ပေးထားတဲ့သင်ခန်းစာက သမုဒ္ဒရာတစ်စင်းထက်မက နက်ရှိုင်းနေတာကို ရိပ်စားမိကြမှာပါနော်။

March 3, 2013
“ခင်ဗျားတို့ ပြောတဲ့ ဒီမိုကရေစီ နိုင်ငံတော်ကြီး” (ကဗျာ- M-Media Blog ကဏ္ဍ)

မတ်လ-၃၊ ၂၀၁၃
M-Media
အိမ်ဝေးသူ (KZ)

ပြည်သူလူထု အလိုချင်ဆုံးက
ငြိမ်းချမ်းပြီး သာယာဝပြောတဲ့ ရွှေနိုင်ငံတော်ကြီး
ခင်ဗျားတို့ ပေးနေတာတွေက
အဆုံးမသတ်နိုင်သေးတဲ့ လူမျိုးရေး ပဋိပက္ခ…။

ပြည်သူလူထု မျှော်မှန်းနေတာက
စည်းလုံးညီညွတ်တဲ့ မြန်မာနိုင်ငံတော်ကြီး
ခင်ဗျားတို့ သယ်ဆောင်လာတာက
တိုက်ပုံဝတ် လူသတ်သမားများရဲ့ မင်းမဲ့စရိုက်…။

ပြည်သူလူထု တမ်းတနေတာက
ထမင်းရေ ချောင်းစီး၊ မောင်းတီးပြီးလှူနိုင်စွမ်းတဲ့ တိုင်းပြည်
ခင်ဗျားတို့ မီးမြှိုက်ပေးနေတာက
လယ်သမားတွေကို ထမင်းတစ်နပ်ပဲ စားကြပါစေဆိုတဲ့ ဆင်းရဲမွဲတေမှု…။

ပြည်သူလူထု လိုချင်တာက
ဝိဇ္ဖ၊သိပ္ပ ပညာရပ်တွေ ထွန်းကားတဲ့ ခေတ်မှီ နိုင်ငံတော်
ခင်ဗျားတို့ အလကား ဝေနေတာက
အနာဂတ်သေဆေးနဲ့ မျှော်လင့်ချက်ပျောက်ဆေး…။

ပြည်သူလူထု ငံ့လင့်နေတာက
လူမျိုးစုံ ချစ်ကြည်ရေးနဲ့ အတူယှဉ်တွဲ နေထိုင်ရေး
ခင်ဗျားတို့ လှုံ့ ဆော်နေတာက
ပြည်သူလူထု ပြိုကွဲပျက်စီးရေးနဲ့ ရာသက်ပန်နာလန် မထူနိုင်ရေး…။

ပြည်သူလူထုရဲ့ အိပ်မက်က
တည်ကြည်ပြီး ဂုဏ်သိက္ခာသမာဓိနဲ့ ပြည့်စုံတဲ့ သမ္မတစနစ်
ခင်ဗျားတို့ လုပ်ဆောင်နေတာက
အဂတိတရားပြန်ပွားရေးနဲ့ လာဘ်ပေးလာဘ်ယူ ထွန်းကားရေး…။

အကြောက်ဆိုတဲ့ တရားတစ်ခုနဲ့ 
ကျောသပ်ထားချင်တဲ့
လူယောင်ဆောင်ထားတဲ့ ဝံပုလွေတစ်အုပ်ကြောင့်
ကျုပ်တို့ ပြည်သူတွေရဲ့ 
မသေနိုင်သေးတဲ့… အတိတ်ဆိုးတွေ
မသေသင့်သေးတဲ့…ပစ္စုပ္ပုန်တွေနဲ့ 

အသေစောတဲ့…အနာဂတ်တွေအတွက်
ငိုချင်းချရုံကလွဲလို့ …ဘာများလုပ်နိုင်ဦးမှာလဲ
ငိုချင်းချရုံကလွဲလို့ ….ကျုပ်တို့့ဘာများတတ်နိုင်ဦးမှာလဲဗျာ…။။။

အိမ်ဝေးသူ (KZ)

March 3, 2013
“တရားသစ်သို့ တမ်းခြင်း” (ကဗျာ- M-Media Blog ကဏ္ဍ)

မတ်လ ၁၊ ၂၀၁၃
M-Media
အိမ်ဝေးသူ (KZ)

