ဧပြီ ၈ ၊ ၂၀၁၄
M-Media
– နိုင်ငံအတွင်းရှိ ခရစ်ယာန် ကက်သလစ်အသင်းတော်က ကန့်ကွက်နေသော်လည်း အငြင်းပွားဖွယ် ကလေးမွေးဖွားနှုန်း ထိန်းချုပ်မှုဥပဒေကို ဖိလစ်ပိုင် တရားရုံးချုပ်က ယနေ့တွင် အတည်ပြုခဲ့သည်ဟု သိရသည်။
ထောက်ခံသူများက ထိုဥပဒေမှာ ဆင်းရဲမွဲတေနေသည့် သန်းပေါင်းများစွာသော ဖိလစ်ပိုင်နိုင်ငံသားများ၏ ဘ၀ကို ပြောင်းလဲပေး လိ့မ်မည်ဟု ပြောဆိုနေကြသည်။ တရားရုံးချုပ် ပြောရေးဆိုခွင့်ရှိသူ သီယိုဒိုရီက ထိုဥပဒေမှာ အခြေခံဥပဒေအား ဆန့်ကျင်ခြင်း မရှိဟုဆိုသည်။ ထို့ပြင် ထိုဥပဒေအား ကန့်ကွက်ရန် ခရစ်ယာန်အဖွဲ့များမှ အစိုးရထံ တင်သွင်းထားသည့် အသနားခံစာ တစ်ဒါဇင်ကျော်ကိုလည်း ချေဖျက် ပစ်လိုက်ခြင်းဖြစ်သည်ဟု ထပ်လောင်းပြောကြားခဲ့သည်။
အဆိုပါဥပဒေအား အတည်ပြုလိုက်ခြင်းကြောင့် မွေးဖွားနှုန်း ကန့်သန့်ထိန်းချုပ်ရန်တွက် ကျန်းမာရေးဝန်ထမ်းများမှာ ကွန်ဒုံးများ၊ သန္ဓေတားဆေးများကို ဝေငှနိုင်မည်ဖြစ်ပြီး၊ ကျောင်းများတွင် လိင်ပညာပေး သင်ကြားမှုများကိုလည်း ဆောင်ရွက်နိုင်မည်ဖြစ်သည်။ ထို့ပြင် မိသားစုစီမံကိန်း လေ့ကျင့်မှုများကို ကျန်းမာရေးလုပ်သားများက ပြုလုပ်ပေးနိုင်မည်ဖြစ်ပြီး သဒ္ဓေဖျက်ချခြင်းမှာလည်း တရားဝန်ဖြစ်လာမည်ဖြစ်သည်။
ခရစ်ယာန်ကက်သလစ် အသင်းတော်မှ မိသားစု မည်သည့်ပုံစံကိုမဆို ၁၅နှစ်ကျော်ကြာ အောင်မြင်စွာ ကန့်ကွက်နိုင်ခဲ့သည်။ ထို့ပြင် မွေးဖွားနှုန်း ထိန်းချုပ်သည့် ဥပဒေမှာ စက်ဆုပ်စရာကောင်းသည့် ဥပဒေဖြစ်ကြောင်း လမ်းပေါ်ထွက် ဆန္ဒပြမှုများလည်းရှိခဲ့သည်။ သို့သော်လည်း ဖိလစ်ပိုင်သမ္မတ အကွီနိုကမူ အသင်းတော်၏ ဖိအားပေးမှုကို ဆန့်ကျင်ကာ ဥပဒေပြဌာန်းရန် လက်မှတ်ထိုးပေးခဲ့သည်။
ထိုဥပဒေမှာ ဖွဲ့စည်းပုံနှင့် ဆန့်ကျင်နေသည်ဟု ခရစ်ယာန်အဖွဲ့များမှ အသနားခံစားများပေးပို့သောကြောင့် တရားရုံးချုပ်က စောစောပိုင်းတွင် ဆိုင်းငံ့ခဲ့သော်လည်း ယခုနောက်ဆုံးတွင် အတည်ပြုခဲ့ခြင်းဖြစ်သည်။ အဆိုပါ မွေးဖွားနှုန်းထိန်းချုပ်သည့် ဥပဒေမှာ ယခုနှစ် ဒီဇင်ဘာလတွင် စတင်သက်ရောက်မည်ဖြစ်သည်။
AFP/nd
