News @ M-Media

Tag: NRC-News

  • မွန်ပြည်နယ်ရှိ မွတ်စလင်များ၏ မှတ်ပုံတင်တွင် လ၀ကမှ ဘင်္ဂါလီလူမျိုးဟု အဓမ္မထည့်သွင်း ဖော်ပြ

    မွန်ပြည်နယ်ရှိ မွတ်စလင်များ၏ မှတ်ပုံတင်တွင် လ၀ကမှ ဘင်္ဂါလီလူမျိုးဟု အဓမ္မထည့်သွင်း ဖော်ပြ

    နိုဝင်ဘာ ၁၉ ၊ ၂၀၁၂
    M-Media
    နေသစ်ထွန်း

    မွန်ပြည်နယ် အတွင်း နေထိုင်လျက်ရှိ မြန်မာမွတ်စလင်များအား မှတ်ပုံတင်ပြုလုပ်ရာတွင် သက်ဆိုင်ရာ လ၀က ဌာနများမှ ဘင်္ဂလီ လူမျိုး ဟုထည့်သွင်းရေးသားဖော်ပြနေကြောင်း သိရသည်။ “ ပေါင်က လ၀က ရုံးမှာ မှတ်ပုံ တင် လုပ်တော့ လ၀က အတင်းပဲ ဘင်္ဂလီ လို့ရေးပါတယ်။ ကျွန်တော် ဘင်္ဂလီမဟုတ်ဘူး လို့ ပြောတော့ မရဘူး။ ဘင်္ဂလီလို့ ရေးမှ မှတ်ပုံတင် ရမယ် လို့ ပြောတယ်  ” ဟု မွန်ပြည်နယ် ပေါင်မြို့နယ် မုတ္တမ ကျေးရွာမှ မြန်မာ မွတ်စလင် တစ်ဦးက ပြောသည်။

    မိဘမျိုးရိုးများသည် ဘင်္ဂလီများမဟုတ်သော်လည်း သားသမီးများ၏ မှတ်ပုံတင်များတွင် ဘင်္ဂလီ ဟု ထည့်သွင်း ခံနေရသည်။

    “ ကျွန်တော် အဖေမှတ်ပုံတင်မှာက ဇေရ်ဘာဒီလူမျိုးလို့ ရေးထားပါ တယ်။ ဒါပေမယ့် ကျွန်တော်ကိုကျတော့ ဘင်္ဂလီ / မွန် / ကရင် လို့ ရေးထားတယ်။ ဒီလိုဘာလို့ရေးလဲ ဆိုတာ တောင် ကျွန်တော်မသိရဘူး  ”ဟု မော်လမြိုင်မှ မြန်မာမွတ်စလင် တစ်ဦးက ပြောကြားသည်။

    သက်ဆိုင်ရာ လ၀က အရာရှိများသည် တိုင်းရင်းသားလူမျိုးများမှ အစ္စလာမ်ဘာသာဝင် များ ဘင်္ဂလီ ၊ သို့မဟုတ် အိန္ဒိယ မျိုးနွယ် အဖြစ် မှတ်ပုံတင်တွင် တွဲဖက် ဖေါ်ပြလျက်ရှိသည်။

    “ကျွန်တော်က ကရင်-ဗမာ ပါ။ လ၀ကမှာ မှတ်ပုံတင်လုပ်တော့ ဘင်္ဂလီလို့ ရေးဖို့ လုပ်ပါတယ်။ ကျွန်တော့်ကို ဘင်္ဂလီ လို့ ရေးမယ်ဆိုရင် အဲဒီမှတ်ပုံတင် ကျွန်တော်မယူဘူး ။ လူမျိုးအမှန်ကို ရေးမှ မှတ်ပုံတင်ယူမယ်လို့ ပြောပြီး ရအောင်မှတ်ပုံတင်လုပ်ခဲ့ရတယ် ” ဟု ပေါင်မြို့နယ် နတ်မော်ကျေးရွာ ကရင်တိုင်းရင်းသား အစ္စလာမ် ဘာသာဝင်တစ်ဦးက ၄င်းအတွေ့အကြုံကို ပြောပါသည်။

    ဘင်္ဂလီစကား ပြောဆိုခြင်း၊ ဘင်္ဂလီ ယဉ်ကျေးမှု ကျင့်သုံးခြင်း၊ ဘင်္ဂလီ ရိုးရာ ၀တ်စုံ ၀တ်ဆင်ခြင်း များမရှိကြပဲ မြန်မာစကား ပြောဆိုခြင်း၊ မြန်မာ့ ယဉ်ကျေးမှု ကျင့်သုံးခြင်း၊ မြန်မာ့ဝတ်စုံ များဝတ်ဆင်လေ့ရှိသူ မြန်မာ မွတ်စလင် များ ၊ တိုင်းရင်းသား အစ္စလာမ် ဘာသာဝင်များကို ဘင်္ဂလီ လူမျိုးအဖြစ် လ၀က မှ အဓမ္မ ဖေါ်ပြနေခြင်းသည် လူ့အခွင့်အရေး ချိုးဖောက်ခြင်း ဖြစ်ကြောင်း ဒေသခံ များက ပြောဆိုကြသည်။