မျောက်က ပုလင်ပေါ်တက်ထိုင်ပြီး
ဘုရားက စင်အောက်ရောက်
ဖြစ်ချင်တာတွေထက် မဖြစ်ချင်တာတွေဘဲ
သောက်တလွဲ ဖြစ်နေတဲ့ ခေတ်ကြီးမှာ
လူဖြစ်လာတာ ငါတို့ ပေါ့ကွယ်…..။။။

လူကို လူလို မြင်ချင်ပေမယ့်
လူကို လူလို မမြင်တတ်တဲ့…
လူကို လူလို မစာနာတတ်တဲ့…
လူကို လူလို မထောက်ထားတတ်တဲ့…
လူကို….လူလို ………………….တဲ့….

သူတို့ တတွေက စင်ပေါ်တက်
အိမ်ကြက်ခြင်းဘယ်လို ခွပ်ရကြောင်းတရား
လူထုကို နံပါတ်တုတ်နဲ့ ဘယ်လို ထိန်းသိမ်းရကြောင်းတရား
သံဃာတော်ကို မီးလောင်ဗုံးနဲ့ ဘယ်လို ပူဇော်ပသ,ရကြောင်းတရား
ကုလားကို ဖိပြီး တရုတ်ကို ဘယ်လို အဖေခေါ်ရကြောင်းတရား
ဟောလိုက်တဲ့ တရားတွေများ
ဟောလည်း ဟောနိုင်သေးတဲ့ တရားတွေ….
သြော်..ခုတော့…ငါလည်း….တရားကျနေပါပြီ….။။။

ခုတော့လည်း
သောက်ရေးမပါတာတွေက သောက်ရေးတွေ ပါလာရင်း
တကယ့်မေတ္တာရှင်တွေက တိရိစ္ဆာန်တွေသတ်လို့ သေ
သစ္စာ တစ်ပြားသားမှ မရှိတဲ့သူတွေ…
နှပ်ချေးတွဲလောင်း ပညာရှင်တွေ….
သာသနာကို ထမင်းစားရေသောက် အရေခြုံသူတွေက
တကယ့်..မေတ္တာရှင်ကြီးတွေ လုံးလုံးကို ဖြစ်လို့ 
ကြတော့….ငါလည်း စိတ်ပျက်လှပါပြီ…..။။။

ကဲ….
(မစူးစမ်းမဆင်ခြင်သော တရား) ကို သယ်ဆောင်လာသူ
ပုံပြင်ထဲက ယုန်သူငယ်လို အဖြစ်မျိုး ငါတို့ တတွေ မဖြစ်ကြခင်
အမှန်တရားကို ခင်းကျင်းပြသမယ့်
ကေသရာဇာ လူသား အမြန်ဆုံး လာခဲ့တော့ကွယ်…..။။။

xxxxxxxxxxxxxxxxxxx

ဖွင့်ဆိုချက်…။။။ လောကပါလတရားဆိုတာ ကျွန်တော်တို့ မြန်မာပြည်တွင် ပျောက်ကွယ်လုမတတ် ရှားပါးရတနာများ ဖြစ်ကြလေသော…….
(၁) တရားမျှတခြင်း (Justice)
(၂) လွတ်လပ်ခြင်း (Liberty) နဲ့
(၃) ညီမျှခြင်း (Equality) တို့ ကို ရည်ညွှန်းကြောင်းပါခင်ဗျာ…။။။

အိမ်ဝေးသူ (KZ)

March 2, 2013
ပါကစ္စတန်ှနိုင်ငံ ဆိုင်ရာ သြစတေးလျ သံအမတ် တစ်ဦး အစ္စလာမ်ဘာသာ သို့ ကူးပြောင်း

ဖေဖော်ဝါရီ ၂၁၊ ၂၀၁၃
M-Media

ပါကစ္စတန်မှ သြစတေးလျ သံအမတ်တစ်ဦး အစ္စလာမ်ဘာသာသို့ကူးပြောင်းပြီး၊ ပါကစ္စတန်ရုပ်သံဌာန အစီအစဉ် တင်ဆက်သူ Sadia Afzaal နှင့် အိမ်ထောင်ထူခြင်း

