မတ် ၁၄၊ ၂၀၁၅
M-Media
– မြန်မာလေတပ်မှ ကြဲချသည့် ဗုံးတစ်လုံးမှာ တရုတ်နိုင်ငံအတွင်းရှိ ကြံစိုက်ခင်းထဲသို့ ကျရောက်ကာ တရုတ်နိုင်ငံသား ၄ ဦး သေဆုံးခဲ့ပြီးနောက် တရုတ်အစိုးရက မြန်မာသံအမတ်အား ဆင့်ခေါ်ကာ သတိပေးခဲ့သည်ဟု တရုတ်နိုင်ငံခြားရေးဝန်ကြီးဌာနမှ သတင်းထုတ်ပြန်ခဲ့သည်။
တရုတ်နယ်စပ်အနီး ကိုးကန့်ဒေသတွင် တိုင်းရင်းသားလက်နက်ကိုင်များအား မြန်မာစစ်တပ်က ထိုးစစ်ဆင်နေစဉ်အတွင်း ယမန်နေ့က လေကြောင်းမှ ဗုံးကြဲချရာတွင် ယူနန်ပြည်နယ် အနောက်တောင်ပိုင်း လင်ကျန်မြို့ရှိ ကြံစိုက်ခင်းတစ်ခုသို့ ဗုံးတစ်လုံး ကျရောက်ပေါက်ကွဲခဲ့ခြင်းဖြစ်ပြီး သေဆုံးသူများအပြင် ဒဏ်ရာရရှိသူ ၉ ဦး ရှိခဲ့သည်။
ထို့ကြောင့် တရုတ်ဒုတိယနိုင်ငံခြားရေးဝန်ကြီး လျူ ဇန်မင်းက တရုတ်နိုင်ငံဆိုင်ရာ မြန်မာနိုင်ငံသံအမတ်ကို ယမန်နေ့ညပိုင်းက ဆင့်ခေါ်ကာ ဖြစ်ပွားခဲ့သည့် ကိစ္စအတွက် သတိပေးခဲ့ပြီး စုံစမ်းစစ်ဆေးမှုများ စေ့စေ့စပ်စပ်ပြုလုပ်ရန်နှင့် ချက်ခြင်း အရေးယူရန်၊ ထိုဖြစ်ရပ်မျိုး နောက်ထပ်မဖြစ်ပွားစေရေးအတွက် ထိရောက်သောဆောင်ရွက်မှုများ ပြုလုပ်ရန် တိုက်တွန်းခဲ့သည်။
တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟောင်လီက ပြီးခဲ့သည့် ၂ ရက်အရင်ကလည်း ဗုံးဆံအချို့မှာ တရုတ်နိုင်ငံ နယ်နမိတ်အတွင်း ကျရောက် ပေါက်ကွဲခဲ့သောကြောင့် လူနေအိမ်တစ်လုံး ပျက်ဆီးဆုံးရှုံးခဲ့ရသည်ဟု ပြောကြားခဲ့သည်။
ကိုကန့်ဒေသအတွင်း ဖြစ်ပွားနေသော တိုက်ပွဲများကြောင့် အဆိုပါဒေသမှ ပြည်သူ ၃ သောင်းကျော်မှာ တရုတ်နိုင်ငံ ယူနန်ပြည်နယ်အတွင်းသို့ ၀င်ရောက်ခိုလှုံနေရသည်။ တရုတ်နိုင်ငံကမူ မြန်မာအစိုးရအနေဖြင့် တင်းမာမှုကို လျော့ချရန် တိုက်တွန်းခဲ့ပြီး နယ်စပ်ဒေသ တည်ငြိမ်ရေး ခြိမ်းခြောက်မှုအတွက်လည်း သတိပေးခဲ့သည်။
Ref: Channelnewsasia