    မွန်ပြည်နယ် မုတ္တမဒေသရှိ အစ္စလာမ်ဘာသာဝင် ပသီ(မြန်မာမွတ်စလင်) တို့သည် မွန်ဘုရင်များ လက်ထက် ကပင် နေထိုင်ခဲ့ ပြီး မွန်ဒေသသို့ ကျူးကျော် လာသူများကို ခုခံ တိုက်ခိုက်ရာတွင် ပါဝင်ခဲ့ကြောင်း မြန်မာ့သမိုင်း တွင်ဖေါ်ပြထားသည်။

  • ပေါက်တောမြို့နယ်ရှိ မွတ်စလင်ရွာများသို့ လ.၀.ကမှ စာရင်းကောက်

    ပေါက်တောမြို့နယ်ရှိ မွတ်စလင်ရွာများသို့ လ.၀.ကမှ စာရင်းကောက်

    နိုဝင်ဘာ ၇၊ ၂၀၁၂
    M-Media
    သတင်း – ထွန်းတောက်

    ပေါက်တောမြို့ မွတ်စလင်မ်ကျေး၇ွာများ မိးလောင်နေစဉ်

    ပေါက်တောမြို့နယ်ရှိ နတ်ချောင်း၊ မေယုကျွန်း၊ အနောက်ရွေ့၊ ကြိမ်နီရွာနှင့် ဆင်တမှော်စသည့် မွတ်စလင်မ်ရွာများသို့ ၇.၁၁.၂၀၁၂  လ၀ကမှ လာရောက်၍ စာရင်းကောက်ယူမှုများ ပြုလုပ်ကြောင်း သတင်းရရှိပါသည်။

    ပေါက်တောမြို့နယ်ရှိ နတ်ချောင်း၊ မေယုကျွန်း၊ အနောက်ရွေ့၊ ကြိမ်နီရွာနှင့် ဆင်တမှော်ရွာများသို့ ဒီနေ့ (၇.၁၁.၂၀၁၂)နေ့မှာ လ.၀.ကမှ လာရောက်ခဲ့ကြောင်း၊ လ.၀.ကနှင့်အတူ န.စ.က၊ ရဲနှင့် စစ်တပ်တို့ အတူပါဝင်ပြီး ရွာများ၏ မွတ်စလင်များကို အိမ်တိုင်းစေ့ တစ်ယောက်ချင်းစီ ဖြည့်ရန်စာရွက်များနှင့် စစ်ရင်းကောက်ယူကြောင်း၊ ယင်းစာရွက်တွင် မိဘ၊ မွေးသက္ကရာဇ်၊ ယခင် နေထိုင်သည့်နေရာ၊ ယခုနေထိုင်သည့်နေရာ၊ လူမျိုး၊ လက်မှတ်နှင့် မှုခင်းဆိုင်ရာ ထွက်ဆိုချက် စသည့်အချက်များပါဝင်ပြီး စစ်ဆေးသူလက်မှတ်၊ စစ်ဆေးခံသူလက်မှတ်နှင့် သက်သေ ၂-ယောက် လက်မှတ်ထိုးရန်ပါရှိကြောင်း၊ လူမျိုးဆိုသည့်နေရာတွင် ဒေသခံများက ရိုဟင်ဂျာဟုထည့်သော်လည်း ရိုဟင်ဂျာဟုထည့်လျှင် ဖမ်းမည်ဟုပြောဆိုခြိမ်းခြောက်ပြီး လ.၀.က မှ ဘင်္ဂါလီဟု ဇွတ် အတင်းထည့်နေကြောင်း၊ ထို့အတွက် ရိုဟင်ဂျာများမှ စိတ်ဒုက္ခများ ကြုံတွေ့ခံစားနေရကြောင်း၊ ယင်းကိစ္စများအား စစ်တွေခရိုင် လ.၀.က ဦးစီးမှူး ဦးအေးသန်းကိုယ်တိုင် လိုက်ပါပြီး လုပ်ဆောင်နေကြောင်း သိရသည်။

    ယခု စာရင်းကောက်ယူနေသည်မှာ ရခိုင်တွင် တကျော့ပြန်ဖြစ်ပွားခဲ့သည့် အကြမ်းဖက်မှုကြောင့် ထွက်ပြေးလာရသော မွတ်စလင်မ် ဒုက္ခသည်များအား စာရင်းကောက်ယူသည် မဟုတ်ဘဲ ယခင်ကတည်းက နေထိုင်ခဲ့သူများကိုသာ စာရင်းကောက်ယူခြင်း ဖြစ်ကြောင်းလည်း သိရပါသည်။