အစ္စလာမ္မဘတ် ။ Axel Wech အမည်ရှိ ပါကစ္စတန်မှ သြစတေးလျသံအမတ်သည် အစ္စလာမ်သာသနာကို သက်ဝင် လက်ခံလိုက်ပြီး ပါကစ္စတန်နိုင်ငံပိုင် ရုပ်မြင်သံကြား၏ နာမည်ကြီး ‘ News Night ’ အစီအစဉ်တင်ဆက်သူ Sadia Afzaal နှင့် အိမ်ထောင်ထူခဲ့ကြောင်း ကြာသပတေးနေ့ facebook စာမျက်နှာတစ်ခုမှ ရေးသားလိုက်သည်။

သြစတေးလျသံအမတ်သည် Sadia Afzaal နှင့် လက်ထပ်ထိမ်းမြားမှုမပြုမီ အစ္စလာမ်သာသနာသို့ ပြောင်းလဲသက်ဝင်ရန် ဆုံးဖြတ်ပြီးသည့်နောက်မှ အိမ်ထောင်ထူခြင်းဖြစ်ကြောင်း ပါကစ္စတန်မီဒီယာစောင့်ကြည့်ရေး အဖွဲ့ထံမှ သတင်းရရှိသည်။

သတင်းများအရ သူတို့နှစ်ဦးသည် မိမိတို့၏ နိကဟ် (ထိမ်းမြားလက်ထပ်မှုအခမ်းအနား) နှင့် ကူးပြောင်း သက်ဝင်မှုဆိုင်ရာ အသေးစိပ် အချက်အလက်များကို ဖုံးကွယ်ထားသည်ဟု ဆိုသည်။

Sadia Afzaal သည် အစ္စလာမ္မဘတ်၌ အခြေစိုက်သူ သတင်းထောက်တစ်ဦးဖြစ်ကာ နိုင်ငံခြားရေးဌာန၊ ပါလီမန်အထိ ပေါက်ရောက်သူဖြစ်သည်။ သမ္မတများဖြစ်သော President Asif Ali Zardar နှင့် President Pervez Musharraf PM Yousaf Raza Gillani, PM Shaukat Aziz တို့အပါအ၀င် နိုင်ငံခေါင်းဆောင် အများအပြားကို အင်တာဗျူး ပြုလုပ်နိုင်ခဲ့သူလည်း ဖြစ်သည်။

သူမသည် အခြားလုပ်ငန်းများတွင်လည်း ထိထိရောက်ရောက်ပါဝင်ဆောင်ရွက်မှု ရှိသည်။ ISPR နှင့် လက်တွဲပြုလုပ်သည့် Swat အစီအစဉ်၌ ပထမဆုံးသော အမျိုးသမီး anchor ဖြစ်သည့်အပြင် ၂၀၀၅ ခုနှစ် မြေငလျင်၊ ၂၀၁၀ ခုနှစ် ရေဘေး၊ VOA နှင့်လက်တွဲ၍ ၂၀၀၈ ခုနှစ် သမ္မတ အိုဘားမားရွေးကောက်ပွဲ ယှဉ်ပြိုင်မှုကိစ္စ စသည့် အရေးအရာအများအပြားတွင် ပါဝင်လှုပ်ရှားခဲ့သည်။

ဤသည်မှာ Sadia Afzaal အဖို့ ဒုတိယမြောက် အိမ်ထောင်ထူခြင်း ဖြစ်သည်။ ယခင်က သူမအား Sadia Zafar ဟု လူသိများကြပြီး ပထမခင်ပွန်းနှင့် သားတစ်ဦး ရရှိထားသည်။

ယခုဖြစ်ပေါ်နေသည့် သတင်းနှင့်စပ်လျဉ်း၍ မြို့တော်တွင်ရှိနေသော သြစတေးလျသံအမတ်ကြီးက တရားဝင်ငြင်းပယ် ပြောဆိုမှု မပြုဟု အစ္စလာမ္မဘတ်မှ The News Tribe သတင်းဌာနမှ ပြောကြားသည်။

Read more: http://www.themuslimtimes.org/2013/02/countries/pakistan/austrian-ambassador-accepts-islam-marries-ptv-host-sadia-afzaal#ixzz2M0u1CTW8

http://www.thenewstribe.com/2013/02/21/austrian-ambassador-in-pakistan-converts-to-islam-ties-knot-with-ptv-anchor-sadia-afzaal/

February 27, 2013
သမိုင်းဝင်ကုလား ရှိ/မရှိ အမေးခံ နေရပြီ

ဖေဖော်ဝါရီ ၂၂၊ ၂၀၁၃

By မင်းမင်းလတ်

ဒီမယ် မောင်ပိန်……..
ခင်ဗျားဟာခင်ဗျား ကမ္ဘာကျော် ဦးပိန်တံတားကြီး ဆောက်ခဲ့ဆောက်ခဲ့ ဘာပဲလုပ်ခဲ့လုပ်ခဲ့
ခုတော့လွှတ်တော်မှာ သမိုင်းဝင်ကုလား ရှိ/မရှိ အမေးခံရပြီ….