    ၁၉၈၂ ခုနှစ် မြန်မာနိုင်ငံသားဥပဒေအတိုင်း နိုင်ငံသားဟုတ်မဟုတ်ကို ခွဲခြားနိုင်ဖို့ ယခုလို ပေါက်တောမြို့ရှိ ကျေးရွာ(၅) ခုကို စတင်စစ်ဆေးနေတာဖြစ်ကြောင်းသိရပါတယ်။

    ရခိုင်ပြည်နယ် နေရာအနှံအပြားတွင် မွတ်စလင်အများစုနေထိုင်ရာ ကျေးရွာများမှာ အကြမ်းဖက်မိးရှို့ဖျက်ဆီးခံခဲ့ရပြီး အသက်မသေဘဲ ကျန်ရစ်တဲ့ မွတ်စလင်မ်အများစုမှာ အဝတ်တစ်ထည် ကိုယ်တခုဖြင့် ဒုက္ခသည် စခန်းများသို့ အသက်လု ထွက်ပြေးလာခဲ့ကြသူများဖြစ်ပါသည်။

  • မန္တလေးတွင် လ.၀.က သတ်မှတ်ချက်အရ အိန္ဒိယ-ဗမာ များနေ

    မန္တလေးတွင် လ.၀.က သတ်မှတ်ချက်အရ အိန္ဒိယ-ဗမာ များနေ

    မင်းမင်းလတ်(မြစ်မခ)

    မြစ်မခ မှ ကူးယူဖော်ပြပါသည်။

    မန္တလေးမြို့တွင် နေထိုင်သူ အစ္စလာမ်ဘာသာဝင်၊ဟိန္ဒူဘာသာဝင်များအား လူဝင်မှုကြီးကြပ်ရေးရုံးက မှတ်ပုံတင်အသစ်ပြန် လည်ပြုလုပ်ခိုင်းပြီး၊  အိန္ဒိယ- ဗမာ ဟု သတ်မှတ်ခြင်းများရှိနေကြောင်း မြို့ခံများက ဆိုသည်။

    အစ္စလာမ်ဘာသာဝင် ဗမာအမျိုးသမီးတစ်ဦး၏မှတ်ပုံတင်အား လူမျိုးအမည်ပြန်လည်ပြင်ဆင်ပြောင်းလဲရန်အတွက် မဟာအောင်မြေ လူဝင်မှုကြီးကြပ်ရေးရုံးက မှတ်ပုံတင်အသစ်ပြန်လည် ပြုလုပ်ခိုင်းခဲ့သည်ဟု ကာယကံရှင် မတင်တင်ရီက  ဆိုသည်။

    သမီးဖြစ်သူအတွက် မှတ်ပုံတင်သွားရောက်ပြုလုပ်စဉ် ထိုကဲ့သို့ စေခိုင်းခဲ့ခြင်းဖြစ်ကြောင်း အဆိုပါ အမျိုးသမီးက ပြောကြားခဲ့သည်။

    ” ကျမသမီးအတွက် မှတ်ပုံတင်သွားလုပ်တဲ့အခါ မိဘဖြစ်တဲ့သူက လူမျိုး-ဗမာ၊ ကိုးကွယ်သည့် ဘာသာ- အစ္စလာမ် ဖြစ်နေလို့ လက်သင့်မခံနိုင်ဘူး ၊ ဒါကိုပြန်လည်ပြင်ဆင်ရန် အသစ်ပြန်လျှောက်ပါဆိုပြီး လျှောက်လွှာတစ်စောင်ကို ဦးစီးမှူးလက်မှတ်ထိုးပြီး လုပ်ခိုင်းလိုက်တယ် ´´ဟု ၎င်းက ပြောကြားသည်။

    မတင်တင်ရီသည် ၎င်းအပေါ်ထိုကဲ့သို့ ဆက်ဆံလိုက်ခြင်းအပေါ် ကျေနပ်မှုမရှိကြောင်းနှင့် ၎င်း၏မျိုးရိုးသည် ဗမာလူမျိုးစစ်စစ် များဖြစ်ကြောင်းကို မီဒီယာသမားများနှင့်တွေ့ဆုံပြောကြားခဲ့သည်။

    ” အဖိုးက နန်းတွင်း တိုင်းရင်းဆေးသမားတော်ဦးကျော် ၊ အဖွားက စုဖုရားလတ်ရဲ့စာချွန်တော်ဖတ် ဒေါ်ဖွားနှစ် ၊ ကျမတို့ အမျိုးက နန်းတွင်းကို ခြေကန်မွေးလာကြတာ ၊ ကျမတို့က ဗမာလူမျိုးစစ်စစ်သာ ဖြစ်တယ် ၊ အခု အိန္ဒိယ- ဗမာလို့ သတ်မှတ် မယ်ဆိုတာတော့ လုံးဝလက်မခံသလို ၊ အိန္ဒိယ နိုင်ငံသား တွေလဲမဟုတ်တဲ့အပြင် အဲဒီမှာ မိတ်ဆွေတောင် မရှိဘူး” ဟုသူမက ဆက်လက်ပြော ကြားသည်။

    အဆိုပါကိစ္စနှင့်ပတ်သက်၍ မဟာအောင်မြေ လူဝင်မှုကြီးကြပ်ရေးရုံးသို့ သွားရောက်မေးမြန်းရာ ၊ ကာယကံရှင်ဖြစ်သူများမှ ၎င်းတို့သည် အိန္ဒိယနွယ်ဖွားများဖြစ်ကြောင်းကို ၀န်ခံထွက်ဆိုခဲ့သည်ဟု ဦးစီးမှူး ဖြစ်သူ ဦးတင်မျိုးအောင်က ပြန်လည်ဖြေကြားခဲ့သည်။

    ” ကလေးတွေကို လာလုပ်တဲ့အခါကျတော့ သူတို့ကိုယ်တိုင် အိန္ဒိယ- ဗမာပါလို့ဝန်ခံ ထွက်ဆိုချက်တွေ ပေးတယ်။ ကလေးတွေတောင်မှာ အိန္ဒိယ- ဗမာ  ဖြစ်နေပြီ သူတို့ကိုင်ထားတဲ့ဟာတွေကြတော့ ရှေ့နောက် မညီတော့ဘူးလေ ၊ အဲဒီတော့ ပြန်ထုတ်ပေးဖို့ရာအတွက် ကျနော်တို့က ပြန်လျှောက် ခိုင်းတာ ” ဟု ဦးစီးမှူးက ပြန်လည်ဖြေကြားခဲ့သည်။

    ဆက်လက်ပြီး ၎င်းက ထိုကဲ့သို့ဖြစ်နေရခြင်းမှာ ကိုးဆယ်ခုနှစ်ရွေးကောက်ပွဲပြုလုပ်ခါနီးတွင် တစ်တိုင်းပြည်လုံး မှတ်ပုံတင်လုပ်ခြင်း ပမာဏများပြား၍ စီစစ်မှုအားနည်းခဲ့သောကြောင့်ဖြစ်ပြီး ၊လက်ရှိလွှတ်တော်တွင် ထိုကိစ္စများကိုဆွေးနွေးသင့်ပြီး အနာဂတ်တွင် တိကျသည့် မူဝါဒများ ပေါ်ထွက်လာမည်ဟု မျှော်လင့်ကြောင်း ပြောကြားခဲ့သည်။

    ထိုကဲ့သို့ ကာယကံရှင်များက အိန္ဒိယနွယ်ဖွားများအဖြစ် ၀န်ခံထွက်ဆိုခဲ့သည်ဟု ဦးစီးမှူး၏ ပြောကြားချက်ကို ကာယကံရှင်ဖြစ်သူ မတင်တင်ရီမှ ငြင်းဆိုခဲ့ပြီး ထိုကဲ့သို့ ပြောဆိုခိုင်းခြင်းကြောင့်မှတ်ပုံတင်ဆက်မလုပ်နိုင်ကြောင်းကိုလည်း သိရသည်။

    ကျမတို့ အိန္ဒိယနွယ်ဖွားအဖြစ် မ၀န်ခံခဲ့ပါဘူး ၊ အဲဒီလိုဝန်ခံခိုင်းလို့ ကျမတို့လျှောက်လွှာကို ပြန်တောင်းတဲ့ အချိန်ကြတော့ ဦးစီးမှူးလက်မှတ်ပါနေလို့ ပြန်မပေးနိုင်ဘူး ၊ လုပ်ချင်တဲ့အချိန်ပြန်လာခဲ့ပါ မပျေက်စေရပါဘူး ဆိုပြီး သိမ်းထားလိုက်တယ်”  ဟု မတင်တင်ရီမှ ပြောဆိုခဲ့သည်။

     

    အလားတူဖြစ်ရပ်များအား မန္တလေးမြို့တွင်းတွင် ဖြစ်ပျက်မှုများပြားနေပြီး သမီးတော်ဈေး (ပြည်ကျော်ဈေး)အနောက်တွင်   နေထိုင်သည့် ပြည်ကြီးပျော်ဘွယ်အနောက်နေ ပုဏ္ဍားလူမျိုးစုအများစုကိုလည်း အိန္ဒိယ-ဗမာဟု ထည်သွင်းထားကြောင်း ပုဏ္ဍားစုတွင်နေထိုင်သူများက ဆိုသည်။