ဒီမယ် စာဆိုတော်ကြီးဦးနု
ခင်ဗျားဟာခင်ဗျား ဘိုးတော်မင်းထံ ဘယ်လိုပဲ တင်ဆက်ခဲ့တင်ဆက်ခဲ့
ခုတော့ လွှတ်တော်မှာ သမိုင်းဝင်ကုလား ရှိ/မရှိ အမေးခံရပြီ

ဒီမယ်ဦးဖေခင်
ခင်ဗျားဟာခင်ဗျား ပင်လုံစာချုပ် ချုပ်မရလို့ပြန်တော့မယ့် ဗိုလ်ချုပ်ကိုတားခဲ့ပြီး စာချူပ်ကြီးအောင်မြင်အောင် လုပ်ခဲ့ပေမယ့်
ခုတော့ လွှတ်တော်မှာ သမိုင်းဝင်ကုလား ရှိ/မရှိ အမေးခံရပြီ….

ဒီမယ် ဆရာကြီးဦးရာဇတ်
ဒါဒို့ပြေ ဒါတို့မြေ မဆိုတဲ့သူဟာ ရှင်လျှက်နဲ့သေနဲ့တဲ့သူပဲလို့ပြောခဲ့ပြီး ဗိုလ်ချုပ်တို့နဲ့အတူ အာဇာနည် ဘယ်လောက်ဖြစ်ခဲ့ဖြစ်ခဲ့
ခုတော့ လွှတ်တော်မှာ သမိုင်းဝင်ကုလား ရှိ/မရှိ မေးကြပြီ။

ဒီမယ်ဗိုလ်မှူးဘရှင်
ခင်ဗျားကို ဒေါက်တာသန်းထွန်းက ဘယ်လိုပဲချီးကျူးခဲ့ ချီးကျူးခဲ့
ခုတော့ သမိုင်းဝင်ကုလား ရှိ/မရှိ မေးနေပြီ။

ဒီမယ် ဦးရာရှစ်
ခင်ဗျားကို ဗိုလ်ချုပ်က ဘယ်လိုပဲလေးစားခဲ့ လေးစားခဲ့ ကျောင်းသားခေါင်းဆောင် ဘယ်လိုပဲဖြစ်ခဲ့ဖြစ်ခဲ့
ခုတော့ သမိုင်းဝင်ကုလား ရှိ/မရှိ မေးခွန်းထုတ်ခံရပြီ။

ဒီမယ် ကိုထွန်းစိန်
ခင်ဗျားဟာ ပထမဆုံး တ.က.သ ဥက္ကဌ ဖြစ်ခဲ့ဖြစ်ခဲ့ ဘုရင်မကြီးသက်တော် ရာကျော်ရှည်ပါစေသီချင်းမဆိုဘို့ တားခဲ့တားခဲ့
ခုတော့ သမိုင်းဝင်ကုလား ရှိ/မရှိ မေးကြပြီ။

ဒီမယ် ကာတွန်းဆရာကြီး ဦးရွှေတလေး…..
ခင်ဗျားဟာခင်ဗျား ဦးရွှေရိုးအကပဲ ထွင်ခဲ့ထွင်ခဲ့
ခုတော့ လွှတ်တော်မှာ သမိုင်းဝင်ကုလား ရှိ/မရှိ အမေးခံခဲ့ရပြီ။

ဒီမယ် ဗိုလ်မှူးဘသော်
ခင်ဗျားဟာခင်ဗျား တိုက်ရေယာဉ် ၁၀၃က ရဲဘော်တွေကို ကယ်ခဲ့ကယ်ခဲ့ ဒီမိုကရေစီအတွက် အသက်ပေးခဲ့ပေးခဲ့
ခုတော့သမိုင်းဝင်ကုလား ရှိ/မရှိ အမေးခံနေရပြီ။

February 22, 2013